نقدنا في غادة الكاميليا والبؤساء

[زمردة]

MoondanceR,
ألف شكر على الفكرة الحلوة و المفيدة

متل ما تم الاتفاق مع الملاك بموضوع "الكتاب الذي بين يديك الآن..ماهو؟!!" رح تم مناقشة و نقد  رواية "غادة الكاميليا" و طبعا الرواية موجودة بقسم مكتبة المنتدى للبحب يقرأها و يشارك معنا  

بدي إبدأ بقرآئتها بعد يومين إن شاء الله و لانتهي منها ببدأ بالمناقشة و النقد

[أبو بسام]

MoondanceR



فعلا فكره حلوه وأنا عندي اقتراح وهو انو مايطرح كتاب الى يكون مشهور أو يتم وضعه في المكتبه او المنتدى

شو رايك اخ MoondanceR بالإقتراح

[Widad]

Moondancerفعلا فكرة رائعة تسلم بنات افكارك على هالفكرة الحلوة وبتوقع انها راح تعود كتير بالفائدة على المشاركين بالمنتدى بس انشاءالله تكون فعلاساحة نفد موساحة مشاكل  
زمردة انا الرواية ما قراتها بس مستعدة اقراها بس اكيد بعد مشاغل العيد عن جد زملاء فعلا فكرة حلوة كتير وبلا مجاملة

[الملاك]

احم احم
ببشركن
قريتا وجاهزة للنقد
زمردة,  أنا من أول ما اتفقنا حملت هم مشاغل العيد..لأني ما بفضا أبداً
بس أخدت معي ساعة ونص متواصلة وكانت خالصة
أول ساعة قريتا بعين الناقد وتاني نص ساعة مضيتا بكي وتشلهم
الحقيقة تنهنهت
بس ما نسيت الجوانب النقدية بالبداية وجاهزة للنقد
أول ما حدا فيكن بخلص يخبرني لنبدا
ملاحظة :ما رح كون قاسية بالنقد هالمرة متل ما كنت بنقد(ممو زين)
يل يا جماعة شدو الهمة..الروايه ما طويلة وما بتاخد وقت

[الملاك]

يا جماعة أنا رح ازعل منكن
يعني نسيت الروايه وصار لازم اقراها مرة تانية
شبكن هيك..وينكن لهلأ
ناطرة رد..اللي بخلص يقول ومنبدا سوا

[زمردة]

الملاك,
عذرا على التأخير  

أنا بهالكم يوم أنشغلت وماأئدرت أقرأ الرواية..
بس رح أعمل جهدي أقرأها بأسرع وئت..

و أنا كمان  

[Widad]

وانا كمان اعذروني بصراحة لسا ما بلشت فيها مع انو عندي فضول كبير انو اقرأها

[Naim Kishi]

فكرة حلوي كتير MoondanceR, مشكور
برأيي حددو وقت لبدء المناقشة مثلا بعد جمعة او عشر ايام وهيك كل واحد بيعمل حسابه يكون مخلص الرواية بهالفترة ...

[الملاك]

اسمحولي أنا حدد وممكن انتو تغيرو
لأني بصراحة قريتا ورح انسى الجوانب النقدية اللي ببالي
والمشكلة مابقدر اكتبن قبل بوقت
مافيني إلا كون عالخط الساخن
شو رأيكن يا جماعة يوم السبت 27 الشهر
يعني بعد 3 أيام..نبدا لمناقشة
أنا لقيت انو بالنسبة للقارئ العادي مكن تاخد بحدود 3 ساعات ما أكتر
وبانتظار الرد

[زمردة]

الملاك,
إن شاء الله السبت بكون قريتها    و آسفة كتير للتأخير    لأني فعلا كنت مشغولة
إلى اللقاء يوم السبت مع النقد و المناقشة