طالب سنة اولى E بحاجة لمساعدة

[Golden RoSe]

السلام عليكم

اليوم اتصلت بطالب سنة اولى ادب انكليزي, مع الأسف كان محبط جدا وفايت بالحيط, عم يسألني كيف يدرس وشو يعمل مو فهمان شي وما صرلو غير اسبوع طالع لحمص

نصحتو ينزل ع النفق ويشوف المكتبات ويشوف مكتبة طريف, بس قلي في مواد مستلمينا دكتورين وما عم نفهم شو نعمل

سألني إذا بعرف حدا يدرس ادب انكليزي فيه يشوفو ويسألو شوية اسئلة, كمان ما عندي حدا قلتلو يفتح آرتين, بس ما بيعرف يتعامل مع المنتديات

ياترى, في حدا منكم بيداوم ع الجامعة وفيه يجاوب على اسئلة طالب مستجد؟

بتمنى حدا يقدر يفيدو وبنتفق كيف إما بتحديد مكان أو بأرقام تلفون

والشكر موصول سلف

[alialiali2011]

حطي الاسألة يلي مو عرفانا واسماء المواد يلي مو فهمانا .. وان شاء الله اذا عرفنا منجاوبك وانتي بتنقليلو الاجوبة .. بس السنة الاولى كتير بايخة بصراحة ... بس هوي خايف زيادة

[Golden RoSe]

هلا أنا سألتو شو لازمك بس جد كان فايت بالحيط مو عرفان شو بدو, قلي إذا بتعرفي حدا من طلاب الجامعة عرفيني عليه

رح بتصل فيه بكرا إذا ما انقطعت الاتصالات كمان مرة وبشوف شو بدو

أنا بالقامشلي وهو بحمص والاتصالات عنا كأنو بالمريخ نحن, صفر الارضي بيلتغى عدى عن الشبكات

شكرا لمبادرتك أخي الكريم

[alialiali2011]

ولا يهمك عادي مافي مشكلة ..  ومافي داعي للشكر وهالكلام ولو .. كلنا بالهوا سوا , شو هالشغلة يعني