قصة حادث القطار مع طلاب التعليم المفتوح بيوم 27/7

[فارس]

بالنسبة للذين لم يسمعوا بالموضوع من قبل، القصة وما فيها أن حوالي 60 طالبا من طلاب التعليم المفتوح من حلب والدارسين في جامعة البعث امتطوا صهوة قطار الترين سيت الساعة 5:30 صباح يوم الإثنين 27 / 7 ، والمتجه من حلب إلى دمشق مرورا بحمص، لتقديم مادة نصوص من الأدب العربي المعاصر 321 سنة ثالثة، وقبل منتصف الطريق اصطدم القطار بسيارة بطاطا هاجمته على السكة ولم ير سائقها القطار - باعتباره صغير كتير ومو مبين - وبعد توقف لمدة ساعة ونصف في محاولة لإصلاح الأعطال واستئناف السير، عاد القطار للخلف ببطء إلى أقرب محطة وأخلي سبيل الركاب الساعة 8:10 على بعد حوالي 150 كم من حمص ولم يبق للامتحان سوى أقل من ساعة، بعض الطلاب عذبوا حالهم وحاولوا أن يصلوا لحمص لعلّ وعسى أن يسمح لهم بتقديم الامتحان، والبعض الآخر - من أمثال العبد الفقير - استسلم للقدر وعاد أدراجه إلى حلب، واللي عذبوا حالهم وراحوا لحمص وصلوا متأخرين ولم يسمح لهم بتقديم الامتحان.

الفكرة أنني راجعت إدارة الجامعة بعد يومين ومعي تذكرة القطار، والتي أخذها الدكتور رئيس قسم الترجمة ووعدني أن إدارة الجامعة بصدد مناقشة الموضوع والتوصل إلى حل لمشكلة هؤلاء الطلبة.

هادا اللي بعرفو، فإذا كان أحد الطلاب عنده فكره عن الموضوع وهل توصلت إدارة الجامعة إلى قرار .. بكون من الشاكرين

آخر تعديل بواسطة فارس في الجمعة آب 07, 2009 7:22 م، عدل 1 مرة
السبب: توضيح العنوان

[سحر]

شكرا اخي على التوضيح هنن كانو مية طالب
وصديقتي من بينناتهم وحاولنا ناجل الفحص ما قدرنا
الي عرفته انه حولوهم على التكميلية بدون ما يدفعوا على مادة
 والخبر مؤكد

[Soledad]

أهم الشي الحمد لله ع السلامة  

[سيرين]

ألف الحمد لله على السلامة    

[باسل العمروش]

و الله سمعت بهيك شي....
حسبي الله و نعم الوكيل.. الحمد لله عالسلامة خيو
و ان شا الله الكل بطالع موادو  

[Raghad]

لا حول ولا قوة إلا بالله    يلا الحمدلله اجت على هيك ولا شي تاني   وان شاء الله عالتكميلي بتقدموا وبتنجحوا وبتجيبوا معدلات عالية  
الحمدلله على السلامة  

[Mokhlef]

اولا - الحمد لله على السلامة وصحتك بالدنيا والمادة تتعوض بالدورات الجاية
ثانياً - حاولو مع عمادة الكليو فعميد الكلية رجل ممتاز ويساعد الطلاب كثير

[Yuki]

الله يسلمكم وشكرا سحر عالبشارة