لنتفق على اسم العمل

[kma]

شباب الموضوع بسيط ...
وباعتبار أنو ما ضل كتير للفحص وتفاديا لأي أطاله  فحبيت بلش بهالموضوع...
أول شي خلينا هون نضع أعمال حابين نتبادل وجهات النظر فيها
طبعا وكلمة أعمال تعني ( رواية أو مسرحية أو فيلم أو قصيدة أو مقالة)
يعني ما في شي محدد....
فبطلب من كل واحد منكم يدخل ويقترح أسم عمل محدد حابب الناس تتناقش وتناقشو فيه واذا تشكلت مجموعه مصغره بيفتح موضوع خاص بهالعمل ...
ومنكوّن مجموعات مصغره للأعمال .......

هلق انا مثلا حابب ناقشكم بدافنشي كود ...

فيلي موافق على هالعمل يبدي رأيو ومنفتح موضوع تاني لمناقشة هالعمل

[زمردة]

kma,  
فكرة حلوة
بالنسبة لشيفرة دافنشي لدان براون من زمان ناوية اقراها ... بس بدنا نحط بالحسبان انها طويلة
على كل حال أنا كمان موافقة على شيفرة دافنشي

منشوف باقي الاقتراحات لنتفق  

[الملاك]

kma,  
موضوعك مثبت

يعني هادا أهم موضوع ودينمو القسم....هون منتفق عالعمل اللي بدنا ننتف ريشو

شباب كل ما اتفقوا تنين عاسم عمل...منفتح فيه موضوع


kma,  

هلق انا مثلا حابب ناقشكم بدافنشي كود ...

أنا لها بالمرصاد....وخلص بما أنا وأنت اتفقنا اعتبر موضوع دافنشي كود انفتح ورح نتناقش فيها فوراً
جهز حالك...ومننطر اللي بحب يناقشنا أنو يقراها

اللي بحب يناقش أي عمل يقترح اسمو هون فوراً...وركزولنا عأعمال المنهاج بلكي منستفيد أكتر

         

[kma]

عبير,  هون مافي لنتفق....
خلص انتي موافقه على دافنشي كود ....الملاك فتحت موضوع لهلروايه ...
هون بدكم تبلشو بالأتفاق على عمل تاني ...
بعدين شو طويله ما طوييله كلها 500 صفحه
بجد بدها سهرتين مرتبات بتطلع خالصه
بعدين مشان الله أقريها      ما تعلقيني مع الملاك لحالي ..بليييييز  
الملاك,  الله يسترنييي
أنو ما لقيت علّق حالي الا معك...
خوفي تنسي العمل وتبلشي تنتيف فيي...  


أنا أطالب بتمديد مدة الأنتظار بركي العالم بتقراها معنا ومنتناقش

[محمد داود]

شو يا جماعة وقفتوا عند شفرة دافنشي وبطلنا نقد............
حابب أحكيلكم عن كاتب سوري مقيم بالسويد وبينشر كتبو بلبنان بدار رياض نجيب الريس سليم بركات أعماله كتيرة وجميلة فيها براعة غير مسبوقة لأي كاتب عربي معاصر
 اللغة عندو مطواعة وأنا بسمي دكتاتور الكلمة
وإذا في حدا منكم قرأ إحدى  رواياته رح يلاحظ هاد الشي يالي أنا عم أقصدو.
يعني سليم بركات بصراحة فتحلي أفاق جديدة عاللغة العربية ما كنت شايفها
و سليم بركات بيختار أسماء غريبة لرواياته مثل
عبور البشروش
و دلشاد فراسخ الخلود المهجورة  
الجندب الحديدي
ثلاثية الفلكيون في ثلثاء الموت
بحب أعطيكون مثال عن هي اللغة
بيقول برواية دلشاد في إحدى الحوارات :
أي الضياء أحب إليك : ضياء النهار أم العقل؟
"ضياء النهار, لأنه يساوي بين ظلي وظلك" رد مهران
"وماذا عن ضياء العقل ؟" سأله أوزال بنبرة أنتقاص
"أبقه لك كي يبهرني فلا أراك" رد مهران

هاد الحوار واحد من كتير مواقف بتمر برواياته بتستاهل منا أنو نتوقف عندها ونتدارسها
فإذا في أحد من الشباب والصبايا قرأ أو حابب يقرأ سليم بركات فأنا جاهز لاتابع الموضوع بس أكيد متل ما ذكرتو  بالسابق أنو ما رح نفتح موضوع ما أتفقنا عليه
وهيك بتوقع كون حطيتكم بصورة هالكاتب وإذا بتحبوا مناقش رواية دلشاد لأنو فيها لغة أدبية رائعة وكمان بطل الرواية بيكون مترجم
بأنتظار ردودكم

