وضاح أم مركز التصوير؟؟؟؟؟

[Nastia]

اذا في حدا سنة تانية انكليزي يجرب يقرا محاضرات نثر 1800 ،،،، يعني فعلأً بدخلونا بمتاهة حقيقية لأنو بيكتبو رقم صفحة ومقطع مو متل يللي بالكتاب و لاقو اذا فيكن وين هالصفحة العميحكو عنا،،،،
بقا ليش ليكتبو محاضرات و يعذبو العالم بقرايتا عالفاضي،، أنا من شوي بس كنت عم اقرا هالتحف واكتشفت انو ما عاد في فائدة من النقاش بالموضوع وانا حسمت أمري و ما عاد اشتري من عند وضاح...

و عكل حال شكراً لكل الي ساهم ورد عسؤالي

[Prison Break]

ولما بتقول إنو الطلاب همهم ينجحوا.. بتكون هادا إنتي..... لأن أنا ماحكيت شي بيخصك.......لا يكون مكتبة وضاح هيي بتخصك وانا ما عندي علم .. مشان نعرف كيف نحكي عليها أكتر من هيك ... طبعا ... بالمنيح ....

أول شي مكبة وضاح ما تخصني لا من قريب ولا من بعيد
تاني شي انا لما قلت (دخلني على كلية الآداب ونجحني) مو قصدي عليك بتاتا انا قصدي على انو اغلب الطلاب هيك

بس والله ما حبيتها منك هاي تبع (Take care)
انا ما بحب التهديد
بس اذا بحب هالشغل انا جاهز

اذا في حدا سنة تانية انكليزي يجرب يقرا محاضرات نثر 1800 ،،،،

اختي Nastia
انا ابصم بالعشرة انو حكيك مزبوط والشهادة لله انو هيك اللي عم بيصير لأنك مو اول وحدة بتحكي هيك


وبعيد وبكرر انا لما حكيت حكيت على انو هالموضوع للنقاش

[فارس]

SELVER, Prison Break,

طيب خلص طولو بالكم ..... الموضوع للنقاش العام مو لتنين ......

انتو التنين معكم حق باللي قلتوه .... و عموما ما حدا معصوم عن الخطأ .... و ما حدا عم يجبرنا أنو نشتري من عند أحد هل المراكز


بقا هدو شوي الشغلة ما بدها كل هل الشي


و بالتوفيق الكم ...

[بدر الدين]

السلام عليكم
شوفو و الله أنا بذاتي مجرب الأخطاء الي عم تجي بالمحاضرات الي عند مكتبة وضاح و راح اعطيكم دليل :
أول محاضرة للدكتور مزعل طلب منا شي أسمه الرقم الوطني للـ ( كوتيشن ) يعني التعليق الي راح يجيبه بالفحص و طلب منا أربع شغلات و هي ( عنوان القصة _ أسم الكاتب _ المتحدث _ المتلقى )   .       أوكي معي بهل شغلا ؟  
عند الافندي وضاح حاط كمان ( الأوكيجن . يعني المناسبة و حاط كمان شغلا ما فهمتها و الدكتور ما طلب عل شي )

[Prison Break]

عند الافندي وضاح حاط كمان ( الأوكيجن . يعني المناسبة و حاط كمان شغلا ما فهمتها و الدكتور ما طلب عل شي )

يا حبيــــــــــــــــــــــــــــــبي
هلأ الدكتور مزعل ما طلب المناسبة!!!!!!!!!!!!!!!!!!!!!!!!!

أخي هاي الشغلة من البديهيات

[Obada Arwany]

Prison Break,
و الله يا اخي اسف بانني رح الك انوا محاضرات وضاح فيها  اخطاء قاتلة ( محاضرات الترجمة 2 ) ه يالسنة و اذا بتحب انا مستعد نزلك الأوراق على  النتدى كمان هيي و شوفيك بعينك انوا فوق الخمس اخطاء يعني منو قواعدي و منو نقص و منو زيادة و انا جاهز ( للاسف اذا بدك تعتبروا تحدي انا ما عندي مشكلة )
و الله انا اشتريت من عندوا هاد الفصل و تفاجئت بلأخطاء

[Kiefer]

يا جماعة إن كان محاضرات وضاح و لا غيرها فيها أخطاء, و  الواحد مضطر يشتريها (متلي لأنو من أول يوم ما داومت)لازم الطالب يصلح هالأخطاء و إلا ليش دخل أدب  إنكليزي؟؟!!  , و ما حدا يجي و يقولي أنو ما بيعرف قواعد لأنو نحنا بالبكلوريا أخدنا كل القواعد , و إلا شو؟؟ المحاضرة عم تنحفظ بصم؟؟؟!    
من أول سنة و عم اشتري من وضاح و لما بسمع أنو الدكتور نزل ورقة بالكوة بروح و بشتريها و الحمد لله عم انجح بكل المواد...
و بالنسبة للأخطاء الإملائية , في برنامج Microsoft Word أي إصدار منو فيه قاموس و لو كتبت الكلمة خطأ بيعطيك إحتمالات صحيحة ..
و الله يوفق الكل  

[ehab]

أن بصراحة ما جبت ولا محاضرة من المكتبتين لأنو بحس مالن فائدة ما جبت غير النوط المنزلينا الدكاترة وبس    

[ديمة]

ممكن حدا يخبرني برقم المكتبة

[محمد الصالح]

زملائي الاعزاء السلام عليكم  
الزميل فارس عطا كن الجواب الشافي ..................
اما بانسبة لي كنت في العام الماضي احضر  المحاظرات واكتب ورا الدكتور .....
وبانسبة لمحاضرات وضاح لقسم اللغة العربية فيها اخطاء املائية ونحوية صحيح
ولكن الكتاب موجود عندي وعندكم واذا كان الطالب بيخاف على المادة لا زم بيرجع للكتاب ويتأكد ..... من الصح ...
وعلى العموم انا بشوف انوا  المحاضرات اللي عم اشتريها من وضاح او من كوة الآداب هي مساعدة لفهم المادة مو اكثر    مع انوا فيها اختصار للكتاب   
ولكن الكتاب يبقى بالنسبة لي المرجع الأول والاخير
وعذرا على الاطالة ............واتركوا الرجال بيرتزق .........