قسم خاص لإعلانات إدارة المنتدى و لطرح التطورات و التحديثات التي تم الإقرار عليها من فريق الإدارة
الموضوع مغلق

مشروع مجلة آرتين ... التحديث الى خطة العمل 0.6

الجمعة شباط 29, 2008 1:33 ص

السلام عليكم

بحيي كل اللي شاركو و اللي بدهم يشاركو بمشروع المجلة اللي بإذن الله صارت ع الأبواب ...


كلمة " الخطة " بآخر العنوان و جنبها الرقم هي دلالة ع مسير خطة العمل من خلال تحديث وتعديل هاد الموضوع لأي اضافات أو تعديلات . بحيث كل ما تحدث مرة رح يزيد رقم بهي الدلالة اللي هي حاليا (( 0.6 )) , يعني فحال تغيّر هاد الرقم أرجو من كل فريق العمل مراجعة هاد الموضوع


=======================================
التحديثات لخطة العمل 0.6
- تحويل المجلة الى سيدي DVD  :wink:
- إضافة أقسام الميديا للمواد المرئية و السمعية في كل من قسم الانكليزي و الفرنسي و قسم التسلية و المرح .

- الطلب من كل الأعضاء الذين شاركو في المجلة ارسال رسالة خاصة لي فيها يتم الطلب كيف ستعرض اساؤهم في المجلة ( الاسم المستعار في المنتدى أم الاسم الحقيقي ) بالإضافة الى تزويدي بالإيميل لمن أراد نشره .

=======================================
التحديثات لخطة العمل 0.5
- الانتهاء من جمع معلومات قسم اللغة العربية . *1
- إضافة قسم فرعي جديد في المجلة " صورة و تعليق "
- إضافة أسماء متطوعين جدد جانب الأقسام .
- تحديد يوم الأحد القادم 27\4 كآخر موعد لاستلام المعلومات .


و طبعا آسف ع البطء بسير العمل و هو لعدة أسباب منها انو لهلأ في أعضاء ما سلومو عملهم و طلبو مدة أطول و منها انو انا و بكل أسف كمان صار علي ضغط بكزا شغلة .
و بكل الأحوال تم تحديد يوم الأحد بتاريخ 27/4 كموعد نهائي لتسليم المعلومات .

و أسماء الأعضاء اللي كمان سلمو أعمالهم بالاضافة للأعضاء المذكورين بالتحديث السابق :
*1 هدى *1 عبودة *1 خزامى *1 arty *1  عبادة *1  وداد *1 غانم *1 Maya *1 Armando *1 أ.أحمد أبوشكير *1 محمد الصالح *1 أفنان *1 Basil *1
=======================================
التحديثات الى خطة العمل 0.4
- تعيين المشرفة لجين على مسؤولية استلام المعلومات من أقسام القسم العام .
- تعيين المشرفة رغد على  مسؤولية استلام المعلومات من أقسام قسم اللغة الانكليزية .
- إضافة أسماء متطوعين جدد الى جانب الأقسام .


بالنسبة الى تسليم المعلومات , هلأ صار في لكل قسم شامل شخص لتسليم المعلومات الو و هنن كالتالي :
لجين : القسم العام
رغد : قسم اللغة الانكليزية
وداد : قسم اللغة الفرنسية
هدى قسم اللغة العربية
و طبعا كمان لأي استفسارات حول طريقة تسليم المعلومات أو شو هي المعلومات اللي ممكن تتقدم , فيكم تراسلو المسؤول عن القسم اللي بيحتوي القسم الفرعي اللي حابين تشاركو فيه .


الأعضاء اللي قدمو المعلومات و اللي انتهت مهمتهم الى حد هلأ هنن (( مشكورين )) :
Adnan *1 عصام *1 ملاك *1 رشوووش *1 لينا *1 Wissam *1 عفوا دمعتي *1 زمردة *1 Yara *1 acrobat *1 Obada *1
حاليا هدول اللي صار معلوماتهم موجودين عندي و ممكن يكون في كمان أعضاء مسلمين معلوماتهم لمسؤولي الأقسام بس مازلت تحت المعاينة و الدراسة .

