نقدنا في غادة الكاميليا والبؤساء

[الملاك]

فعلاً مون دانسر انو هالمقطع مهم وعميق جداً..ومتل ما سبق وقلت..بعبر عن بعد افق الكاتب

وفكرتك بالنسبة للحوارات مميزة........وبتلفت نظر إلك أكتر ما تلفت نظر للرواية

لأنك جيد بالنقد

[الملاك]

يلا شباب
دخيل عينكن بدنا نكمل بهالموضوع الرائع
يلا رشحو كتب أو روايات..............ومنختار واحد
وإذا ما توفر عند الكل منطلبو من عبادة.............بنزللنا اياه بالمكتبة

أنا برشح      every man

[سنا]

أنا برشح رواية عالمية متل مثلا ...كوخ العم توم...
صمت الحملان ....
أو
ذهب مع الريح
والقاسم المشترك لهالروايات انون سياسيات

[رغدة]

الفكرة كتير حلوة ومفيدة

[زمردة]

MoondanceR,  
أنا كمان بيسعدني ارجع اشترك معكم بالموضوع ... "ذهب مع الريح" فكرة معقولة ... من زمان شاهدت فلمه كتير طويل ... بذكر كان اسم البطلة سكارليت
اعتمدوا على الكتاب لحتى نحدد مدة معينة للقراءة و تاريخ للبدء بالنقد

 

[الملاك]

طيب أنا ارتعبت من ذهب مع الريح
بس ما عندي اعتراض
مع اني حابة اقترح عليكن نشتغل بالأدب الروسي شوي...لأنو بصراحة الأدب الروسي عالج قضايا مجتمعنا العربي هلأ بالذات عم يمر فيا
وبرشح رواية الأم لمكسيم غوركي

بجميع الأحول...أنا مستعدة اقرا وانقد أي شي بس عبادة ينزللنا اياه بالمكتبة
إذا ما نزل بالمكتبة.......بتصعبو الأمور علي
وفي حال اخترنا ذهب مع الريح بدنا اسبوعين لنخلصا ومستحيل أقل لأني عم اقرا الجريمة والعقاب هلأ

[الملاك]

قريتها وماعجبتني , بس بتذكر أنها مسرحية

أنا قريتا وعشقتا وهي رواية ما مسرحية
أنا ما بقرا مسرحيات

بتجنن, أنا بعتبرها أفضل رواية لدوستيوفسكي.. وأكتر شي مميز فيها هو النهاية..
رح تعجبك كتير

قريتا وقت كنت صغيرة كتير وما بتذكر استوعبتا.بس هلأ مضطرة ادرسا دراسة وأكيد رح افهما وحبا


بس ما قلتلولي شو اعتمدتو
شو نطلب من عبادة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[kma]

مرحبا ...اعذروني بس حابب اتدخل شوي بموضوعكم ....انا معارض رواية ذهب مع الريح وذلك لللأسباب الشخصيه التاليه :
1-انتو مشان روايه 150 صفحه ضليتو شي 3 أسابيع مشان تتفقوا على هالروايه ولحتى قريتوها ونقدوتوها راحت الشغله شي شهر وهي يمكن كنت بوقتها بالصيف  مو متل هلق!!!  
        هي غير تنزيل الروايه..... والحكي هلق لمون دانسر اذا مشان روايه ميه وخمسين صفحه أجلت تنزيلها لللأثنين (مع انك انته صاحب الفكره) مشان تنزل عالمقهى وتحمل الروايه معناها مشان هالروايه وهيه 1000 صفحه يمكن تفتح مقهى كامل لحالك      
2_ اذا كان واحدكم قرى هالروايه نحنه كلياتنا  مضطرين  نقرى هالروايه مشان هو ما يقرى وحده تانيه .....
طيب معناها شرفو انقضوا مجلدات الحرب والسلم (4000 صفحه) ضليت عليها صيفيتين ...بس الحكي بيناتنا ما فهمت نصّها     
3_انا من الناس يلي ما بتستهويني القرايه كتير ...يعني ما كتير بحب اقعد واقرى روايات وخاصة هلق عندي دراسه وجامعه بس وقت بشوف ناس غيري عم تتناقش  بموضوع انا ما بفهم فيه واقعد متل الأطرش بالزفه عنجد بصير عندي دافع انو اقرى (طبعا هادا الحكي مو بخصني الي وبس)وبالتالي انتو بتزيدو عدد النقّاد والقراء لهذه الروايه و بتكونو كسبتو آراء أكتر ونقد أكتر  وانا بكون اتعلمت النقد منكم .............بس مو من أولها 1000 صفحه
4_بعدين  بدكم ترحموه شوي لعباده يا جماعه والله تنزيل الروايه مو سهل ..يعني يمكن يضل عليها شي شهر ..طبعا هي اذا ضل معو مساحه لتنزيل هيك روايه ضخمه    
5_كمان بهالطريقة في ناس كتير بصير عندها دافع انو تقرى وتفهم وتناقش معكم وبالتالي انتو بتكبرو هالموضوع ويمكن يصير منتدى كامل باسم منتدى النقد ....وبصير في أكتر من محموعه تتفق عكتاب وتناقشه وتقراه وتنقدو

