لنتواصل مع دكاترتنا الأعزاء , نعطيكم ساحة لطرح أسئلتكم لكل دكتور نقوم بإجراء مقابلة معه و ننشرها هنا حتى تعم الفائدة الجميع .
الموضوع مغلق

ضع سؤال للدكتور : إبراهيم اسماعيل , المقابلة القادمة !!

الاثنين آذار 23, 2009 8:52 م

أهلا و سهلاً بكم *1

كما عودناكم دائماً , نسعى لبناء جسر التواصل المباشر مع دكاترتنا الأعزاء  :wink:

مقابلتنا القادمة ستكون مع الدكتور إبراهيم اسماعيل في قسم اللغة الإنجليزية و الترجمة في التعليم المفتوح, يدرّس مواد النثر و المسرح لمختلف السنوات , لا يتخرج طالب من قسم اللغة الإنجليزية الا و قد أخذ مادتين أو أكثر لدا الدكتور ابراهيم
و هنا فتح لنا الدكتور - مشكوراً - المجال لنتواصل معه بكل شفافية و بساطة لنتابع سيرنا الى الأفضل  :wink:


لا تترددوا في طرح أي سؤال أكاديمي , علمي أو شخصي ..

آخر موعد لطرح الأسئلة هو يوم الثلاثاء 31/3/2009

*ورود  *ورود  *ورود

ضع سؤال للدكتور : إبراهيم اسماعيل , المقابلة القادمة !!

الثلاثاء آذار 24, 2009 1:17 ص

شكراً جزيلاً لك فارس على هذا العمل
أنا طالب بالتعليم المفتوح, قسم الترجمة
سؤالي للدكتور إبراهيم....
تقدمت لأمتحان الثقافة ثلاث مرات, رسبت مرتين و الآن أنا في أنتظار نتيجتي للمرة الثالثة, الكثيرون في قسم الترجمة يعانون من نفس القضية, معضلة السنة الأولى, مادة الثقافة1, ما هو سر هذه المادة؟؟ و كيف ننجح بها؟ و ما هي الاسس الذي ينطلق منها الدكتور إبراهيم في تصحيح الترجمة تحديداً؟؟
و شكراً سلفاً

ضع سؤال للدكتور : إبراهيم اسماعيل , المقابلة القادمة !!

الثلاثاء آذار 24, 2009 6:37 ص

شكرا لألك فارس على جهودك الدائمة
أنا طالب بالتعليم المفتوح, قسم الترجمة
سؤالي للدكتور إبراهيم....
تقدمت لأمتحان الثقافة ثلاث مرات, رسبت مرتين و الآن أنا في أنتظار نتيجتي للمرة الثالثة, الكثيرون في قسم الترجمة يعانون من نفس القضية, معضلة السنة الأولى, مادة الثقافة1, ما هو سر هذه المادة؟؟ و كيف ننجح بها؟ و ما هي الاسس الذي ينطلق منها الدكتور إبراهيم في تصحيح الترجمة تحديداً؟؟
و شكراً سلفاً

نفس الحكي اللي كنت بدي قولو بالزبط
شكرا لألك باسل ريحتني من كتابة السؤال مرة تانية *ورود  *ورود  *ورود
وعندي سؤال تاني
أنا قدمت مادتين عند الدكتور ابراهيم هالفصل وهنن قراءة وفهم3 وثقافة1
والمادتين مأتمتات وقدمتهم من 5/2  يعني صرلهم شهرين ولهلق ما طلعت نتايجهم
وباقي المواد اللي مانها مأتمتة طلعت نتائجها فشو السبب يا ترى؟
ومشكور أخ فارس ألك واللي عبساعدك بالتحضير لهالمقابلة *1
آخر تعديل بواسطة Mazen Aloush في الأربعاء آذار 25, 2009 11:52 ص، عدل 1 مرة

ضع سؤال للدكتور : إبراهيم اسماعيل , المقابلة القادمة !!

الثلاثاء آذار 24, 2009 11:30 ص

بشكر لي عم يسعو لهل المقابلة

أسئلتي من تجربتي لي عشتها
انا درست مدخل الى النثر و الادب الامريكي و النثر 1900 و الامريكي التاني ....
طبعا بشك الدكتور ابراهيم ع التزامو و بسأل

من هوي الكاتب الامريكي المفضل عند الدكتور

و مين مطربو او مطربتو المفضل/ة ؟؟

ما رأي الدكتور بجو المحاضرة بشكل عام و اي سن بحبا اكتر شي ؟؟

هل يستطيع الدكتور المرور من حواجز قد تفيد 6000الاف عضو في ارتين ؟؟؟ بتقديم الدعم و بناء جسر للحوار مع ادارة الكلية و ادارة ارتين ؟؟

هل يرى الدكتور أن تكثيف الاعمال الادبية للطلاب في مجومعة كبيرة من الاعمال الادبية و خاصة في السنة الرابعة حيث يدرس اكثر من 15 عمل ادبي ؟؟؟؟؟؟

هل يحب الدكتور الشعر العربي و من و هل يحب الشعر الحديث ؟؟؟؟؟

شكرا

ضع سؤال للدكتور : إبراهيم اسماعيل , المقابلة القادمة !!