=======================================
التحديثات الى خطة العمل 0.3
- اضافة أسماء متطوعين جدد الى جانب الأقسام .
- اضافة أسماء للموزعين في المحافظات .
- تعيين مسؤولي جمع المعلومات في قسمي اللغة العربية ( هدى ) و اللغة الفرنسية ( وداد ).

كمان هلأ بدي نوه لكلشي عم يشاركو و بما انو كترت الأسئلة اللي وصلتني عن المهمة المطلوبة .... حاليا بما انو عينت مسؤلين لجمع المع المعلومات معناها كل عضو بشوف مين مسؤول جمع المعلومات بقسمو و بسلمو المعلومات . و برجع بذكر انو ازا كانت بعض المعلومات مواضيع بالمنتدى .... بامكانكم الضغط زر " نسخة للطباعة " الموجود براس كل بوضوع و بعدها حفظ الصفحة باسم . هي الصفة اللي انحفظت و أي معلومات تانية بريد العضو يضيفها بينحطو كلهم بمجلد واحد .... ازا كانو بعض المعلومات مقالات أو كتب .... كلو بصير شو ما كانت أنواع الملفات ... المهم بينحطو كل المعلومات بمجلد واحد و بعدها نرقة يمين ع المجلد و " ارسال الى " مجلد مضغوط ... و بعدها بتحملو هاد الملف المضغوط ع أي موقع لتحميل الملفات و بتعطو الرابط لمسؤول استلام معلومات القسم اللي عم تشاركو فيه .
أي أسئلة تانية أنا جاهز .

و باب التطوع مازال مفتوح


=======================================
التحديثات الى خطة العمل 0.2
- اضافة أسماء بعض المتطوعين جانب الأقسام .
- تعديل الأقسام في قسم اللغة العربية .
- اضافة قسم ( صور و تصاميم ) و قسم ( المكتبة الاكترونية ) الى القسم العام .
- اضافة قسم خاص لطلاب الترجمه .
- اضافة أسماء الموزعين في المحافظات .


بحب نوّه انو المجال للتطوع و استلام أقسام ما زال مفتوح و اللي ما انذكر اسمهم بكون بسبب عدم التقدم للمشاركة بالطريقة الأولى و فيهم يشاركو بالطريقة الثنية أو لازم يتقدمو للطريقة الأولى حسب الطريقة اللي كتبتها . و أكيد المجال كمان ما زال مفتوح للاقتراحات بخصوص الأقسام أو أي شي تاني .
و مشان اللي انذكرت اسماءهم , بارك الله فيكم أول شي , البعض بيعرف شو بدو يعمل و الباقين اللي ما وصلهم أي تعليمات , فيهم يطرحو المواضيع اللي بدهم يشاركو فيها مع التنويه انو هي المواضيع للمجلة بكتابة جملة ( للمجلة ) بأول العنوان أو اخبار مشرف القسم بذلك . و ازا كان فيه أي ستفسارات .فيكم تكتبولي ياها .

=======================================

العمل بالمجلة رح يكون كالتالي :

رح يكون في خيارين بطريقة المشاركة لكل عضو :
الأولى : و هي انو يستلم العضو مهمة العمل مع فريق عمل المجلة بشكل رسمي و هي بتوجب عليه :
- ارسال رسالة خاصة الي (( عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول )) لتسجيل اسمو ضمن الفريق و شرح مهمته بشكل مفصل أكتر .
- تنظيم معلومات القسم اللي رح يستلمو و جمعها بملف نصي واحد , و رح تستفيدو كتير من زر " نسخة للطباعة " الموجود بأعلى كل موضوع بالشريط الأصفر .
- لا مانع انو يستلم العضو أكتر من قسم أو أكتر من عضو يستلمو نفس القسم , أو حتى قسم شامل " عام , عربي , انكليزي , فرنسي "
و هيك رح يكون ميزاته كعضو بفريق العمل :
- نشر اسم العضو و ايميله الشخصي ازا أراد بالمجلة بصفحة فريق العمل .
- اهداؤه نسخة أصلية من المجلة .


