وضاح أم مركز التصوير؟؟؟؟؟

[محمد الصالح]

زملائي الاعزاء السلام عليكم  
الزميل فارس عطا كن الجواب الشافي ..................
اما بانسبة لي كنت في العام الماضي احضر  المحاظرات واكتب ورا الدكتور .....
وبانسبة لمحاضرات وضاح لقسم اللغة العربية فيها اخطاء املائية ونحوية صحيح
ولكن الكتاب موجود عندي وعندكم واذا كان الطالب بيخاف على المادة لا زم بيرجع للكتاب ويتأكد ..... من الصح ...
وعلى العموم انا بشوف انوا  المحاضرات اللي عم اشتريها من وضاح او من كوة الآداب هي مساعدة لفهم المادة مو اكثر    مع انوا فيها اختصار للكتاب   
ولكن الكتاب يبقى بالنسبة لي المرجع الأول والاخير
وعذرا على الاطالة ............واتركوا الرجال بيرتزق .........  

[A.Habbal]

انا من جهتي بحس ...هيك احساس يعني أنه وضاح على تعفيسه  أحسن من مركز التصوير ...يقبشني الاخير شو ظريف بمحاضراته وشو منسقة وشو بتنفهم (^_^)

انا كنت اشتري من وضاح لأنه الزلمي كان مهير Recorder ولايزال ...والمحاضرة بالرغم من الأخطاء الا انها كانت تكتب حرفيا متل مايحكيها الدكتور/ة ...لهيك مهمتك انت انه تصحح الأخطاء واذا لقيت أخطاء فلا تدقق لأنه المهم الفكرة او زبدة المحاضرة .

[Diana]

انا برأي إنو ما لازم نعتمد على المحاضرات بس سواء كانت من وضاح أو من مركز التصوير لازم شوي نتطلع عالكتب و النوطات النازلة..
بالنسبة إلي أنا هلق سنة رابعة إنكليزي ولسه ما رسبت ولامرة  ودائما بنجح ما بترفع مع إني ما بحضر محاضرات غير بالمناسبات ومحاضراتي كلها من وضاح والنوطات من مركز التصوير بس بعتمد على حالي أكتر شي  

[Lukashikari]

أنا بعرف إنو وضاح بيأخد الدفتر من طالب شاطر وبيصوروا يعني بيتعاقد مع حدي معين أما بالنسبة لكوة التصوير فأنا ما بنصح فيها
طبعاً هذا رأيي الشخصي

[ديمة]

بالنسبة للاخطاء باللغة العربية فنحوية غير موجودة اما املائية موجودة لكن قليلة وبحكم اختصاص الطالب تعتبر تافهة ومو خرج ينحكى فيها امام المساعدة الي عم يقدمها النا وخاصة احنا الي في الغربة فالله يعطيه الف عافية وشكرا .

[samer]

انا بحب ادرس من عند وضاح وخاصة من عند سامر لان اسمو عأسمي...
ومتل مقالت الزميلة ديانا بعتمد على حالي
   

[أ. عبد الرزّاق]

أنا بتذكر وضاح من وقت كان عندو فرع واحد جانب التربية كان النفق كلو مانو موجود... مو دعاية لوضاح
بس أنا درست كل السنوات وكنت أشتري المحاضرات من عندو وكنت أنجح وبمعدلات مرتفعة الحمدلله لكن في بعض الأوقات كنت أصلح بعض الأخطاء في الشواهد من الكتاب ... يا شباب كلو متل بعضو والقصة في الجامعة  قصة حفظ وبصم
ابصم تنجح هيدا المطلوب وبعد التخرج اقرأ واشتغل على حالك فالقراءة هي أساس النجاح الحقيقي .. على كل حال شكراً وضاح  

[rukia]

يا زملائي الأكارم نحن برا البلد ومحاضراتنا من عند وضاح لاتشغلوا بالنا وخصوصا باقي للامتحان ايام خليكم محضر خير!!!!!!!!!!!!

[فــلـك]

بصراحة النقاش يلي عم يصير مو لازم يكون موجود..
كل شخص منا..بيعرف الصح من الغلط..ومافي حدى بيجبرنا ندخل على اي مكتبة ونشتري..
لما عم ندخل على اي مكتبة ونشتري...عم ندخل بكامل ارادتنا..
يعني نحنا طلاب...ومو لازم يكون كامل اعتمادنا على المكاتب.. لازم نحضر ونكتب ورا الدكتور...ونشتري محاضرات لنكتب الشي يلي ما لحقنا نكتبو ...وطبعا بأسلوبنا وبقواعدنا...

ومابصير نسمي مكاتب ونزكر اسماء..
وتذكروا:
قطع الأعناق ولا قطع الأرزاق..  

[haytham]

السلام عليكم

ارجو المساعدة حابب أعرف اسئلة نثر 1800 اللي اجت بالدورة الثالثة والدورة الي قبلها
       
                                      ارجو الرد بأسرع وقت وشكرا