التقرير الكامل لاحتفالية آرتين الثالثة (نسائم إبداعية)

[عصام]

ايــــــــــــــــــــــــــــــــه
والله زعلت انو راحت علي
بس يالله انشالله السنة الجاي بحضر الامسية الجديدة  
والله يعطي العافية لكل مين ساهم بنجاح هالامسية الحلوة عحسب ماسمعت  

[Safa alaasi]

عدت  
أول شي شكرا لهدى على هالتقرير الحلو .. و طبعا ثائر و الملاك ما قصرو و نزلو تقارير كمان ... ما شاء الله شاطرين بكتابة التقارير    

تاني شي خلينا نبلش   مع العلم انو ما حدى يزعل من رايي الصريح  ها*hh

الأمسية بشكل عام كانت رائعة و هيي احتفالية بكل معنى الكلمة .. و كانت نقلة نوعية و متقدمة عن الامسيات السابقة  

منجي عالمشاركين ...

وسام المجذوب

قصيدة حلوة بإنها وطنية بتخاطب الضمير العربي الي عم يموت مدري مات و خلص ... و طبعا ملائمة جدا كافتتاح للامسية ... بس وسام من الاشخاص الي عم يقدمو للامسية ما عم ياخدو منها و هالشي طبعا رائع من وسام ... بس هي تالت مرة بتطلع بنفس الشكل للناس ... كنت بتمنى لو شوف جانب آخر لشعرك و لشخصيتك كإلقاء  


يارا العلي

أحلا شي انو كل العالم مفكرة انو نفسا يارا العالي الي بالمنتدى   صوت رائع و لا غبار على الاحساس و الأداء ... و جمال صوتا و أداءها الساحر بيغفر التلبك الي صار بأول الأغنية ... بتمنى إذا بدها تستمر بالغناء تبقى بهالخط الراقي  

طبعا اختيار القصيدة كان ذكي جدا و مناسب للجو الثقافي الاحتفالي بالامسية  

المناظرة الشعرية متل ما مكتوب بالتقرير أو المسرحية الشعرية متل ما قال ثائر
بالنسبة الي كان صعب تحديد هوية هالفقرة   و هاد العيب الاول الي فيها ... لأنو ما كان حوار شعري بحت و لا هوي عرض مسرحي ... و أساسا مو شي سهل تقديم عرض مسرحي حتى لو صغير .. لأنو كنتو بتحتاجو لمؤثرات بالاضاءة متلا أو مهارة تمثيلية أعلى ...
طبعا ثائر يمكن انظلم شوي بهالعرض لأنو أداؤو رائع من حيث الصوت و التعبير ...
هبة كان بدا تدريب أكتر .. بعتقد عندا شي حلو هالبنت بس للاسف ضاع بسبب الخوف و عدم تحكما بطبقات صوتا ..
يعني أنا بتصور لو انو كان الثورة و الحماس بس عند ثائر بما انو هوي الي بدو يروح يستشهد  و لو كانت هبة هيي بتمثل الطرف الحزين على فراق الحبيب  بس تقدم نصها بهدوء و قوة بالتعبير و احساس أعلى بيتناسب مع طبقات صوتا الأنثوية كان أحلى من الحماس الي أظهرتو الي خلى صوتها يرتجف .. و خصوصا لما تقول كلمة حبيبي ... كمان كان في تكرار كتير بهالكلمة ... و حسينا الفقرة طويلة كتير مع انها مو طويلة فعليا  

المقطوعة الموسيقية رائعة و كانت نقطة لصالح التجديد الي بالامسية  

حسن بعيتي
أول مرة بسمع بهالشاعر   بس جد كمان هي فكرة جديدة بوجود شاعر ... و كمان اختصارو لبضعة أبيات بيدل اشقد هوي شاعر عنجد و حابب يشجع المواهب الي بالامسية ... و حتى انو ما طلع عالمنصة  

طلال قصاد

ما شاء الله و كان ..الصلاة عالنبي   يعني عن جد بينخاف عليه من العين على الشعر و الالقاء الفذ ... الحقيقة انو أكتر شعر و القاء عجبني هوي شعر و القاء طلال قصاد بهالامسية .. و الحلو انو جاي  بفكرة جديدة عن الامسية الماضية  

أنا بعتبر انو كمان طلال قصاد سجل نقطة قوة لصالح الامسية ...

منجي بقا لسوزانا .. قصدي نورا عساف
أنا بعرف انو كانت المسؤولية كبيرة على نورا كونها الوجود النسائي الوحيد بالامسية ... لا شك انو هيي بحد ذاتا عندا حضور قوي جداً و مميز... بس  اذا تعمقنا شوي بالنص الي قدمتو  منلاقيه مليانة ثغرات و ضعف .. يعني بالاساس التناقض الكبير  بين الكوميديا و الجدية ما حدى تقبلو ... و للأسف ما وصلت فكرة السخرية للناس ..و شغلة تانية انو هلئ لما عم اققرا القصيدة كتير لقيت الأفكار الي فيها غير منطقية ... يعني شو دخل الخطاب و كثرتن بإنها بنت بتحب النضال و التحرر ... أو انو إذا قطبت زر البيجاما هاد شي بيقلل من قيمتا   ما هنن أخوات محمد الدرة مانن قاعدين بس عم يحاربو و يجاهدو  كلن بيطبخو و بيخيطو و هاد الشي ما بيقلل من قيمتن أبدا و لا من قيمة الجهاد .. أنا لقيت انو هي القصيدة فيها فكرة تهجمية على الزواج من أجل الجهاد أو تحرير الأرض و هالشي بينافي جوهر التحرير الصح    


