وتستمر المؤامرة

[Mohammad ali 1993]

بصراحة وإيجاز المسؤول عن قرار تقنين وقت الفحص إلى ساعة ونص بدل ساعتين متأمر على الطلاب مين ما كان ولسببين بسيطين:
1.ما في مساوات مع غير جامعات أنا شخصيا حكيت مع رفاقي بجامعات تشرين ودمشق وحلب والفحص عندن 2ساعة.
2.مابكفي  الطلاب أنو الكهربا ساعة بتجي و4 لا ومافي كهربا بالمدرجات والوقت البضيع على نقل الطلاب على القاعات ما بتم تعويضه
وأخيرا مافي دورة 3 ليعوض الواحد يلي بروح عليه

[Mohammad ali 1993]

شباب وصبايا انضموا للمطالبين بدورة 3
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

[Nora A]

أنا معك بكل كلمة هون انا قدمت مادتين اتمتة بعقل مشتت بس ع نقلنا لتاني قاعة ؟؟؟؟؟ ومادة نثر بدها شغل يعني مالحقت الوقت ....... ليش هييييييييييك لا وياريت بعوضولنا ... وشكرا لفشة خلئنا

[monogamy]

يمكن بدن يعملو تصفيات للعالم الي ترفعت على قرار 8 مواد ... ماوفت معهم

[gegak]

اي احمد الله عم يعطوك ساعتين انا من طلاب جامعة حمص بس ئدمت بحلب مافي ساعة وانسحبت الورقة وطرنا برا الكلية وراحت السنة الثانية مني كمان بي باي هي صار سنتين ارسبت بشان بدي ائدم امتحان وبس بدي ائدم اتسكر الجامعة شو هل حظ الي شغلة      

[سلال الياسمين]

طيب اذا الموضوع تصفية للطلاب الي ترفعت ع 8 مواد .... شو منشان الي ماعندو الا مادتين من اضخم ما يكون ع التخرج... اي كان الوقت ساعتين ونشحد فوقن من المراقبين 5 دقايق   لانو  كل سؤال عنا  جوابو المحاضرة بالكامل............ بعين الله ياشباب وصبايا ... ومن وين بدو يكون في دورة تالتة اذا مامنخلص فحص لنص شباط   ولبين ماطلعت النتائج بيكون بلش الفصل التاني!!!!!!!!!!!!!  

[Mohammad ali 1993]

هو بصراحة يا شباب في فحوصات ما بدها كتير وقت وفي فحوصات بدها وقت كتير برأي لازم يعملو متل بفحوصات البكالوريا كل فحص وإلو وقت مختلف حسب الصعوبة لأنو مو كل المواد متل بعضها خصوصا مواد الشعر والنثر بدها ساعتين على الأقل