الثلاثاء آذار 24, 2009 8:35 م

بالاول بشكر ادارة المنتدى على جهودها الجبارة لتخلي الطلاب بتواصل
بدي اشكر الدكتور ابراهيم وقله انو محاضراته كانت من المحاضرات الممتعة ويلي ما كنت فوتها بس عندي سؤال صغير
انا تخرجت والحمدلله وحاليا عم اعمل دبلوم بس كان في مادة النثر سنه تالتة قدمتها 3 دورات والكل كان يقلي انو الخط بيلعب دور كبير عند الدكتور ابراهيم اكتر بكتير من اي شي تاني
يا هل ترى هالشي صحيح ولا لأ
ومعقول الطالب يعيد هيك مادة بس لأجل أنو خطه مو مفسر او مو كبير
 ومو مفروض انو الدكتور يراعي انو نحنا بقاعة امتحان مو على تراس عم نشرب قهوة ونكتب
اسفة بس بجد احترق دمي اني قدمها 3 دورات لأجل هيك سبب
واكيدكان  في متلي كتير
وهلء كمان في كتير مابعرف إذا فعلا رح تطرح عليه سؤالي ولا لأ ؟؟؟؟!!!!!!!!!

ضع سؤال للدكتور : إبراهيم اسماعيل , المقابلة القادمة !!

الثلاثاء آذار 24, 2009 9:48 م

فارس الله يعطيك العافية *ورود ....اسئلتي للدكتور ابراهيم:

1-هل انت مقتنع بأتمتة المواد الادبية متل النثر والاميريكي
2-ما هو رأيك بطلابنا و طلاب المفتوح
3-ما هي نصائحك للطلاب المتخرجين او على ابواب التخرج (مع الاخذ بعين الاعتبار وضع طالبنا لما بيتخرج من ناحية المعرفة والخبرة)

وهدول للدكتور ابراهيم  *1  *1  *1  *1  *1  *1  *1  *1  *1  *1  *1  *1  *1  *1  *1  *1  *1
آخر تعديل بواسطة Saher في الخميس آذار 26, 2009 5:59 م، عدل 1 مرة

ضع سؤال للدكتور : إبراهيم اسماعيل , المقابلة القادمة !!

الأربعاء آذار 25, 2009 12:09 م

كل التقدر والإحترام للدكتور ابراهيم الاسماعيل:
سؤال:
مالفرق بين الادب الانكليزي في الوقت الي سجلت فيه انت.. والوقت الحالي بشكل عام من حيث الطلاب والمناهج ...

ضع سؤال للدكتور : إبراهيم اسماعيل , المقابلة القادمة !!

الأربعاء آذار 25, 2009 9:04 م

شكراً جزيلاً لك أخي فارسولكل المشاركين بهالجهد الجبار
عندي سؤال للدكتور ابراهيم اسماعيل
في دورة 2003/2004 و 2004/2005 تحديداً ظهر ما يسمى بحزب الدكتور فلاح كنعان الله يرحمو والدكتور نادر ياسين الله يرحمو والدكتور محمد نهار المزعل
بينما في المقابل كان هناك حزب الدكتور ابراهيم اسماعيل والدكتور عبد المجيد جانسيز والدكتور واصف سلامي...
وكان الفرق بين الحزبين طريقة التعامل مع الطلاب....حيث كنا نرى الدكاترة أعضاء الحزب الأول بين الطلاب دائماً ومعهم وأبواب مكاتبهم دائماً مفتوحة للطلاب بينما لاحظنا العكس تماماً مع الدكاترة أعضاء الحزب الثاني....
هل من تفسير لأسباب الانعزال أثنائها؟؟؟

ضع سؤال للدكتور : إبراهيم اسماعيل , المقابلة القادمة !!

الخميس آذار 26, 2009 2:14 م

أولاً بحب وجه تحية كبيرة للدكتور الغالي ابراهيم اسماعيل
وتانيا ً بحب اسألو ليش مانو موجود بتدريس مواد السنة الرابعة لهي السنة على غير العادة *ممم

وكمان  :

الدكتور ابراهيم اسماعيل من الدكاترة يلي لجؤا لأتمتة بعض المواد يلي درسوها
فهل هاد الشي بيرجع لأنو الطريقة مفيدة أم فقط لإرضاء الطلاب ووقف مايقال عن ظلم الدكاترة بالتصحيح

وبالنهاية كل الشكر  للدكتور ابراهيم  لقبوله اجراء المقابلة *ورود  *ورود  *ورود  

ضع سؤال للدكتور : إبراهيم اسماعيل , المقابلة القادمة !!

الخميس آذار 26, 2009 5:55 م

مرحبا.. انا أدرس في جامعة البعث و لكنني لست مقيمة في حمص...
عندي سؤال بالنسبة لعلامة الغة (1) اي الصوتيات و القواعد للسنة الاولى هل نزلت بالجامعة؟؟

شكرا
الموضوع مغلق