شادي الرفاعي
بالامسية الماضية شادي لمع لدرجة انو كتير صعب يقدم شي موازي للشي الي قدمو ... بس بهي الامسية كررت نفسك يا شادي بفكرة الحزن ... المشكلة انو كل شخص ما بيقدر يقدم غير قصيدة وحدة فلازم يكون كتير ذكي و حذر و دقيق بإختيارو ... بس هاد ما بيعني انك كنت سيئ بالعكس شعرك حلو و القاءك رائع و انا من الاشخاص الوفية لكتابتك  

أنجلينا جولي وينو براد بيت  
يعني لساتني عم اضحك على التعليقات الي نقلها ثائر .... عنجد برافو على اختيار هالفقرة و هالبنت بالذات نقطة تجديد لصالح الامسية     و أحلا شي انو العالم صار يتصورو معها بعد الامسية  

أغيد الشواف
ما حدى بيطلعلو مع هالزلمي ... واثق من نفسو و من قدراتو و عندو كريزما قوية بتأسر الجمهور ...  و كان ذكي بتقديم نفسو من خلال شي جديد عن المرة الماضية ..بس ياريت كانت نازلة القصيدة مشان نقراها لأني نسيتا بصراحة  ..

إهاب السيد عمر
ما رح ضيف على الي قالوه ... لأنو الكل تقريبا أجمع على نفس الرأي ... بس بتمنى على إهاب انو يشتغل على حالو أكتر من ناحية الالقاء  لأنو ما شاء الله موهبة شعرية فذة ... و أنا شخصيا راح انتظرك بالامسية الجاي بقوة بالالقاء بتضاهي جمال الشعر و قوتو عندك  

فقرة راما متل ما قالت نور ما كان الها داعي عالرغم من موهبة البنت و تميزها
و فقرة فيروزيات كمان ما كان الها داعي لأنو استمتعنا بالعزف و مشي الحال ... هاد غير انو الناس بآخر الامسية بلشو بدن يرورحو و ما بدن فقرات زيادة ...

ثائر
يعني عنجد انا لاحظت تطورك بالتقديم و كنت توب بهالامسية  

بدي اشكر كل القائمين على هالعمل ... الله يعطيكن ألف عافية ... الشي الي عملتو فعلا بيرفع الراس            

[Yamen]

ماشااااااااء الله فعلا شي بياخد العقل بكل المقاااااااييس وشكرا لفارس المدير الغالي ولثائر الشاعر ولحضرتك كمان ياهدى فعلا امسية رائعة وناطرين المزيد وبشكر كل الشعراااااء والكل بدون استثناء كان نجم ماششاء الله وذكرتونا بالايام الماضية    

موفقين يارب      

[Portia]

........

آخر تعديل بواسطة Portia في الجمعة نيسان 09, 2010 11:46 ص، عدل 1 مرة

[Portia]

السلام عليكم :

كنت نتمنى التنويه ان الاحتفالية سيتم نقلها عبر أثير اذاعة " البيضاء "

حتى اللي ما بيقدر يجي يحضرها عالراديو

...............

آخر تعديل بواسطة Portia في الجمعة نيسان 09, 2010 11:54 ص، عدل 1 مرة

[لجين]

Portia,  
:cry: مابعرف شو قلك...يعني بصراحة زعجتيني...يمكن ماتسدقي لاني عم اكتب كتابة وماعم تشوفي تعابير وجهي...بس صدقا شي كتير بدايق وانا لو محلك رح ابكي من كل قلبي لأكتر من سبب..بإذن الله الامسية الجاية رح تقدري تحضريا وانا رح فوتك بإيدي اذا اضطر الأمر...الحمد لله على كل شي ماتدايقي كلو لخير والأمسية الجاية علمك اجت..ان شا الله عن قريب رح تاخدي الدي في دي وتشوفي الأمسية على رواق...شغلة اسبوع بس

[Portia]

السلام عليكم :

مشكورة لجين


..........................

[drummer]

مرحبا ممكن من حاضرين الأحتفالية يزودوني بتقرير شوي ممل عن الفرقة الموسيقية
ألي قدمت الفقرات الموسيقية لأنو سمعت أنو كانو بيجننوا
شكرا للكل  

[Widad]

مرحبا ممكن من حاضرين الأحتفالية يزودوني بتقرير شوي ممل عن الفرقة الموسيقية
ألي قدمت الفقرات الموسيقية لأنو سمعت أنو كانو بيجننوا

اي صح بالفعل كانوا روعة جماعة الموسيقا جميعاً بدون استثناء وخصوصي يلي كان عم يعزف درامز وشخصيته قوية كتير ماشاء الله

[drummer]

يعطيكن العافية بس حابب أعرف عن الفرقة الموسيقية أللي كانت موجودة لأنو سمعت الفقرات أللي قدموها حلوة ممكن شوية تفاضيل