كيف تتصرف لو حدث معك هذا........؟؟!

[Portia]

السلام عليكم :

فلك :

بس ليه ليهربو  

يعني يتزوجو ..." لا أرى للمتحابين الا النكاح "

فليه الاهل ما يوافقو  

.........

شو بتعمل اذا متدايئ ,و حاسس حالك رح تختنق ,  و حابب تطلع من الوسط العايش فيه , بأي طريقة بس تكون مشروعة  

.....

[خالد الهبل]

شو بتعمل اذا متدايئ ,و حاسس حالك رح تختنق ,  و حابب تطلع من الوسط العايش فيه , بأي طريقة بس تكون مشروعة  

والله مو مشان تاخدو عني صورة منيحة

بس جد بهيك أوضاع وكتير مريت فيها بقرأ قرآن لحد ما أرتاح نفسياً




فجأة وبينما أنت بالشغل وأهملت جامعتك لفترة ودرجة محددة... حصلت على فرصة شغل والفرص قليلة بزماننا طبعاً الفرصة عبارة عن سفر وأنت بتعرف حالك إذا سافرت\ي رح تصير نسبة الفشل بالجامعة شي 90%...


شو تتصرف؟؟؟ تترك الجامعة وتسافر؟؟ ولا ترفض الفرصة اللي تعتبر فرصة العمر بمجال الشغل؟؟؟؟؟؟؟؟؟؟؟؟؟؟؟؟؟؟

[Portia]

السلام عليكم :

فجأة وبينما أنت بالشغل وأهملت جامعتك لفترة ودرجة محددة... حصلت على فرصة شغل والفرص قليلة بزماننا طبعاً الفرصة عبارة عن سفر وأنت بتعرف حالك إذا سافرت\ي رح تصير نسبة الفشل بالجامعة شي 90%...


شو تتصرف؟؟؟ تترك الجامعة وتسافر؟؟ ولا ترفض الفرصة اللي تعتبر فرصة العمر بمجال الشغل؟؟؟؟؟؟؟؟؟؟؟؟؟؟؟؟؟؟

لقد تعودنا على جملة( الجامعة أبدى )

لكن لا أعلم ان كانت هي فرصة العمر , فقد يستطيع المرء التوفيق بين كليهما

فمثلاً يقبل العمل و يسافر , لكن لا ينقطع عن دراسته , فيستطيع مثلاً القدوم و تقديم الامتحانات اما فصلية او بنهاية العام

لكنه يجب عليه ان يكون متمكناً من نفسه ومن النجاح و إلا ( فالجامعة أبدى )

و الله أعلم  

لكم الاستخارة و الاستشارة

و الله أعلم

...................

[الملاك]

ولو الموضوع قديم بس بعض المواقف بتستاهل نتناقش من جديد فيا لإنا مواقف مهمة بالحياة وبتتكرر.

خالد الهبل,  

بعد الجامعة رح تحاول تسافر.... اجا السفر قبل الجامعة... فيا مرحبا  
والجامعة تحديداً بتستنى
دورات مرسوم كتير..... وفرص كتيرة .... اتوكل على الله وسافر... بس بعقد يعود عليك مادياً بمبلغ يوازي أو يتجاوز المبلغ اللي ممكن جامعتك تقدملك اياه
وإلا
منستنا سنتين لنتخرج .

فــلـك,  
شوفي فلك أنتي طرحتي سؤال مصيري ويمكن من زمان.... وأنا عم رد من باب التشارك بالأفكار
بس هي نصيحتي لأي انسان بيتعرض لهالموقف.

