ارتين عالفيس بوك؟!!

[l'entrantaumure]

مسا الخير للجميع
هلق كلنا اكيد سمعانين بالفيس بوك
و معظمنا عامل اشتراك عليه متل ما بظن
صحي انو الموقع محجوب بسوريا بس الاقبال عليه عم يزيد كل يوم
و هالموقع اكتسب اهميتو من خلال تفعيل التواصل الاجتماعي بين الاصدقاء
يعني انا بلا ما شوفك او حاكيك بتقدر تخبرني بأحاسيسك و افكارك و نشاطاتك
و حتى بقدر شوف الصور و الروابط و الفيديو اللي انت بتنزلها او بتدل عليها برابط
و من خلال تجربتي بقول انو كتير زاد التواصل بيني و بين رفقاتي اللي مشاركيني هالموقع
وفادني كتير بما اني مغترب
و صرت اعرف اخبارهم اكتر و اختصر عليي وقت   يعني المعلومات فيه عم تجيني عالبارد المستريح
و موقعنا الكريم انا شاركتو عالفيس بوك عندي
بس بصراحة من يوم اللي عملتلو اضافة اجاني انو اضفتو و ما اجاني شي تاني
و من حبي لموقع أرتين و للي فيه كلهم
من قلبي باتمنى تفعيل هالموقع عالفيس بوك اكتر
يعني عالقليل المواضيع الجديدة تطلع عالحائط عند المشتركين
و الاخبار الهامة و الاعلانات الجامعية ياللي بهمنا انها توصل للكل
ممكن كتير نساهم بتعميم هالفوائد و غيرها كتير من خلال استخدام الفيس بوك
لأن الخبر فيه بينتشر بالطريقة الشجرية يعني من واحد لمجموعة و من كل واحد بالمجموعة لمجموعة
فشوفوا المدى يللي منقدر نوصللوا ببساطة
باتمنى من الشباب كلهم يهتموا بهالموضوع لأن فيه فائدة للجميع

[فارس]

l'entrantaumure
مسا النور و شكرا لاهتمامك  

مجموعة آرتين ع الفيس بوك كانت لحد هاللحظة تجريبية نوعا ما , كنت عم ادرس الفيس بوك اكتر من ناحية طريقة التعامل و التطبيقات و الخ ..

حالياً فعلت المواضيع الجديدة تنزل ع جدار المجموعة  

للباقيين و مؤقتاً بما انو وضع المجموعة حاليا هو "تجريبي" فيكم تنضمو للمجموعة هون :
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
و قريباً رح تشوفو نشاط لآرتين في المجموعة بشكل حلو و مفيد .


هاد بالإضافة لوجود آرتين ع تويتر
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

تحياتي للجميع  

[Portia]

السلام عليكم :

فكرة حلوة

بس كنت خاف من الفيس انو بيلهي كتير

فخوفي هوي نلتهى ونقضي وقت عالفيس اكتر من تفاعلنا ودخولنا عآرتين

اللي للاسف ملاحظة كتير من اللي كانوا متفاعلين هون , اخدهم الفيس بوك

بس ما بعرف ممكن هيك فكرة تخيلهم يرجعو يتفاعلوا وهنن طبعاً احرار

مع العلم اني شخصياً ببعض الاحيان بستتئل دمو كتيييييييير للفيس بوك

وهي شغلة وجهات نظر  

و ببئى قول اني ما بعرف

والله يختار الخير  

المهم انو فتنا شفنا نور طالب شو شكلو و البقية  

مفيد الفيس بوك مو  

[l'entrantaumure]

مشكور فارس عالاهتمام و الاستجابة السريعة
و انشالله تكون هالخطوة لمصلحة الموقع و الأعضاء الكرام
و بحب قول لبورتيا نحنا فينا نتحكم بالفيس بوك متل ما بدنا
و نخصصو لأغراض اللي بتهمنا و الأشخاص اللي بتهمنا بس
انشلله ما بيأثر على عدد رواد الموقع بالعكس انشلله كل يوم بيزيدوا أكتر

[l'entrantaumure]

وين الهمة اليوم؟!!

[حلواني]

فكرة حلوة كتير وانا بأيدها

[l'entrantaumure]

للزميل حلواني شكرا عالمرور و التأييد ويالله ناطرينك عالفيس بوك

[Widad]

بس ما بعرف ممكن هيك فكرة تخيلهم يرجعو يتفاعلوا وهنن طبعاً احرار

ما بتوقع بورشيا هيك نحنا جامعيين وفي شي بالحياة اهم من الفيس بوك حتى يخليهم يتراجعو      
فكرةة حلوة كتير وبلشت تتحقق بس عنا مشكلة مع البروكسيات والالترا سيرف وانا عم فوت بطريقة s  

[Hiba]

لا فكرة حلوة وبتلقى الضوء ع ارتين بشكل اوسع

بس برجع بقول متل وداد في صعوبة من ناحية البروكسيات وانو يفتح الفيس

وبدي انضم للمجموعة بس لهلى معم احسن افتح اكتر من صفحة البروفايل للاسف

بالتوفيق    

[l'entrantaumure]

هلق انا عندي بالسعودية شغال نظامي
بس رفقاتي اللي بسورية بيستخدمو بروكسي اسمو (التراسيرف)
و كتير منيح بس بيصير الخط ابطأ
و انشالله بعملو رابط تنزيل على ارتين منشان الفائدة