[الملاك]

محمد داود,  
جميلً تعريفك البسيط المقتضب بهذا الكاتب...الذي "والحق يقال" أسمع به للمرة الأولى
وقد أثار فضولي رأيك فيه
وأعجبت حقاً باقتباسك هذا...ففيه حقاً عمقاً أدبياً وبلاغة واضحة..ومعنىً كامناً وبرغم ذلك يُلمس
ويتضح لي ذكائك الأدبي لقدرتك على الاختيار..فقد اخترت أسطراً قليلة..وانما معبرة بحق

أنا على أتم استعداد للبدء بقراءة أحد أعمال سليم بركات....ثم مناقشة العمل في هذا القسم
وانما أطلب منك أخي الكريم تحميل العمل للمنتدى لنتمكن من الحصول عليه الكترونياً وقراءته
ولو لم يتوفر الكترونياً...أنا مستعدة لشراءه...ولكن حبذا لو سهلت الأمر علي بذكر مكتبة أنت على دراية بأنها تبيع مؤلفات سليم بركات

ولك مني جزيل الشكر

[أوركيدا]

محمد داود,  
تعريفك بهذا الكاتب وإعجابك به شجعني على قراءة أعماله ..
لأنك لو اقترحت اسم العمل فقط وذهبت .. لم أكن لأقرأه
مثل الملاك ..بانتظار الكتاب ..
من الآن إن كان العمل طويلاً .. فأنا أنسحب
شكراً لك  

[Safa alaasi]

أحب أن يدلني أحد على رواية جميلة فأذهب و أقتنيها  
أما بالنسبة للنقد ... ربما نحاول  

[محمد داود]

وأعجبت حقاً باقتباسك هذا...ففيه حقاً عمقاً أدبياً وبلاغة واضحة..ومعنىً كامناً وبرغم ذلك يُلمس

إن هذه الحوارية شذرة من كيان قائم بحد ذاته في كل رواية من روايات سليم

ويتضح لي ذكائك الأدبي لقدرتك على الاختيار..فقد اخترت أسطراً قليلة..وانما معبرة بحق
ولك مني جزيل الشكر

شكراً على الاطراء

أنا على أتم استعداد للبدء بقراءة أحد أعمال سليم بركات....ثم مناقشة العمل في هذا القسم
وانما أطلب منك أخي الكريم تحميل العمل للمنتدى لنتمكن من الحصول عليه الكترونياً وقراءته

في الحقيقة أنا بالذات عندي مشكلة في القراءة الالكترونية ولكن قبل أن أقتني أي رواية من روايات سليم بركات حاولت البحث عنها الكترونياً ولك للأسف لم أوفق ربما لقلة خبرتي في نبش أسرار المواقع أو ربما لندرة هذه الأعمال على الشبكة.

ولو لم يتوفر الكترونياً...أنا مستعدة لشراءه...ولكن حبذا لو سهلت الأمر علي بذكر مكتبة أنت على دراية بأنها تبيع مؤلفات سليم بركات

أختي الكريمة لو كنت في حلب لدللتك على أكثر من مكتبة تبيع مؤلفات سليم بركات
للأسف ليس عندي خبرة بمكتبات حمص
ولكن أتوقع أي مكتبة تبيع كتب رياض نجيب الريس أو كتب المؤسسة العربية للدراسات والنشر  ستجدي عندها كتب سليم بركات و أعتذر لعدم افادتك بهذا الموضوع

[محمد داود]

تعريفك بهذا الكاتب وإعجابك به شجعني على قراءة أعماله ..
لأنك لو اقترحت اسم العمل فقط وذهبت .. لم أكن لأقرأه
مثل الملاك ..بانتظار الكتاب ..
من الآن إن كان العمل طويلاً .. فأنا أنسحب

أختي الكريمة أعتقد بأنك لن تنسحبي خاصةً بعد قراءة رواية من روايات سليم بركات لأنك سوف تصادفي هدايا منثورة بين السطور  غاية في الاغراء

أما بالنسبة للنقد ... ربما نحاول

وهو المطلوب لأننا في النهاية نحاول ومهمة الاعضاء الاخرين الأكثر خبرة تصحيح محاولاتنا

أنا أقترح كبداية إما رواية عبور البشروش أو رواية دلشاد
ما رأيكم ؟؟؟؟؟

هذه صورة لغلاف الرواية


وهذه صورة للكاتب سليم بركات

إضغط على الصوره لتراها بحجمها الطبيعي