سؤال عن مادة النثر الحديث...

[Joey]

السلام عليكم دكتورنا الغالي..
أرجو أن تكون بخير وبصحة جيدة.
دكتور من بعد إذنك أنا حابب اسأل عن مادة النثر الحديث مشان تقديما بالدورة الصيفية إن شاء الله. أنا بالفصل الأول صار عندي ظرف وللأسف ما قدرت قدما بقا هلأ حابب اسأل إذا رح تكون طريقة الأسئلة متل الفصل الأول ولا نتوقع وجود تعاليق, مشان نعرف الطريقة المثلى لدراسة المادة. وإذا ممكن تعطينا بعض النصائح دكتور منكون إلك شاكرين (أنا وطلاب الدفعة جميعا أكيد).

لكم الود دكتورنا العزيز  

[د. محمد نهار المزعل]

تحية طيبة      

العزيزة (Joey): بخصوص سؤالك عن مادة النثر في العصر الحديث، فإنني أُعلمك و جميع الطلاب الذين سيتقدمون للامتحان بهذه المادة أن الأسئلة هي فقط مقاطع    (Qutations) و مواضيع. لايوجد أسئلة قصيرة أو ما يعرف بالـ (Silly Questions).

أهم شيء على الطالب أن يركز عليه هو اللغة، أما الأفكار فهي نسبية و معروف عني أنني أقبل الأفكار مهما كانت إذا كانت مقنعة و مدعومة، لأن الأفكار مسألة فيها جدال.

أتمنى لك ولجميع الطلاب النجاح والتوفيق.

[Joey]

د. محمد نهار المزعل,
شكرا لك دكتورنا العزيز. انشالله هالطريقة بتكون من صالحنا وبتساعدنا أكتر على الحصول على درجات عالية وانت طبعا دكتور معروف عنك الكرم وكل طلاب الدفعة بالفصل الأول بيشهدو بهالشي لحد الآن.
بس من بعد إذنك دكتور عندي استفسار تاني إذا بتسمحلي:
باعتبار رواية Women in Love ما أسعفنا الوقت لناخدا كاملة وحضرتك أعطيتنا مشكورا الفصول المطلوبة كيف لازم ندرسا لأنو متل ما بتعرف دكتور ( In order to understand a novel well you have to read it as a whole). هل لازم نركز على Heart of Darkness أكتر؟
وآخر سؤال دكتور من بعد إذنك, بعرف تقلت عليك بس مالنا غيرك, مشان التعاليق حضرتك قلتلنا على طريقة نتبعا ألا وهي:

 
T:
A:
S:
R:
I:

هي الطريقة لسا معتمدة للدورة الصيفية أو لازم نتبع ال Old method of commenting؟
اعذرني عالإطالة دكتورنا الغالي
لكم كل الود