تنين قرروا يهربوا فلسبب من تنين... إما أنو ارتباطن بالشرع حرام...وبالتالي طبيعي أهلن ما يوافقو
أو أنو العادات والمستويات والقيود الإجتماعية كانت سبب بوقفة أهلن ضدن

فإن كان التاني فساعدين... لأنو الهرب بالنهاية بيتبعو زواج شرعي والبنت بتتخذ وكيل وفي شيخ يكتب الكتاب أو خلينا نقول يعقد القران... وبعدا بحطو أهلن تحت الأمر الواقع ولو صارت قتلة    بالنهاية بفوزو ببعض
ما كل حب بينترك وما ببساطة الإنسان بيترك روحو بعد ما بلاقيا  

أما لو حال بين ارتباطن رابط شرعي كأن يكونو مسيحي ومسلمة فلا تساعدين وتركين يفتوا لوحدن ويتصرفوا. ما لأنن ما بيستاهلو المساعدة  بالعكس ... الله يعينن مصابن كبير
بس لأنك أنتي ما قد الشي اللي عم تدخلي فيه
وبالنهاية ما تساعدي ولا ترفضي ولا توافقي على شي في بآخرتو "بالدنيا قتل وبالآخرة نار" على أحسن تقدير

باختصار
منساعد وقت تنين حرمن ظلم المجتمع والأهل من بعض.... ومنبتعد "وبدقق عكلمة منبتعد" لو تنين حال الشرع أو القانون "كأن تكون البنت أو الشب قاصر" بيناتن

والله يوفق الناس
وانشالله محدا بحب إلا نصيبو  

[راما حمدان]

إذا حبيبك أو حبيبتك كان مسافر لبلد أجنبي .... وفجأة يحكي معك يقلك أنا بالسجن و مافي أحد يتعرف علي ليطلعني وماضل معي مصاري غير حق التذكرة و مابقدر احكيك حتى يطلعوني ...
شو ممكن تقلو وكيف ممكن تساعدو رغم أنو مستحيل السفر لعندو ( فرنسا ) و أهلو بسوريا ماتعرف عنهم شي !!!!

     

[عابرة سبيل]

السلام عليكم .. أنا قرأت الموضوع كلو يعني من أول موقف لأخر موقف وعجبني كتير لأني من النوع يلي على طول حاطط حالو بمواقف لا يحسد عليها ودائما بيختار الخيار الخاطئ وشو بدي عدلكون لعدلكون ... المهم ..
راما حمدان
هوي هادا الشخص ليش ليتصل فيني  وهوي بيعرف ومتأكد أنو أنا مافيني أعمل شي
يعني هوي لو بدو حدا يساعدو فعلا كان اتصل بشي حدا من أهلو أو بحدا من رفقاتو يلي معو هناك بفرنسا
أنا اذا كنت بحبو بروح وبعمل جميع التحريات اللازمة للاقي عنوان أهلو أو رقم تيلفون وخبرون وخليون يلاقو حل
يعني مثلا كنت اتصلت برفيقتي يلي بتحب رفيقو ومعاه رقم تيلفونو الأرضي وبطلبو منو وبحكي مع أهلو وبحكيلون يلي صار وهنين بيتصرفو

[عابرة سبيل]

خليني احكيلكون موقف من مواقفي الفظيعة ........
هادا يا سادة يا كرام .. في يوم من أيام حياتي المليئة بالغرابة طلب مني زميل (وهو مجرد زميل) جميع دفاتري ليصورها فقلت له أني سوف أداوم آخر يوم بكرا بجيبلك الدفاتر معي ... واجى هداك اليوم واجى بدر الدجى متأخر ساعة عن موعدو قال راحت عليه نومي ( نامت عليه حيطه ) المهم وأخد الدفاتر وراح فيون للمكتبة عشان يصورون ( مكتبة الكلية) وفات ومعد يعرف يطلع وأنا ناطرة برا لحالي هالكلية عم تفضى وحضرتو جوا ما عم أعرف شو عم يسوي المهم اطلعت هيك لقيتو حاطت دفاتري على جنب وعم يحكي مع رفيقو ونسيان الموضوع كلو أنا شفت هالمنظر ما بعرف شو صرلي فتت عالمكتبة أخدت الدفاتر وطلعت بدون ما احكي مع حدا ولا كلمة
المهم بيجي هادا الشخص بالليل شي الساعة 8 وبيتصل فيني عالموبايل وبيسألني عن الدفاتر اذا معي أنا بستغرب وبسألو منين جبت الرقم بيقلي صرلي من الضهر عم دور عليكي أو على رقمك حتى حصلتو كان كتير خايف عالدفاتر انو انسرقو
الى الأن ما في شي غريب بس الغريب انو لما دور على الدفاتر وفقد الأمل رجع عالمكتبة يلي حاطي كاميرا مراقبة وصورت يلي صار وقال انو كل الشباب يلي بيشتغلو بالمكتبة يحطو هالفيلم ويعيدو فيو ( كيف فتت وأنا معصبة أخدت الدفاتر وطلعت ) وهنين عم يضحكو ويتفرجو
أنا معد احسن فوت عالمكتبة من هداك النهار وما بدي قللكون شو سويت بهداك الشب
المهم شو رأيكون انا صرت مشهورة على مستوى شباب المكتبة بهادا الموقف البطولي

