ليش طلاب الفرنسي نايمين؟

[hnouda]

مرحبا وداد انا عضو جديد جدا ولكني لاحظت فعلا انه لا حياة لمن تنادي ولا أعرف ماهو السبب ولكني اعتقد أن معظم الطلاب وليس الجميع طبعا آخر همهم الاستفادة من معلوماتك لان همهم الوحيد هو الترفع للخروج من هذه الورطة التي وقعوا فيها الا وهي اللغة الفرنسية فلا تظنين ان الجميع يحب هذه المادة مثلك كما يبدو  ولو كان لدي وقت أكبر لساعدتك ولكني اعمل وادرس في الوقت ذاته وعلى كل حال ستكون مشاركتي اكبر ان شاء الله خلال ايام العطل اتمنى لك التوفيق وثابري على ما تقومين به لانه مفيد الله يوفقك ويعطيك العافية  A'Bientot          

[جنى]

أول شيء برحب فيك أخت هدى معنا
و تاني شيء بحيي الأخت وداد على جهدها مشان المنتدى
بس بختلف معك بشي تاني وهو إنو ما بس وداد
عم تشتغل ورغم  إني من أشد المعجبين بالشيء اللي عم بتقدموا
الأخت وداد بس في عدة أعضاء شغلن واضح كتير مثل مايا و غانم و عامر رغم دراستن و شغلن و يمكن إنت بتعرفي كتابة موضوع   شو بتحتاج لوقت و حتى لو كان الموضوع صغير
و ما في داعي احكي كتير  عن حالي لأني حاولت قدم عدة مواضيع
للمنتدى  خلال خلال هالمدة القصيرة اللي سجلت فيا بالمنتدى  و بعدين هيدا واجبي وواجب رفقاتي لأنو الإنسان إذا عمل شيء لازم يعطي و يخلص لها العمل  بس بتصور إنوإنت
والمشكلة الوحيدة يمكن للنقص و لقلة المشاركات  هي نقص عدد الأعضاء
بالقسم الفرنسي بالمقارنة مع الأقسام الآخرين و لهيك بطلب منك
و من الأعضاء التانيين مشاركتي لدعوة الطلاب للمشاركة بآرتين
و خاصة بقسم الفرنسي وهيك المشاركات بتتعدد بالمنتدى    

[Widad]

جنى,  
يا جنى طولي بالك وجد لا تعصبي هادا الموضوع انكتب من قريب السنة ومابعرف ليش طلع هلئ وقتا كنت انا بس بالساحة وفيكي تعرفي هالشي من تاريخ المشاركة تبعتي بئا جد انت افهمت غلط وانا ملاحظة جهودك وبعدين منيح يلي رجع الموضوع مشي هيك بركي بيكتر عددنا يمكن مافي مشاركات كتير بس اغلب مواضيعنا حلوة وعاملين متل منتدى بقلب منتدى  وطبعا الكل عندو ضغوط وشغل والله يعطيكن العافية المهم روئي وجد انا ما ذنبي بس صدئيني هادا الموضوع انكتب من زمان وقت كان مافي مشاركات غير انا وطالبين من برات الفرنسي ماهر عباس وتروبل ميكر  
المهم ردك في حدية واضحة ما الها داعي انا مابحب حدا يتحسس حدا مني وجد بتشكرك من قلبي على جهودك الواضحة وموفقة بإذن الله      

[جنى]

[color=#8000FF]Widad
بشكرك على ردك و ما تعتبري كلامي فا حدية أو تعصب بس
شفت إنو كلام الأخت هدى شوي بعيد عن الدقة بالنسبة لوضع المنتدى بالوقت
الحالي و لهيك أنا رديت لأنو الموضوع متل ما قلت قديم و إذا حكينا عن هيك موضوع بالوقت الحالي ما بيظبط وما تزعلي حبيبتي إذا شفت كلامي حاد
و أنا برد بقول أنا من أشد
المعجبين باللي عم بتقدمي و بتمنى ما تزعلي من كلامي أخت وداد     [/color]

[Prof.Amer]

جنى,   Widad,  
روقونا انتو التنتين هاه عند هالمسا... يا عمي اول شي مافي عاقل بيقدر ينكر جهد اي شخص مهما كان يلي قدموا للمنتدى سواء بالمشاركات او بالمواضيع سابقا او حاليا
اما بالنسبة للأخت وداد فقدمت كتير للمنتدى و بالتالي لكل طلاب الفرنسي
اما انت يا جنى ... فنشاطك كمان واضح بالوقت الراهن

hnouda,  
اما انت اختhnouda  ... بقلك الله يسامحك الموضوع قديم كتير و نشالله ما بيصير منوب اي سوء تفاهم... ووداد مانها وحدها هون و ما بعرف شو المقصود من

