انكليزي البكلوريا... مساعدة

[باسل العمروش]

السلااام عليكم:

عم اعطي هلأ دورة انكليزي/بكلوريا/أدبي  
هلأ بما أنو الدورة كتير سريعة و ما ضل شي للفحص غير شهرين, ف بدي مساعدة شو اعطيها بهالوقت؟
انا بلّشت حالياً بالأزمنة, و عم خطط كمل بالقواعد (المبني للمجهول, الجمل الشرطية, تشكيل السؤال,...) و احرف الجر و الافعال التركيبية..
هدول المعلومات كافية لطلاب البكلوريا -بآخر ايام البكلوريا- ؟ علماً انو الطالب مستواه ما كتير منيح بالانكليزي
و الدورة بالاصل للقواعد و المواضيع.....
هلأ استفساراتي:
شو اعطيه غير يلي ذكرتن قبل؟ و بخصوص الدروس اعطي شي محدد؟ او طالع الكلمات الصعبة و ترجملو ياهن بس؟
و شو مشان نمط الاسئلة؟ نفس السنة الماضية؟ علماً انو الكتاب تغير عن هديك السنة
و كمان : الطالب بالبكلوريا اشرحلو الفرق بين will  و ال be going to  ؟ و الاحرف الكبيرة؟  
معلش استمحلوني  
و اعطوني من خبراتكم...
لأنو هي اول مرة بعطي فيها منهاج "مدارس"  
و شكراً سلفاً  

[Golden RoSe]

اضم صوتي لك أخي الكريم وأطلب المساعدة, حقيقةً أرفض تحمل مسؤولية طالب بكلوريا إنما هذه المرة أختي تطلب مني المساعدة وحملتني مسؤولية المادة,

أرجو المساعدة بالأمور التي يتم التركيز عليها لتحصيل أكبر قدر ممكن من العلامات بالإضافة إلى القواعد التي ذكرتها فبحسب المنهاج أجد أن القواعد غير كافية لنضمن العلامات كون أي فرع يطالب بنسبة محددة للغة الانكليزية, ولكم جزيل الشكر

[ضيا & زين]

بما اني قررت انسحب فما بقى عندي مشكلة باي مادة والانكليزي الحمدلله تمام  

[ضيا & زين]

بما اني قررت انسحب فما بقى عندي مشكلة باي مادة والانكليزي الحمدلله تمام  

[akram883]

تمنياتي بالتوفيق

[Portia]

السلام عليكم :

بما اني قررت انسحب

شو  

ليه ؟

لا ما بنصحك , قدمي شو ما طلع يطلع

هي سنة مو لعبة

توكلي على الله .  وقوي قلبك

و شو ما طلع , الخير يما اختاره الله

ربي يخترلك الخير

................

[nouar86]

أنا مع كلام الأخت Portia هي سنة مو لعبة

[marwan60]

اخوتي طلاب البكالوريا الاعزاء انا مروان عزام مدرس لغة انكليزية لدي العديد من نماذج الامتحان في مادة اللغة الانكليزية لعام 2011 وبمقدوري ارساله لكم عبر البريد الالكتروني لتستفيدو منها وهي على فكرة مع الحلول وتمثل كافة الكتب الثلاثة . لمن يريد الن ارسل له نسخة يرسل الي ايميل على
الإدارة : تم إزالة عنوان البريد الإلكتروني حيث لا يُسمح بإدراج البريد الإلكتروني في المشاركات .
يرجى مراجعة قوانين المنتدى الرئيسية . وسوف ارسل له نسخة شريطة ان يكون طالب بكالوريا وليس صاحب مكتبة

[باسل العمروش]

اخي الكريم:
الله يعطيك العافية
هلأ انا مالي مكتبة, بس كمان هالسنة عندي طالبين بكلوريا
و ايميلي موجود بالبروفايل تبعي
في مجال تبعتلي النماذج اذا بتريد ؟
و شكراً سلفاً

[nouar86]

طيب ليش ما بينحط النموزج ع الموقع
مشان الجميع يستفاد