إلى طلاب العربي ..

[بودي]

السلام عليكم ورحمة الله وبركاته
كيفكم يا اخواتي وشو أخباركم  بتمنى التوفيق للكل
بالنسبة لهالموضوع انو لقلكم شغلة انا تخرجت والحمد لله ومرقت علي كل الدكاترة في مقولة بقولها دائما (في دكاترة الله يوفقها ويجزيها الخير، وفي داترة الله لا يوجهلها الخير ) دائما في المنيح وفي القبيح .
أما بالنسبة إلي شخصيا في كم دكتور بالفعل الله يوجهلهم الخير وهم (أحمد علي محمد ، رود خباز، ممدوح أبو الوي، أحمد دهمان، جودت ابراهيم ....) أما دكتوري الرائع واللي بدو يشرفلي ع رسالة الماجستير هوي بكل فخر الدكتور عصام الكوسا.
                     
 

 من مدينة إلى مدينة ومن سفر إلى سفر كل اللحظات تحتشد في لحظة واحدة

[totoni6]

       

[مروان محمد]

أُفضِّل أن تطرح المواضيع بالعربية الفصحى
أقول في الإجابة على ما سئلت إن قدَّر الله لك أن تعرفي ما معنى أن تكوني متخرِّجة في قسم اللغة العربية وآدابها وأنَّك تحملين شهادة في ذلك، ومن المسؤول عما أنت فيه من مستوى سواء كان متدنِّيا أو متقدِّما عندها فقط تستطيعين أن تحددي الدكتور الذي يستحق المحبة والاحترام أكثر من غيره
وأما إذا كان المعيار غير هذا فأنا أحترم أكثر الدكاترة الذين درّسوني وأحب بعضهم حبا جمّا ولكنّ البعض منهم وللأسف يفرض على الناس بغضه و أشياء أخرى...  

[ladoooosh]

بالنسبة إلي بما أنو كل الدكاترة درسوني ....كان للبعض مكانة خاصة أكثر من غيرهم ....
الدكتور خلدون دكتور البلاغة والأندلسي ....من أروع الدكاترة يلي بيتعامل مع الطلاب بكل تواضع .
والدكتور ميشيل دكتور العبري....كتير كانت محاضرتو حلوة وهو إنسان بيستحق الاحترام  
الدكتور سمير معلوف دكتور المعاني والدراسات النحوية وعلم الجمال ....كتير محترم هالدكتور
الدكتور عصام رغم صعوبتو بس ما فيك ما تحبو لأنو حابب يوصل مادة النحو بشكل صح لكل الطلاب
الدكتور محمد عيسى كتير أكابر   ما لقيت كلمات توصفو غير هيك عنجد دكتور بيجنن
الدكتور هايل الطالب كان دكتور جديد وبعدين اختفى يمكن سافر بس كانت محاضرتو حلوة كأنو حديث رفقات  
وحاسة اني نسيت كتير دكاترة بس الأغلبية   كانو بيستحقوا الاحترام بس أحيانا في ناس بيدخلو القلب من دون ما نعرف السبب
وتحية لكل دكتور عم يعطي وضميرو لسا عايش    

[عاشقة العربية]

ladoooosh, رأيي نفس رأيك باستثناء الدكتور ميشيل ماحضرتلو   باعتبار لغتي كانت فارسية ..إما التحية الخاصة والشكر المميّز جدا جدا للدكتور محمد عيسى   لأنو عن جد مافي كلمات بتعبر عن مدى امتناني لحضرتو وكانت محاضراتو راااااااائعة وتصحيحو لأوراق الامتحانات كان أروع لأنو مافي حدا متلو سخي بإعطاء العلامات وإن شاء الله يبقى هيك بمادة الاتجاهات قريبا   ..بالإضافة لحضرة العميد الدكتور غسان مرتضى اللي كان يعطينا مادة الآداب العالمية والأدب المقارن فكان مثال للتواضع وقمة في الذوق والاحترام والله يطوّل بعمره يارب ..وفي دكاترة صعبين متل الدكتور أحمد الحسن وكان يذهلني بطريقة إعطاء المحاضرة وخاصة إنو مادتو من أصعب المواد بس كان متمكن منها ومقدرتو فظيعة  وهاد السبب بيخليه يفرض احترامو على جميع الطلاب..وفي دكاترة مابينطاقوا ...
وتحية لكل الدكاترة اللي درّسوني بدووون استثناء      وبتمنى التوفيق لجميع الطلاب بهالدورة الاستثنائية*ورود    

آخر تعديل بواسطة عاشقة العربية في السبت أيلول 04, 2010 9:21 م، عدل 1 مرة
السبب: الإساءة لعضو من أعضاء الهيئة التدريسية

[آلاء العبيد]

السلام عليكم
أولاً كل الشكر لهدى على الموضوع الجميل والمفيد نوعاًما
ثانياً
ولكن بعد أن قرأت الردور استغربت لأن لا أحد ذكر الدكتورة سيرين سيرجيه
أنا عني أحبها وأحترمها كثيرا وأحب طريقة اعطائها وشخصيتها أيضاً ولها كل الشكر من قلبي      

[فداء الاقصى]

السلام عليكم
الفكرة رائعة
ومشكورة  أيتها الاخت الكريمة
لإن من أحب شخصاً  في الله فعليه أن يقول له كما وصى الرسول صلى الله عليه  وسلم
أما بالنسبة للدكانرة اللذين أميل إليهم  
الدكتور الغائب الحاضر زكريا قصاب
الرااااااااااااااائع دكتور علوم القرآن الكريم والحديث الشربف(اللي نسيت شو إسمو)
الدكتو ر عصام كوسا
وأميرة دكاترة اللغة العربية سمر ديوب

[ديمة]

بالنسبة الي  انا شخصيا احترم واجل الدكتور فرحان السليم والدكتور عصام كوسا  

بحس دكاترة النحو الهن هيبة غير شكل  ليش ما بعرف  

[عاشقة العربية]

فداء الاقصى,  

الرااااااااااااااائع دكتور علوم القرآن الكريم والحديث الشربف(اللي نسيت شو إسمو)

ماجد العطائي

[oussamaa]

يعني الحمد لله صحيح اني ما بعرف كل الدكاترة الي بيعطوني المقررات ولا بشوفهن الا  سلاف الي كانت علي السنة على التحليل العباسي والدكتورةايمان ولكن انا احترم الدكتورة ايمان والدكتورة سمر ديوب والدكتورة سيرين سيرجية مع احترامي الفائق لباقي دكاترة القسم وشكرا