معظم الطلاب وليس الجميع طبعا آخر همهم الاستفادة من معلوماتك لان همهم الوحيد هو الترفع للخروج من هذه الورطة التي وقعوا فيها

بالنسبة للهالجملة فبرأيي مالها ضرورة لأننا كلنا تقريبا عم ننزل معلومات بالمنتدى و عم نراعى قدر الإمكان التوثيق من مراجع او مصادر عالمية لأننا بنضل نحنا طلاب و مستوانا متقارب لأننا مالنا مرجعية لحتى ننسب لألنا مقالات... فالمعلومات ليست خاصة بأي شخص كان فهي ليست خاصة وداد و لا مايا و لا عامر و لا جنى و لا غانم ... و بتمنى بالمستقبل نشوف مشاركات اكتر فاعلية بما فية الفائدة و الخير للجميع

[جنى]

[size=150]Amerb
مشكور على الرد و بصراحة كلامك صح و خلص أنا رقت
بس بتمنى وداد ماتكون زعلت مني و تروق هيي كمان و متل ما قلت الشيء اللي
عم بنقدموا مو محتكر لإلنا وعم نحاول نكتبو من أحسن الكتب المتوفرة عنا
و نحنا بس عم بنحاول ننقلها لأكبر عدد ممكن من الطلاب
و مشكور مرة تانية وإن شاء اللَّه ما كون أنا انفهمت غلط       [/size]

                                                    

[hnouda]

مساء الخير أنا اعتذر رغم انكم فهمتوا كلامي غلط  ولكن على ما يبدو انني لم اوضح بما فيه الكفاية الله يعطيكم العافية جميعا لانكم فعلا تتعبون لتقديم مواضيع مفيدة ولكن يبدو ان معظم المواضيع التي قراتها كانت لوداد على كل حال اعتذر مرة ثانية وارجو ان لاتتضايقوا مني ام بالنسبةلك يا زميلي amerbفالجملة التي وقفت عندها فهي موجهة للطلاب  النائمين وليس للطلاب النشيطين  مثلكم هل فهمت قصدي الآن تحياتي للجميع دون استثناء bon courage      

[Widad]

روقونا انتو التنتين هاه عند هالمسا

نعم أخ عامر النا اسم نحنا التنتين    
جنى,  
والله يا جنى ما ني زعلانة بالعكس جد كتير مبسوطة بتقدم الاقسام رغم قلة عدد المشاركين بس عم تقدموا شي حلو والشغلي مو مستاهلة ينزعل منها ولا حتى تعتذري  المهم نبقى كلنا إيد وحدة ونحقق النجاح رغم قلة العدد ونتشجع من بعضنا جد جنى بالعكس الله بيشهد ماني زعلاني أبدا وهي إلك جخي لجدي ماصارت      
hnouda,  
بيشرفني كتير تواجدك معنا جد وبتمنى شوف مشاركات إلك لأنو واضح إنو عندك مقدرات جد من كل قلبي بقلك أهلا فيك معنا وناطرة مشاركاتك      :

[غانم]

شو بردت الامور ؟؟
لازم نرد نشعلها
لاء لاتصدقو عم امزح والله
عنجد الله بيعلم بالجهود اللي قدمنتها لوداد للمنتدى وكانت دائما السباقة لمساعدة الاخرين والله يجزيا الخير ويوفقها بدراستها
ويحققلها احلامها وطموحاتها لانك عنجد يا وداد بتستاهلي كل خير .
وبالنسبة لسوء الفهم اللي صار بينك وبين ااخت العزيزة  جنى مر بسلام  الحمد لله وشكرا الكن كتير للاخلاق الطيبة اللي بتتمتعو  فيها  فسوء الفهم جائز بين كل الناس
اخت جنى بالفعل جهودك ملحوظة بالمنتدى وننتظر منك مشاركاتك المفيدة والمتميذة .
وان شاء الله منكون يد واحد للنهوض اكئر  باقسام اللغة الفرنسية

   

[hnouda]

انا اشكر جميع الاعضاء على جهودهم الواضحة ولي الشرف ياأخت وداد ان اكون عضوا فعالا واقدم بعض المواضيع التي تهم جميع الطلبة وان شاء الله يكون ذلك في اقرب فرصة لان هذا الشهر علي ضغط كبير من مدير المدرسة حتى انهي للتاسع المقرر انا فعلا محظوظة لاشتراكي في هذا القسم الرائع شكرا لكم على حسن الترحيب