الطريقة التانية : هي المشاركة بالمواضيع " بشكل انو تناسب أحد الأقسام بالمجلة " و بيان نسبها للمجلة و اعلام العضو المسؤول عن قسم المجلة المناسب الها بهي المواضيع  . و اكيد هدول الأعضاء رح يكون الهم شكرا خاص بالمنتدى مع صدور المجلة .

حاليا و حسب اقتراحاتكم حطيت هي الأقسام مع شرح لكل قسم .... كلها قابلة للتعديل حسب الضرورة , أو الاضافة طبعا . و عند وصول طلب الأعضاء بالانتساب لفريق العمل بالمجلة برسالة خاصة الي رح حط كل عضو تعيين جنب القسم اللي تعين عليه و برجع بذكر انو ممكن يستلم أكتر من قسم أو قسم شامل "القسم العام ,قسم العربي , قيم الانكليزي , قسم الفرنسي " .

القسم العام: (( لجين )) لتسليم المعلومات

أخبار الجامعة :
رح تكون أخبار خاصة عن جامعتنا أو حتى عن أي خبر علمي أو خبر عام مهم بخص كل جامعات الآداب و عن الأحداث الهامة فيها و رح نركز أكتر ع كلية الآداب , . وحتى ممكن نضيف فيه آخر أخبار آرتين

التسلية و المرح :
Hiba.Sh و عفواً دمعتي و ملاك و عصام
رح نعملو قسم ظريف لتغيير الجو ... فيو طرائف علمية أو قصص طريفة و حتى رح نحط فيه العاب تعليمية و أي شي ممكن حدا يستمتع فيه , بالاضافة الى بعض المواد المرئية للترفيه .

صوتنا :
Osama و عامر الرشواني و عـلاء
بهاد القسم رح نبحث قضية معينة من قضايا جامعتنا , أو حتى أي قضية على مستوى كل الجامعات , و نحط آراءنا فيها و شو الحلول الممكنة الها .

أقلام الواعدة :
Safwat و ثـــائـــر و الملاك و Shakespearean
حسب ما طلبتو , رح يكون هاد القسم خاص لكتابات الأعضاء , مو أي كتابات , فقط المميزة حسب الترشيح .

هل تعلم :
Nisreen و ملاك و acrobat
قسم مهم للبعض لأنو رح يكون في معلومات فعلا مهمة و ما كنا منتبهين عليها .

المكتبة الاكترونية :
Obada و فارس و عـلاء
بهاد القسم هو قسم لكل البرامج التعليمية أو الضرورية و المميزة و القواميس و الأعمال الأدبية اللي ما من المنهاج , بالاضافة للكتب التعليمية للغات و بعض الأغاني و كلماتها و رح يكون أغلب ملفات مكتبة الموقع موجودة في كمان *1 .

قسم الصور :
Lina و acrobat
الصور بتعبر عن كتير أشياء , حتى بالعلم ممكن نستخدم الصور , لهيك هاد القسم رح يكون جديد بهدفو العلمي بالاضافة لتعليم طرق التصميم و خلافو .
صورة و تعليق :
بهاد القسم رح يكون في مواضيع منوعة مدعومة بالصور بشكل أساسي و رح تكون ع طريقة " بدون تعليق " .

قسم اللغة الانكليزية : (( Raghad )) لتسليم المعلومات


General section
Raghad و زمردة و Wissamo
رح نحط فيه ان شاء الله نصائح و مواضيع عامة و مهمة عن اللغة الانكليزية بشكل عام ... و خصوصا الأشياء اللي كلنا ممكن نخطئ فيها

Essays by a members
هون رح تكون المقالات اللي كتبها الأعضاء حصرا

Grammar & Parctises
Raghad و Adnan و Tami و ملاك و Wissamo و Lukashikari
طبعا القسم واضح من عنوانه ... رح نحناول نجمع أهم المعلومات و القواعد عن اللغة الانكليزية ظمن الألف للياء ... و ما شاء الله الاقسام ملاينة مواضيع ممكن تتكامل لتشكيل أحلا سلسلة بتحوي كلشي و بكل التفاصيل .

