نقدنا في غادة الكاميليا والبؤساء

[kma]

       الملاك,  مشكوره كفّيتي ووفيتي .......
بس بقول المتل اذا بدك تحيّرو خيّرو ......يعني نحنه ناقصنا دفعه .......فلهيك من جهتي انا بشجع البؤساء ...قريتها من زمان بس بصراحه ما بذكر منها شي ....
وكمان هي الروايه كتير مشهوره وأغلبنا يا قراها وفينو ينقد فورا ...ويلي ما قراها فتحصيلها أو مشتراتها كتير سهل .....فلهيك رجاء وبسرعه يلي موافق على هالروايه ..يقول ....وأهلا وسهلا ..ويلي عندو أي أقتراح كمان أهلا وسهلا بس بسرعه لو سمحتو !!!!!

[الملاك]

وأنا موافقة عالبؤساء
والرواية موجودة بالمكتبة عبادة نزلا من كانم شهر
بتلاقوا بموضوع لحالو
kma,  
شكراً

[الملاك]

يا جماعة شو صار معكن

[سنا]

رح ابدا ...
لا ميزاريبل......... مدري كيف بيكتبوها بالفرنساوي
البؤساء طبعا من روائع الأدب العالمي.. قريتها لما كنت صف تامن .. بليلتين وعضو النواسة بدون ما نام والسبب انو امي وأبي كانوا يمنعوني من القراءة أيام الامتحانات بس لشدة اعجابي فيها قريتها عضو النواسة و أنا بسريري وعاملة حالي نايمة...
هالرواية حلوة لعدة اسباب ...
بس الجانب الملفت فيها انها بتحكي عالثورة الفرنسية ...
يعني لازم ارجع اقراها كمان مرة .. مشان كون أكثر ثقة بنقدي..
في مقطع عجبنب بهارواية هوو لما جان فالجان بيسرق الآواني الفضية من بيت الكاهن اللي ساعدو ومع هيك الكاهن ما بخجلو ولا بحسسو انو عرفان بالسرقة .. وهالشي بأكّد على سماحة الأديان اذا الواحد اتبعها ....
بالدين السرقة حرام وممنوعة ومع هيك الكاهن ما عاقب جان فالجان بس بهالطريقة اقدر يبعدو عن هالشي...
لي عودة ...

[kma]

يا جماعة شو صار معكن

أنا بصراحه خجلان منكم لأنو أنايلي كنت بدي ياكم تسرعو .....
بس بصراحه انشغلت شوي ..ويلي زاد الطبن بله انو نحنه منتقلين عبيتنا التاني (هادا الصيفي) ودورت عالروايه وما لقيتها فنزلتها من الأنترنت وضليت عليها شي ساعه وبالأخير طلعت مسحوبه عسكانر والنسخه مضروبه يعني ما واضح شي منها ....فجاري الآن البحث عن موقع آخر ......

[زمردة]

معناها اتفقتوا على "البؤساء"  
المفروض نتفق على وقت محدد للقراءة لحتى نبدأ بالنقد ... رح دور عليها و اقراها و راجعة  

[Widad]

ارتي فيك تقولي انو الكاهن على يقين بانو كل انسان في عندو فطرة سليمي او حتى في شي باقي بداخلو ما تلوث الكاهن حب يخليه لجان فالجان يعرف انو لسا في خير بالدنيا وانو هو كمان انسان طيب بس الظروف كانت اقوى منو
يعني بما انو الكل كان يعبر جان فالجان مجرم وعلى اساس هالتهام ضل جان فالجان يتصرف كمجرم حب الكاهن يفرجيه العكس وعلى انو بيثق فيه لحتى جان فالجان يثق بنفسو ويشوف جانب الخير المخبى عندو
انا كتير بحب هالرواية بس للاسف ما درسناها بالجامعة درسنا البير كامو وبالزاك بس درسنا مسرحيات حلوة لفيكتور هوغو بالاضافي لدوواوينو الشعرية

[kma]

MoondanceR,  انا حملتها من هون ...مو هادا الرابط يلي موجود بالمنتدى ...لأنو هادا الكتاب محمل عالسكانر وفي كتير أخطاء بالسحب ...وفي كلام رايح ...فاذا في شي غيرو هات
بعدين لازم تبلشو تقرو من هلق لأنو يالله دوبكم ...بعدين مو عكل شغله بدنا نتفق يعني رح يقرب الفحص

[الملاك]

هلأ اليوم الجمعة 28
شو رأيكن الجمعة الجاي منبلش النقد؟

أنا حملتا ورح بلش اقراها...بس ترى أنا بنقد بالعامية وما بعرف احكي فصحى ها

[زمردة]

       الملاك,  

شو رأيكن الجمعة الجاي منبلش النقد؟

موافقة    يلا اللي بده يشارك معنا يشد الهمة  
الجمعة  بـ 4 نيسان رح نبدأ إن شاء الله