لو سمحتو؟

[jalal111]

اخواتي انا بمحافظة حمص واليوم كان عندي مادة نصوص من الادب المعاصر سنة تالتة ترجمة وماقدرت روح عالامتحان بسبب الوضع الامني لان كان مافي سير من الحارة باتجاه الجامعة .ومتلي كتير طلاب في حدا سمع شي عن وضعنا نحنا الي ماقدرنا نوصل للجامعة نرجو منكم الرد ؟واذا في حدا عنده الاسئلة يعطينا فكرة عنها مشكورين اخواتي

[فــلـك]

انا سمعت انو امتحان التعليم المفتوح اليوم تأجل وماكان في حدى بالجامعة غير شباب منتسبين للمعسكر..
بس مو متأكدة 100% يعني لازم تسأل شعبة الامتحانات عندكن..

[jalal111]

انا سمعت انو امتحان التعليم المفتوح اليوم تأجل وماكان في حدى بالجامعة غير شباب منتسبين للمعسكر..
بس مو متأكدة 100% يعني لازم تسأل شعبة الامتحانات عندكن..

شكرا كتير وانشالله بكرا انا بتابع الموضوع وياريت يكون تأجل لان حرام كل هالدراسة للمادة ومانقدمها

[Golden RoSe]

امتحان 19 الشهر تأجل بس اليوم كان في امتحان

انا اول مادة عندي كانت بـ 18, وماطلعت بسبب اللي صار, ولأني مابعرف وانا بالطريق شو ممكن يستجد بحمص, وأكيد مارح يسمحولي اهلي انزل الاسبوع الجاي اقضيه بحمص لقدم الـ 3 مواد البقيانة,

برأيكم فينا نعمل شي او نقدم طلب لحتى حدا ينظر بأمرنا لأن طلاب حمص مافيا عم تقدم فكيف باقي المحافظات؟

بتمنى حدا ياخد الموضوع بجدية وينصحنا شو فينا نعمل, لأن الله بيعرف ليش عم نحكي, والحمدلله مامقصرين بالدراسة كمان

[NOOR TALEB]

jalal111,  

في بعض زملائي طلعوا على حمص أنبيرحة ورجعون منشان الأوضاع بحمص ، بس اليوم الشباب قدموا والأمور كانت هادية والحمد لله ...

عالأغلب لازم ننتظر هاليومين ، حتي يبين معنى شو رح يصير بالمادة يلي تأجلت ، لأنو لحد هلق مانو مبين شي ...

فــلـك,  

Golden RoSe,  

الحل هو الإنتظار لحتى ربنا يفرجها ، وبنصحك إنو تتكلي على الله وتطلعي تقدمي الإمتحان وما تخافي ، أنا لحد هلق صار قدمت 4 مواد ، وآخر مادة قدمتها يوم 18 ، كانت مقال 1 ، والأمور كانت تمام والحمد لله ...
ويوم 24 عندي لغويات و28 عندي ترجمة تحريرية ، وبإذن الله طالع أقدمن ...

بتمنالكن التوفيق  

[jalal111]

حسب المعلومات لاولى بالنسبة للمادة بتاريخ 19 الشهر تأجلت بشكل روتيني لاول يوم بعد أخر مادة هيك وصلني