Analysis & Studying
رشوووش (رواية سنة أولى) و Adnan (مسرحية سنة تانية) و Yara ( روايات سنة ثالثة ) و Yamen و Arty (روايات سنة رابعة)
هون رح نحاول نحط رواية كحد أدنى من كل سنة .... نمسك كل وحدة و نشرحها تشريح ( مواضيع - شرح - شخصيات - تلخيص للقصة - لمحة عن حياة الكاتب )

Art-en Box:
Obada
هاد القسم رح يكون كمكتبة الملفات بالمجلة و بالحقيقة رح يكون أكبر قسم من ناحية الحجم ... منجمع في الكتب المصنفة الخاصة بالمنهاج

Our Project
و أكيد رح يكون في قسم خاص لمشروع الترجمه (( 100 )) قصة ... عربي و انكليزي

علم الترجمه :
زمردة و Khazoom و باسل
قسم بيختص بالترجمه و فنونها و قواعدها و بيتعمق فيها و ممكن نركز فيه على القواعد المهمة لطلاب قسم الترجمه .


Media:
سيحوي هذا القسم على العديد من الوسائل السميعة التعليمية من دروس صوتية و ما الى ذلك , و المرئية من محاضرات أجنبية في مواد معينة وجدناها مميزة لكم , مع بعض أفلام الأنيميشن لتقوية السماع و الفهم لدى الطالب .


قسم اللغة العربية : (( هدى )) لتسليم المعلومات
عبودة و محمد الصالح و Adnan و أ.أحمد أبوشكير
1-النحو :
أ- الإعراب: إعراب آيات قصيرة وبسيطة من القرآن الكريم ( مع الابتعاد عن الآيات التي
اختلف في تفسيرها)
ب- فوائد نحوية: يجب أن تكون مركّزة وصحيحة ومدعومة بأمثلة سهلة الفهم بعيدة عن الحشو


2-الأدب والأدباء
أ- كتابنا:قسم خاص للكتّاب العرب القدامى والمعاصرين نتناول من خلاله أهم كتبهم واضواء على هذه الكتب.
ب-قصيدة وشاعر:نتكلم من خلال هذا القسم عن شاعر معين وعن أسلوبه بالكتابة ونستشهد بعدة أبيات من قصائد متعددة له.


3- العروض
الحديث عن علم العروض وواضعه وطريقة الكتابة العروضية ومن ثم الحديث عن بحر معين وعلله وجوازاته.

4- البلاغة :
التكلم عن عن درس بلاغي بتعريفه أولا ويشكل مبسط و إرفاده  بشاهد واضح لتتركز الفكرة ولا مانع في هذا القسم من كتابة هدية بلاغية كخطبة مميزة
أو أبيات من الشعر تلبي غرض الدرس


قسم اللغة الفرنسية : (( وداد )) لتسليم المعلومات
وداد و maya و Armando و غانم
اللغة و قواعدها
بهاد القسم رح يكون في قسمين , حسب ما اقترحتو , قواعد للمبتدئين و قواعد للمتقدمين . و المواضيع الهامة بخصوص قواعد هي اللغة .

نصوصن و مقالات :
طبعا مقالات مهمة كلغة فرنسية و مفيدة لأي قارء .

الترجمه :
Opeth
أكيد هاد القسم رح نحاول نحط فيه أكبر كم من النصوص اللي ترجمها الأعضاء بقسم الفرنسي و حتى منضيف أي ترجمات هامة .

Media:
سيحوي هذا القسم على العديد من الوسائل السميعة التعليمية من دروس صوتية و ما الى ذلك , و المرئية من محاضرات أجنبية في مواد معينة وجدناها مميزة لكم , مع بعض أفلام الأنيميشن لتقوية السماع و الفهم لدى الطالب .


