ليش طلاب الفرنسي نايمين؟

[Widad]

الى طلاب الفرنسي اصحوا يا نايمين وشجعونا شوي لنقدم مواضيع بتفيدكم شوفو نضالو شو عم يعمل لتستفيدوا ومجد يلي مكرسة حالها لحتى تستفيدوا حتى kenzaطفشتوها من ورا قلة مشاركتكن يلا لشوف شجعوني حضرلكم جمل للترجمة لازم كل واحد منكم يشجع رفيئو لحتى يشارك ولا الامر ما بيهمكم والله طلاب الانكليزي صارو يهتما بالفرنسي اكتر منكم انا اسفة على نبرتي العصبية بس انا مشانكن عم بحكي هيك خلونا          على تواصل وتفاعل مع بعض

[trouble_maker]

فعلن معك حق وداد أنا ملاحظ هادا الشي مع أنو اللغه الفرنسية عندي ياها هواية مو اكتر و مع ذلك بلاقي انو عم شارك اكتر من طلاب الفرنسي نفسن

[Widad]

trouble maker انا ملاحظة فعلا انو لغتك الفرنسية قوية وهالشي عجبني فيك واهتمامك واضح من خلال الشعر الموجود باسفل الصورة موفق وامانة اي مساعدة ولا متل ماقلت انت يمكن انا محتاجة مساعدتك بالفرنسي    

[trouble_maker]

trouble maker انا ملاحظة فعلا انو لغتك الفرنسية قوية وهالشي عجبني فيك واهتمامك واضح من خلال الشعر الموجود باسفل الصورة موفق وامانة اي مساعدة ولا متل ماقلت انت يمكن انا محتاجة مساعدتك بالفرنسي    

Wedad vous etes Bienvenu tout le temps et moi je suis content que vous etes etudiante tres tres forte mais on a  besoin d'aider a l'outres
c'est moi aussi
 

[Widad]

moi aussi je suis tres contente de ta participation avec nous mais ne m appelle pas \vous\mais tu parce que nous sommes des amis  

[nedalo]

و الله يا وداد انا معك قلباً و قالباً
و قال منسأل ليش الغرب سابقيننا بسنين
على كلن إن خليت خربت و أكيد في كتير شباب و بنات من الفرنسي و غيرو مستعدين للمشاركة لكن بدن شوية جرأة  فكل واحد بيجي ليشارك شو بقول :
( إي ولو هلق لسا بدي شارك و اكتب , يعني كتير سألانين على مشاركتي و لا شو بدها تقدم ولا تأخر ) و أنا بقول لكل يلي بفكر هيك انو انا و غيري كنا نفكر بنفس الطريقة بس بصراحة الدعم بهالموقع الرائع هو اساس نجاحو و نجاح كل مين بيشارك بأي موضوع كان و بشكل عام ،أي شيء بهالحياة إذا ما توفرت الشروط المناسبة إلو ما بينجح و بتوقع اي شخص إذا كان عم يخترع شي شغلة أو عم يكتب شي قصيدة أو عم يغني شي غنية رح يفرح و بنبسط كتير إذا رحنا لعندو و قلنالو برافو عليك و ماشالله عليك و شو هالالقصيدة يلي بتجنن و شو هالصوت الحلو و رح يحاول  يعيد و يكرر الشي يلي عم يشتغل عليه أو عم بقوم فيه مية مرة لحتى يوصل لشيء من الصعب أي إنسان انو يوصلو بسهولة و لهيك الامم و الشعوب بتطور و بترتقي, بينما تخيل انك عملت شي شغلة هي بنظرك شغلة كتير حلوة و بيجي واحد لعندك و بقللك (إي روح روح ما لك علاقة باللياقة و شو عامللي حالك فهمان و غيرها من التعليقات السخيفة --------) فأنت بالتأكيد رح تزعل و تنزعج و تبطل بقا تعمل شي بفيدك و بفيد بلدك و أهلك و ناسك
فقارنو أعزائي بين الموقفين و احكموا على الموضوع بموضوعية
و شوي تانية رح حس حالي دكتور عم يلقي محاضرة
فلهيك انا مع وداد و بقول للجميع شاركو و خلونا نستفيد منكم و تستفيدوا مننا
و شكراً للجميع
nedalo  

آخر تعديل بواسطة nedalo في السبت أيلول 18, 2010 7:32 م، عدل 1 مرة

[Widad]

شكرا كتير نضال انا عم انتظرمواضيعك الحلوة وانا مستعدة لاي مساعدة باي موضوع باللغة الفرنسية مع انو ماشاء الله كانك مانك بحاجة الله يكتر من امثالك يا نضالو    

[Magd]

والله معك حق ياوداد ولازم نعمل شي بس والله مابعرف شوهوي
أنا انبسطت كتير وقت لقيت انو في حدا عم يساعد بطرح مواضيع جديدة
من نوعهابالقسم متلك ومتل نضال وبشكر نضال شكر خاص لأن
مواضيعو الي رح يطرحها عن قريب رح تدعم القسم من كل جهة وطبعا نضال
أنا جاهزة لأي مساعدة بتريدها
تحياتي لكم جميعا
مجد

[Widad]

مرحبا مجد اذا في موضوع ببالك طرحيه وانا جاهزة للمساعدة والله يعطيك العافية يامجد انا عم فكر بمواضيع لقسم الفرنسي بس بدنا مشاركة يعني حتى وئت kenzaطرحت مواضيع كانت المشاركة قليلة واغلبها من طلاب خارج قسم اللغة الفرنسية طبعا تحياتي الهن كلهم وبشكرهم على مشاركتهن  

[الجنتل]

مرحبى يا اخت وداد انت بنت محترمة جدا وكلامك صح انا طالب عربي بس ملاحظ انك مافي غيرك عم تشاركي انا بتمنى الكل يصوتولك