لكل طلاب الأدب الفرنسي ... نوفر لهم ساحة لمناقشة أوضاعهم و مستجداتهم الدراسية و الجامعية .
قوانين المنتدى
تنويه هام : يرجى من أخوتنا الأعضاء كتابة الردود و المواضيع التي فيها فائدة فقط , و أي موضوع أو رد لا يحوي أي فائدة سيُحذف دون الرجوع الى صاحبه - ننوه الى أخوتنا طلبة الأدب الفرنسي أنه يمكنهم الاستفادة من أقسام اللغة الفرنسية التعليمية المتخصصة التي أعدت لهم .
الأحد نيسان 26, 2009 3:11 ص
السلام عليكم و رحمة الله و بركاته أما بعد...
يسرني أصدقائي أن اقترح عليكم جمعياً بأن نقوم بإدراج أي نشاط فرانكفوني يتم أما في الجامعة أو خارج نطاق الجامعة في المركز الثقافي و خصوصاً أنها بالمستقبل سوف لن تكون بالقليلة من مسرح – عرض سينمائي – محاضرات... أو أي نشاط فرانكفوني آخر.
و هنا يجب علينا أن نساعد بعضنا البعض بخصوص إيفائنا بالمعلومات مهما كانت قليلة حتى و أن اقتصرت على الزمان و المكان فقط حتى يتسنى لأصدقائنا حضور تلك النشاطات.
الموضوع رح يضل مفتوح لتقاريركم الدورية كمان بخصوص هالأنشطة
و شكراً
الثلاثاء كانون الأول 07, 2010 4:04 ص
13/12/2010
Chantal HUNEIDI à l'institut supérieur des langues à Homs
Titre de la conférence: Comment donner un cours d'expression écrite
à 13.00h
خبيرة مركز التوثيق التربوي شانتال الهنيدي في المعهد العالي للغات بحمص
في 13/12/2010 في تمام الساعة الواحدة ظهراً
عنوان المحاضرة: كيفية إعطاء درس تعبير كتابي
الدعوة عامة
الثلاثاء كانون الأول 07, 2010 9:42 ص
شكرا كتير لنقل الخبر و راح نكون معكن ان شاء الله .
الأربعاء كانون الأول 08, 2010 1:37 ص
غانم,
هلا فيك اخي غانم نشالله منشوفك ع الموعد Widad,
هديك السنة كنا مع السيدة أمل مجبور وكان عن الاستيعاب الكتابي وتاني مرة قواعد وكمان اشتغلنا تعبير كتابي بالفعل هالسيدة رااااااااااااااااائعة بكل معنى الكلمة والمحاضرة كانت اروع حتى ما حسينا انو ضلينا 5 ساعات
اجت الخبيرة أمل الاسبوع الماضي و عطتنا خمس ساعات كمان كانت مشوقة و ممتعة بإسلوبها لدرجة انو طلعنا معها ع الباب نحنا و عم ناقشها لعند النفق و مشينا بالنفق و شوي تاني رح نطلع معها بالتكسي بس ما ساعتنا :mrgreen:
وبالنسبة للسيدة شانتال بعرفا بالشكل بس وقتا اتعرفت علينا وطلعت الغريب انو مو السيدة أمل يلي راح تعطي المحاضرة راحت معكن معناها لشي الساعة 6 اذا ما استمرت للسبعة
موفقين يارب وشكراااااا كتير الك وللدكتورة نعمت على هالجهود الجبارة
بالنسبة للوقت فما عم نحس فيه بجد بالنسبة لهيك محاضرات... اما هي شغلة موفقين ... انت بتعرفي انه هيك انشطة مانها خاصة بطلاب الماستر لهيك فهية موجهة لكل طلاب الأدب الفرنسي بدون استثناء لهيك منتمنى الكل يحضر لتحلا المناقشة و نستفيد
اما الفضل الكبير متل ما قلتي بيرجع للمجاهدة الدكتورة نعمت الله يعطيها الف عافية ماعم تقصر
الأحد كانون الأول 12, 2010 4:09 م
كتير حبيت الفكرة
بس بما انو انا من المؤسسين
ما كان في عدورنا انشطة فرنكفونية كتير .كنا نحسد اهل الشام و حلب عاللي عندهم
و المصيبة انو اذا كان في هيك انشطة ما عندنا وسيلة لنشاركها مع بعض و نعرف فيها