فريق التوزيع :
عصام في ( حمص ) وacrobat و Khazoom في ( دمشق ) و باسل في ( حلب )
فريق التصميم و النشر:
فارس و باسل
و بالتوفيق للجميع
 *ورود

مباشرة العمل في مشروع مجلة آرتين " استلام المهام "

الجمعة شباط 29, 2008 1:53 ص

       فارس,  
الله يعطيك العافية على تعبك معنا  *1 و بشكر باسل صاحب الفكرة العظيمة  *1 و كل الأعضاء الكشاركين معنا  *1
بالنسبة لقسم القواعد  
Grammar & Parctises

حلو هالقسم و ان شاء الله نقدر نحصل فيه الفائدة المرجوة  :wink:
هل تعلم :
قسم مهم للبعض لأنو رح يكون في معلومات فعلا مهمة و ما كنا منتبهين عليها .

و هاد القسم كمان أختي Nisreen رح تشارك فيه :wink:

و العضو اللي حابب يشارك معنا بهي الأقسام يبعت رسالة خاصة لفارس لأنو المجال أكيد ما زال مفتوحا" لباقي الأعضاء حتى بنفس الاقسام اللي أشرت عليهن أنا  :wink:

مباشرة العمل في مشروع مجلة آرتين " استلام المهام "

الجمعة شباط 29, 2008 2:06 ص

أقلام الواعدة :
حسب ما طلبتو , رح يكون هاد القسم خاص لكتابات الأعضاء , مو أي كتابات , فقط المميزة حسب الترشيح .

وانا حابه كمان اشارك بالمجله
مقهى آرتين
رح نعملو قسم ظريف لتغيير الجو ... فيو طرائف علمية أو قصص طريفة و حتى رح نحط فيه العاب تعليمية و أي شي ممكن حدا يستمتع فيه .

وإن شالله كلنا بنتعاون تنقدم أحلى مجله *ورود

مباشرة العمل في مشروع مجلة آرتين " استلام المهام "

الجمعة شباط 29, 2008 2:09 ص

أقلام الواعدة :
حسب ما طلبتو , رح يكون هاد القسم خاص لكتابات الأعضاء , مو أي كتابات , فقط المميزة حسب الترشيح .


و هادا  علي  انا      *ورود  *ورود  *ورود  *ورود  *ورود

مباشرة العمل في مشروع مجلة آرتين " استلام المهام "

الجمعة شباط 29, 2008 2:30 ص

طبعا قسمي ما بدي وصاية عليه بس بدي همة طلاب الفرنسي معي  :wink:

مباشرة العمل في مشروع مجلة آرتين " استلام المهام "

الجمعة شباط 29, 2008 2:56 ص

بالتوفيق لإفادة أكبر شريحة ممكنة من الطلاب و أنا من جهتي جاهز لأي مساعدة  *1

مباشرة العمل في مشروع مجلة آرتين " استلام المهام "

الجمعة شباط 29, 2008 10:09 ص

حلوووووووووو شي رائع وانا من جهتي اود ان اشارك والمساعدة ايضا شو بتريدو مني انا جاهز  *ورود  *1

مباشرة العمل في مشروع مجلة آرتين " استلام المهام "

الجمعة شباط 29, 2008 10:19 ص

الله يبارك عملكم  ... أنا مستعد للمشاركة في مواضيع قسم اللغة العربية
إن شاء الله  
 *ورود  *good

مباشرة العمل في مشروع مجلة آرتين " استلام المهام "

الجمعة شباط 29, 2008 10:26 ص

أنا بقدر اعمل شغلة وحدة.........وهي المساعدة بانتقاء الأعمال القابلة للنشر بأقلام الأعضاء
واللي ممكن تنتشر بقسم أقلام واعدة

وحتى لو ما قدرت ساعد
موفقين جميعاً ويعطيكن ألف عافية *1

مباشرة العمل في مشروع مجلة آرتين " استلام المهام " الخطة 0.1

الجمعة شباط 29, 2008 12:48 م

بالنسبة للعروض يمكن فيني دبرون من انسة عربي وعن بحور وهيك اي شي بيلزمكن للعربي مستعدة دبرو
الموضوع مغلق