[عاشقة العربية]

أبشع شي اللامبالاة وقلة المسؤولية  
لأ وفوقا انتظار  

بس بيني وبينك والله بيستاهل تسحبي الكتب وتمشي، لسه لو بدو يتأخر نص ساعة بحمل حالي وبروح، شو ما عنا غيرو  
لأ وطلع فيه ضمير ليشيل هم الدفاتر قال، ناس آخر زمن  

بكل الحوال الموقف بخليكي تتعلمي طبيعة هالشخصية او تاخدي عنا فكرة، يا بتكملي بالتعامل معا يا بتقطعيلا كرت. يعني إجت لخير  

[hatch]

[quote="عابرة سبيل"][size=150][color=#800000]خليني احكيلكون موقف من مواقفي الفظيعة ........
هادا يا سادة يا كرام .. في يوم من أيام حياتي المليئة بالغرابة طلب مني زميل (وهو مجرد زميل) جميع دفاتري ليصورها فقلت له أني سوف أداوم آخر يوم بكرا بجيبلك الدفاتر معي ... واجى هداك اليوم واجى بدر الدجى متأخر ساعة عن موعدو قال راحت عليه نومي ( نامت عليه حيطه ) المهم وأخد الدفاتر وراح فيون للمكتبة عشان يصورون ( مكتبة الكلية) وفات ومعد يعرف يطلع وأنا ناطرة برا لحالي هالكلية عم تفضى وحضرتو جوا ما عم أعرف شو عم يسوي المهم اطلعت هيك لقيتو حاطت دفاتري على جنب وعم يحكي مع رفيقو ونسيان الموضوع كلو أنا شفت هالمنظر ما بعرف شو صرلي فتت عالمكتبة أخدت الدفاتر وطلعت بدون ما احكي مع حدا ولا كلمة
المهم بيجي هادا الشخص بالليل شي الساعة 8 وبيتصل فيني عالموبايل وبيسألني عن الدفاتر اذا معي أنا بستغرب وبسألو منين جبت الرقم بيقلي صرلي من الضهر عم دور عليكي أو على رقمك حتى حصلتو كان كتير خايف عالدفاتر انو انسرقو
الى الأن ما في شي غريب بس الغريب انو لما دور على الدفاتر وفقد الأمل رجع عالمكتبة يلي حاطي كاميرا مراقبة وصورت يلي صار وقال انو كل الشباب يلي بيشتغلو بالمكتبة يحطو هالفيلم ويعيدو فيو ( كيف فتت وأنا معصبة أخدت الدفاتر وطلعت ) وهنين عم يضحكو ويتفرجو
أنا معد احسن فوت عالمكتبة من هداك النهار وما بدي قللكون شو سويت بهداك الشب
المهم شو رأيكون انا صرت مشهورة على مستوى شباب المكتبة بهادا الموقف البطولي
[/color][/size][/quote]
هههههههههههههههههههه
قصه كثير حلوه وفيها من البساطه والعفويه يلي بتخلي الواحد يضحك يعني اخونا بالله معه الدفاتر وناسي حاله وملتهي مع الشب صاحبه وما عرف
مين يلي اخذ الدفاتر ... هذا باينته يا صاحبي كان مشغول بشغله كثير مهمه مش دريان عن حاله
هههههههههههههههه
بس مره تانيه اوعى تعطيه الدفاتر بعدين ما برجعهم بهديهم لحد الله اعلم مين
سلاماتي وشكرا لالك لانك عنجد ابسطتني بهيك نهفه واقعيه اضحك الله سنك