ضع سؤالك للدكتور محمد حلمي الأحمد (المقابلة القادمة)

[Raghad]

مشكور فارس على جهدك  

إلى متى سنعاني من مشاكل الزحام في القاعات ؟

هاد أهم سؤال فارس يا ريت تسألو ياه لأنو عنجد مشكلة كبيرة و المحاضرات معظمها عم نقضيها عالواقف  
بالنسبة للاتمتة ... هل ستطبق على مواد الحمل ؟؟

مع جزيل الشكر للدكتور حلمي  

[فارس]

الملاك,
اهلين ملاك

بالنسبة لسؤالك الأول انو ليش ما بعمل مقابلات مع بقية الدكاترة ..... انطرح بموضوع لحاله و وجوابي رح تلاقي ضمن ردودي بهاد الموضوع

عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

أما عن سؤالك التاني ... صدقي نحن كمان كان تفكيرنا تجاه المقابلة نفس الشي ... بس الدكاترة ما بيعطو هيك معلومات لمقابلة رح تنتشر ع النت ... مع ذلك عم نحاول انو نسأل ع الأقل عن مسيرة الحياة الدراسة و بعض الآراء الشخصية
بس برجع بقلك انو الدكاترة نفسهم ما رضيو يعطو هيك معلومات ..... خصوصا انو المقابلة بتم مراجعتها من الدكتور نفسه قبل نشرها  

عبالي تساووا مقابلة معي  

[Gloria]

يا ريت يا فارس تسأل الدكتور اذا رح يعلملنا على المقاطع المطلوبة من الكتاب هلق او بعدين يعني بآخر الفصل,
و ياريت اذا ناوي يعلملنا انو يعلم هلق لانو الوقت كل مانو عم يديق علينا
و شو مشان تواريخ الأحداث ؟
كل ما بدرسا بتضل براسي شي نص ساعة و بعدين بنسى كل شي فشو الحل ؟
يا ريت ينقصلنا ياهون شوي
شكرا كتيير  

[mohammed kadalah]

بحب اسال الدكتور ..............
ا
انو ما اهانة للروايات متل  الالياذة ..........و الملك أوديب انها تنعطى  بفصل واحد

و رجاء . الكلاسيكي محاضرتين بالاسبوع ...مرة الساعة 2 و مرة الخميس الساعة 4 .يا ريت تعدلو لانو المادة مهمة ......



 

[amer-sh]

السلام عليكم سؤالي للدكتور محمد حلمي هل الأتمتة نسبتها30 أو38 بالمئة والسؤال الاخر هو أنا أحل مادتي الأدب العالمي و مسرح عودة الملكية هل سيكون هناك أتمتة في هاتين المادتين وكيف ؟ وبالنسبة لمواد الحمل من الفصول السابقة هل ستخضع لنظام الأتمتة

[Roula]

ياريت يكون في سؤال عن مصير طلاب الماجستير دراسات لغوية... اذا رح يضل هالقسم موجود ولا رح يضمون لقسم الدراسات الادبية...
وياريت تسأل الدكتور حلمي عن مدى توافر المراجع لطلاب الدراسات العليا..

[الملاك]

أنا ما لقيت مصدر للمعلومات عن وضع الدراسات بعد التخرج من الرابعة
إلاما يتناقله الطلاب
مافي أي نشرة..أو شي متوفر بين ايدينا..مكتوب أو مسموع يقللنا شوفي بعد الرابعة
شو الفرق بين الدبلوم والماجستير
شو التخصصات بالدبلوم
شو التخصصات بالماجستير
لغوا الدبلوم أم لأ
كم سنة الماجستير أو كم سنة صار (بعد التغيير)
شو النسب المتوقعة السنة هاي للماجستير..أم انو تعتمد على معدلات الطلاب
الأولوية لمين بالتقدم للدراسات العليا
شو الامتحانات المطلوبة للمعيدية
هي بصراحة أسئلة وفي غيرا كتير..مصدر اجابتا عم يكون الطلاب فقط
ما سمعوه من دكاترة بصورة شخصية..مع الاضافات والبهارات الشخصية
بتمنى من دكتورنا العزيز كرئيس قسم اللغة الانجليزية يجاوبنا على هالتساؤلات
أو ببساطة يطلب من دكاترتنا يوضحولنا اياها بالمحاضرات
وشكراً جزيلاً

[الملاك]

أنا بدي اطلب طلبين من أخي فارس
الأول انو موقعنا يعمل مقابلات مع دكاترة من باقي الأقسام
يعني إذا الأخ فارس..طالب انجليزي...لازم يلتقى طلاب من غير فروع
لنعمل مقبلات مع دكاترة باقي الفروع
وأنا متحمسة لمقابلات مع دكاترة ما بعرفن..لسبب بيتعلق بطلبي التاني من فارس
إذا بيسمحلي
أنا بطلب انو نسأل الدكاترة أسئلة شخصية
شوية أشياء هيك عن حياتو الشخصية
يعني نحنا طلاب كل واحد فينا عالقليلة عالقليلة تنين من دكاترتو مصنفن من مثلو العليا
بقا أكيد..دكاترتنا ناس إلن تأثير عظيم بحياتنا..وحتى بشخصياتنا
بقا شو المانع ما نسأل أسئلة شخصية..ونسبر أغوار هالعمالقة أكتر شوي
من بعد اذنن طبعاً
أنا من طلاب الدكتور حلمي اللي بيحترموه وبحبو كتير..بس خايفة تكون المقابلة معو متل مع سابقيه........كأنو جزء من الأسئلة بأي محاضرة
دون أي جديد..لا عن الدكتور..ولا عن المنهاج
وبالطلب التاني بكون وضحت انو لو سألنا الدكاترة أسئلة شخصية ..يتكون تفتحت قدامنا شخصيات وجوانب من حياة ناس كبار
بتعطي فضول لأي شخص يقرا المقابلة ويهتم فيا
شو ما كان قسمو
ولكم جزيل الشكر

[Safwat]

الملاك,


شكرا ملاك ........... فعلا اسئلة رهيبة

[رامي احمد]

نتأمل من الدكتور حلمي ان تكون هذه المادة المقياس الحقيقي لقدرة الطالب  ولا ان ينجح فيها الطالب الضعيف والذي فقط يعتمد على اسلوب البصم لكي يجتاز هذه السنة فقط من يستحق ذلك وليس ما هب ودب