فلهيك بحب اشكر ارتين عالفوائد اللي عم يقدملنا اياها
الأحد كانون الأول 12, 2010 7:23 م
Prof.Amer,
الخميس كنا عند الدكتورة نعمت عم نباركلها بالمكتب الجديد وافهمنا انو كمان مدام أمل مجبور اح تجي ب22الشهر او 23 ماعاد اتذكر بالضبط الساعة 12 وراح يكون عنوان محاضرتا analyse de méthode du 7ème وفي كتير كمان نشاطات بالشهر التالت والرابع راح تكون على مدى ايام متواصلة
والله يا عمار الاداب على حالا ما اتغيرت بس هلئ في ورشة عمل كبيرة بتتراسها الدكتور نسرين الزهر بهدف تغيير وتحسيين المناهج في كلية الاداب خصوصي السنتين الأولى والتانية أما النشاطات الفرانكفونية فكلها مسؤولة عنها الدكتورة نعمت اتاسي رئيسة قسم اللغة الفرنسية بالمعهد العالي للغات وبالفعل الأقسام كلها عم تحسدنا على النشااط الكبير الي عم تقدمه الدكتورة للقسم هادا غير الدورات يلي خضعنالها السنتين الماضيات من دورات دمج التكنلوجيا بالتعليم طبعا مع مدربين فرنسيين بس للأسف اتصور ما عطونا شهادة فيها لانو لازم تكون مسؤولة عنها التربية
والأحلى من هيك ونحنا قاعدين عند الدكتور نعمت اجا موجه تربوي بدو طلاب من عنا مشان يعطو يدربو المدرسين على المناهج الجديدة يعني هلئ حسو بيقيمتنا
الاثنين كانون الأول 13, 2010 1:43 ص
l'entrantaumure
ببشرك انه الوضع حاليا اختلف بوجود ناس شغيلة متل الدكتورة نعمت أتاسي و نشالله الأمورلا ع ايدها رح تكون احسن و احسن بالمستقبل Widad,
الخميس كنا عند الدكتورة نعمت عم نباركلها بالمكتب الجديد
أكيد كانت مباركة نسائية لهيك ما درينا فيها... اما بالنسبة لبقية النشاطات مانها قليلة و هية حالياً مدرجة حاليا ع جدول الأعمال و بس تتأكد رح وافيكن بكل جديدها أما النشاطات الفرانكفونية فكلها مسؤولة عنها الدكتورة نعمت اتاسي رئيسة قسم اللغة الفرنسية بالمعهد العالي للغات وبالفعل الأقسام كلها عم تحسدنا على النشااط الكبير الي عم تقدمه الدكتورة للقسم هادا غير الدورات يلي خضعنالها السنتين الماضيات من دورات دمج التكنلوجيا بالتعليم طبعا مع مدربين فرنسيين بس للأسف اتصور ما عطونا شهادة فيها لانو لازم تكون مسؤولة عنها التربية
و جد الدكتورة نعمت عم تعمل المستحيل لإنجاح مشروع الـ (FLE) الممول من السفارة الفرنسية و انه رح يفتح ادامنا مستقبل كتير مهم و نشالله منتأمل خير. و جد مننحسد ع الشي اللي عم يتقدملنا من كادر تدريسي احترافي بكل معنى الكلمة اضافة لهيدول النشاطات
بالنسبة لدورة دمج التكنولوجيا بالتعليم... كانلي نصيب اني اخضع لهاو الدورة عن طريق التربية اللي ستمرت ع مدى شهر و جد شي كتير مهم و مفيد بنفس الوقت لكل مدرس انه يعملها و الإختلاف فيها عن دورتكن انها حسب ما خبرونا بالتربية بإنها معترف فيها دولياً و اهم من أي دسي دل لأنها تخصصية بمجال التعليم...
الاثنين كانون الأول 13, 2010 5:11 ص
انا كتير باحترمها للدكتورة نسرين الله يقويها
بتعرفوا انها اول مين حط اسئلة مؤتمتة بقسمنا !!
و بحب اشكر كل انسان سواء دكتور او طالب او مسؤول عم يشتغل بضمير
و احيانا اكتر من اللازم لحتى يطور القسم و ينشر الفائدة على الطلاب