اما اذا اتفتوا على هالروايه بموعدنا اذن السنه المقبله  


بس والله حرام عليكم ترجعو تقتلو هالموضوع بعد ما  رجعتو  أحييتو  
بصراحه يمكن كان خاطر ببالي أكتر من هيك لسى ....بس هدول برأيي بكفو
ولكم مني أجمل التحية والسلام وقبول فائق اعتذاري على التدخل

[سنا]

:cry:      
طيب شو هلأ ...
اعتمدو..
خلص القرار لعبادة..
الرواية اللي بنزلها كلياتنا منقراها وبعدين منتناقش فيها ..
حاليا عم أعمل بحث عن The Scarlet Letter بما اني رح نزلها بمجلة آرتين ..
واللي قاريها وبحب يضيف شي يا 100 أهلا وسهلا..

[الملاك]

أنا من رأي كما وبشدة
بعتذر على تأخري بالرد..الحقيقة كتبت ردي أكتر من مرة ويفصل النت بس هالمرة دبرتا
انو وينكن لهلأ ووين حماسكن ........لسا الفصل الدراسي بأولو
وفكرة انو نختار رواية ضخمة رح تنفر الأغلبية من المشاركة
لذلك الأفضل نختار رواية غيرة أو كتاب..كمان نقد الكتب والنقاش فين هو أمر يفوق متعة نقاش الروايات
مع انو المفيد لدراستنا هو انو نتعلم ننقد أعمال أدبية
وبما انو كما كفى ووفا وحكى كل المطلوب فأنا رح اكتفي بترشيح روايات
متل ما سبق واقترحت عليكن رواية الأم لمكسيم غوركي من الأدب الروسي أو البؤساء من الأدب الفرنسي ومرتفعات وذرينغ من الأدب الانجليزي
والحقيقة انو هالأعمال التلاتة هدول جدليات جداً وبقلبن مجال واسع للكلام
وأنا ما قريت البؤساء ولذلك بميل إلا بشدة
لأنو البقية قريتن ونسيتن
ورواية مطلوبة مننا هلأ بالسنة الرابعة للأسف وإلا كنت رح اعتبرا أروع ما يمكن مناقشتو وهي الشارة القرمزية
قصيرة كتير وما بتاخد وقت بالقراءة والمجال داخلا ضخم للكلام والنقد

وفي كتاب لمصطفى محمود ورح اعتبرو ترشيحي الأول وهو (حوار مع صديقي الملحد) رح نستفيد كتير كتير لو قريناه ونقدناه
وأنا بتمنى ننقد كتب بالاضافة للأعمال الأدبية

بتمنى اسمع ردكن بأقرب وقت...إما ترشيحات اضافية أو اختيار لأحد هالأعمال
ولازم ننقد بسرعة لأنو كتيرين المتحمسين بس خافو من ذهب مع الريح
   
وياريت يا آرتي لو ننقد الشارة القرمزية
بس تبعاً لقرائتنا الخاصة ورأينا الخاص وليس تبعاً للي منلاقيه بالنت من مقالات جاهزة
الشغلة ما دراسة لأنو