لكل كليّة قضاياها ... هنا نوفّر ساحة لحرية الرأي و التعبير و نتناقش بشكل جدي من خلال آرائنا المختلفة .

قوانين المنتدى

- يمنع منعاً باتاً طرح المواضيع الحوارية عن الحب و ما الى ذلك .
- يرجى احترام الآراء المختلفة وعدم الإساءة للأعضاء .
- يرجى عدم كتابة الردود الخارجة عن الموضوع . كما نرجو الاطلاع على قوانين القسم المعلنة .
- في حال مخالفة أي قانون , يحق للمشرف أو المدير إغلاق أو تعديل المواضيع من دون الرجوع لصاحبها
الموضوع مغلق

ما هي صفات الصديق الحقيقي برأيك ؟

الجمعة أيار 28, 2010 11:39 م

السلام عليكم ورحمة الله تعالى وبركاته
كتير منشوف عالم وناس ومنتعامل مع اغلبون بس السؤال  امتى نحنا فينا نعتبر شخص معين اتعاملنا معو وعشنا معو انو يصير صديق حقيقي ما نعود نخسروا ابدا

ما هي صفات الصديق الحقيقي برأيك ؟

السبت أيار 29, 2010 12:27 ص

حلو الموضوع
الصفات كتيرة اهمها الصدق, الاخلاق, التربية, البيئة يلي عايش فيها
مستني اسمع باقي الآراء لحتى نتناقش
و شكرا عالموضوع
بس في تعقيب صغير:
انو الجملة يلي انت كاتبتيها بتوقيعك مالها لسيدنا علي كرم الله وجهه  :roll:
هي وردت عن عمرو بن العاص  *1

ما هي صفات الصديق الحقيقي برأيك ؟

السبت أيار 29, 2010 1:33 ص

بعتقد أهم شي ما يتغير الصديق مهما ارتفع أو نزل على سلم الحياة

ما هي صفات الصديق الحقيقي برأيك ؟

السبت أيار 29, 2010 5:51 م

برأيي الصديق الحقيقي هو شخص تخلو العلاقة معه من اي حواجز تكون مع الزميل او الصديق العادي او حتى الاهل..فهذا الشخص تصبح مكانته في النفس اكبر من مكانة الاخ فتصل الى حد النفس و حتى اكبر من النفس..والعلاقة مع هذا الانسان هي علاقة تبنى على الحب و الثقة و الاحترام الفهم المتبادلان..
و من صفاته ان يكون قد نشأ و تربى في بيئة صالحة على الاخلاق و القيم السليمة..و ان نجده عند احتياجنا اليه في السراء و الضراء..و ان يصوننا و يصون من نحب في حال غيابنا..كما يقال في المثل العام(سيف بالضهر)..
و عندما يخطئ احدكما مع الآخر يختلق للاخر الاعذار ولا نذكرها له و نعيره بها في حال حدث سوء تفاهم في وقت لاحق..
و هناك صفات اخرى غير محدودة.. هذا والله اعلم..

**وجهة نظر:
يندر وجود هذا الشخص ..و كما يروى قديما ان المستحيلات الثلاث  هي: الغول و العنقاء و الخل الوفي...  فقد نخطيء كثيرا في تقدير الاصدقاء والاشخاص في حياتنا..فنظن ان هذا الشخص هو صديق المثالي او ذلك الشخص هو انسان سيء ولا يصلح لأن يكون صديقاً..فمسألة التقدير مسألة صعبة ولا يعلم ما في النفوس و داخلية الاشخاص سوى الله عز و جل..

ما هي صفات الصديق الحقيقي برأيك ؟

السبت أيار 29, 2010 10:47 م

الصديق الحقيقي هو يلي بكون معك بقلبه وروحه  ويلي مابيعطي عليك شو ماصار ويلي بيحفظ اسرارك وبقدر ظروفك ومابينساك وبلا وقت من الاوقات

ما هي صفات الصديق الحقيقي برأيك ؟

السبت أيار 29, 2010 11:53 م

هالموضوع بيفتح جروح بقلبي لأنو برأيي ماعاد في صديق حقيقي بهالايام
ولكن بالنسبة لي اهم صفة لازم تكون قبل الدين هي الأخلاق لو مهما كان الدين مع انو الاسلام تمم مكارم الاخلاق
انا الصديق الحقيقي عندي هو يلي بكون مرافقني على درب الله بساعدو وبساعدني لوصل، لإمشي بدرب الله صح وإذا وقعت يطالعني وإذا غلطت يساعدني ويصححلي الغلط وكون انا وياه إخوة في الله بيجمعنا القرآن وحب الله مابس الدنيا
لأنو كتير بهمني انو نجتمع بالدنيا والآخرة سوا
بتمنى يكون ردي حلو مع احترامي للجميع *1  *1  *Hi

ما هي صفات الصديق الحقيقي برأيك ؟

الأحد أيار 30, 2010 12:21 ص

باسل العمروش كتب:بس في تعقيب صغير:
انو الجملة يلي انت كاتبتيها بتوقيعك مالها لسيدنا علي كرم الله وجهه  :roll:
هي وردت عن عمرو بن العاص  *1

انا بتشكرك ع التعقيب وبحترم كلشي بس الصراحة انا من وقت ماوعيت ع الدنيا وانا سمعانة هي العبارة انو هي للأمام علي عليه السلام وانا عندي كتاب "حكم الإمام علي " وهو كتاب بجمع كل ماقاله الإمام علي عليه السلام في حياته من حكم وعبر وأشعار وهي العبارة هي وحدة من الأقوال يلي ذكرت عنو
يمكن يكون كلامك صح وتكون العبارة لعمرو بن العاص  :roll: مافيني اكد شي بس انا معتقدة بانو هي للإمام علي عليه السلام

ما هي صفات الصديق الحقيقي برأيك ؟

الأحد أيار 30, 2010 12:29 ص

باسل العمروش,  انا بتشكرك ع ردك وع أفكارك وناطرة منك المزيد من المشاركات والمناقشات فيما يخص الموضوع  *1  *1
حسامي,   *ورود  *1  بتشكرك ع ردك وخير الكلام ماقل ودل locas,  ردك حلو كتير وراي من رايك لاني انا بشوف انو الصديق حتى يكون صديق لازم يكون يملك الصفات يلي ذكرت *1  *1
ringo,  كلام جميل جدا  *1  *1
نسيم الروح شهد,  لا اكيد ردك حلو كتير لانو بالنهاية انت عم تقول رايك ونظرتك لموضوع وافكارك صح مية بالمية *1  *1

ما هي صفات الصديق الحقيقي برأيك ؟

الأحد أيار 30, 2010 12:44 ص

بروين,  
شكرا عالموضوع    *1

جوابي

الوفا....................

ما هي صفات الصديق الحقيقي برأيك ؟

الجمعة آذار 11, 2011 1:26 م

الصداقة عنوانها الصديق
فلا خيراً في صديق يخون الصداقة
الموضوع مغلق