ليش لأ

[Iris]

مرحبا فارس كيفك.اول شي المنتدى كتير ظريف وفي كتير  فائدة وشكرا الك ولك المشرفين لانكون بتجاوبنا فورا ع كل سؤال.
انا حابة اقترح انو اذا بتفتحو شات لقسم الانكليزي منشان الطلاب تتحسن محادثتن ويكون المشرفين عليه دكاترة او طلاب متخرجة أهم شي يكونو المشرفين اصحاب لغات ممتازة منشان انتو تصححو اخطائنا.ياريت تاخد بلاقتراح وتشوفو اذا في امكانية.وشكرا جزيلا لكل جهودكن وفعلا المنتدى رائع لانو منظم والاشراف فيه كتير ظريف.تحياتي

[عصام]

Iris,  
في قسم Say it in english
وفيه مواضيع ممكن تحكي فيها باللغة الانكليزية وتعبري عن اللي بدك ياه
ومن ناحية اشراف الدكاترة على هيك قسم فهاد صعب لانو وقت الدكاترة ديق شوي

[فارس]

Iris,  
يا أهلا و سهلا فيكي ..

بصراحة هاد الاقتراح تناقشنا فيه بالمنتدى و بالادارة كتير من قبل ... و اللي صار انو اي نعم عملنا غرفة تشات بهدف تعليمي بحت و انو يحكو فيها بالانجليزي بس ... كانت النتيجة عدم الاقبال الكافي لاستمرارها و الشي الأهم انو كانت الدردشة فيها جدا سطحية و مافيها اي شي من الفائدة , حتى الكتابة الانجليزية كانت جدا مخجلة من كتر الاخطاء .. و ما عاد نعرف نسمح بالكتابة العامية الانجليزية ولا نمنعها و حالة ... و بعدها أغلقنا غرفة الدردشة لأنو بالاساس فتحناها ع اساس تجريبي ..

المهم نحن لقينا انو بالمنتدى اي معلومة بتنذكر مفيدة من اي حدا , رح تبقى محفوظة دائما , اما بغرف المحادثة فرح تروح ع كل الغايبين ..
و مشاركة الدكاترة كان أفضل شكل الها هو مشاركتهم بالاشراف على اقسام تحت تصرفهم شخصياً , و تواصلهم مع طلابهم المباشر من خلالها .. اما من خلال غرفة الدردشة .. فصعب كتير كتير انو نطلب من اي دكتور الالتزام بساعة معينة يتواجد فيها , و حتى ع الطالب قد يمر بظروف و يغيب عنها .. لذلك الأفضل ... هو المنتدى أكيد

و تأكدي انو الدكاترة المشاركين و خاصة الدكتور محمد نهار مزعل و الدكتور محمد سمهر رح يكونوا جدا متعاونين بأنهم يصلحولك أي مقالة من كتابتك او حتى يجاوبوكي بأي أسئلة بتتعلق بالمنهاج او بللغة الانجليزية عموما ... طالما انو الفائدة منهم رح تنتشر بالمنتدى و رح تكون مانها الك فقط , و انما لكل شخص بفوت ع قسمهم و بشوفها ..

شكرا لاقتراحك عموما لأنو الاقتراحات مهما كانت فهي ع العين و الراس مادام الغاية هادفة ...

بالتوفيق

[Iris]

شكرا فارس وعصام.انتو معكم حق انو الدكاترة وقتون ديق اصلا شكرا كبير الهن وخاصة الدكتو سمهر لي مستعد يجاوب عأي شي.
من ناحية القواعد وكتابة المقالات نحنا عم نكتبا بلانكليزية الاكاديمية وانا هدفي من الفكرة هو اتقان اللغة الانكليزية العامية لانو طبعا في فرق كبير.
هلأ انا متاكدة انو في كتير طلاب متخرجة او حتا لساتا بلجامعة لغتها ممتازة.عكلن شكر كبير الكن وع جهودكم.الطالب بلاقي بلمندى اي شي بدو ياه وفكرة وجود دكاترة مشرفين هو يلي بخلي المنتدى فيه فايدة اكبر.تحياتي  

[عصام]

Iris,    
شوفي مواضيع القسم اللي قلتلك عليه ولما بتلاقي عندك فكرة لموضوع مانها موجودة سابقا فنزلي موضوع جديد فيها واكيد بتلاقي تفاعل من البعض المهتم بتحسين نفسو
وانو الفكرة الاهم من وجود الدكاترة هي وجود الطلاب والاعضاء اللي بيهتمو بمصلحة انفسن مو دايرين عالشغلات الترفيهية وصف الحكي وبس