آرتين في تراجع ... يرجى تداركه

[نور الدين]

الحقيقة ما بتمنى لآرتين غير القمم

بس للأسف عم بشوف في تراجع ملحوظ بالاهتمام بالموقع

مثلاً : 1- نزلت موضوع مستعجل بطلب فيه أسئلة دورات السنة الرابعة عربي. ورغم إنو عدد المشاهدات كانت أكثر من 100 مشاهدة لكن ما حدا نبهني إنو بالموقع في أسئلة دورات  
2- عدد الأقسام 108    يمكن كتير كتير. تخفيض العدد بكون أحسن للموقع. ويتم ذلك بتخفيض مهام آرتين وبنخصيص هدفه. وهاد رأي الدكتور طارق سويدان في إنشاء المؤسسات


رأي

1- تأمين رواتب للقائمين الأساسيين على الموقع حتى يتفرغوا ويبدعوا

2- تحديد هدف عام للموقع ليكون للجميع حافزا للوصول له

3- تحديد أهداف مرحلية للموقع لنشعر بسعادة الإنجاز حين يتم تحقيقها

ياريت تتقبلو مني نقدي

[عصام]

نور الدين,  

الحقيقة ما بتمنى لآرتين غير القمم

اكيد كلنا عنا نفس الهدف  

مثلاً : 1- نزلت موضوع مستعجل بطلب فيه أسئلة دورات السنة الرابعة عربي. ورغم إنو عدد المشاهدات كانت أكثر من 100 مشاهدة لكن ما حدا نبهني إنو بالموقع في أسئلة دورات

مثلا لما عم تقول للمنتدى 108 اقسام معقول كنت عم تعدن عد من دون ما تكون قاري عنواينهن  
ومعقول انت تكون جزء من موقع ما بتعرف شو اجزائو كاملة  
ومن ناحية التقسيم فانو حلو التصنيف حتى يكون لكل شي قسم خاص فيه بعيد عن  مجال يحتك فيه بشي تاني وخليني قلك مثلا قسم اسئلة الدورات فاينو بتلاقي انسب مثلا انو يكونو العربي والانكليزي والفرنسي بقسم واحد مع بعض او انو مصنفات واقعود دور اذا بتدور عاللي بدك ياه   وهالشي بيتطبق بشكل اوسع عبقية الاقسام

1- تأمين رواتب للقائمين الأساسيين على الموقع حتى يتفرغوا ويبدعوا

فارس مانو ضد هالشي ابدا وفي حال كان المنتدى عم بيطالع ولو ليرة سورية وحدة كربح فاكيد كانت بتتوزع عالكادر الاداري
بس انو هل تعلم انو فارس عم بيحط من جيبتو الخاصة عالموقع الاف والاف من دون ما يكون عندو اي شي يعوض هالمبلغ وانو الاعلانات اللي احيانا بتكون عارتين مابتغطي ولو جزء زغير من التكلفة  

2- تحديد هدف عام للموقع ليكون للجميع حافزا للوصول له

شو بدك غير انو تقديم المساعدة وقت الامكان بدون تقصير وبدون اي مقابل وهي كان الهدف الرئيسي من انشاء الموقع بالنسبة لفارس

3- تحديد أهداف مرحلية للموقع لنشعر بسعادة الإنجاز حين يتم تحقيقها

كل سنة بعيد ميلاد ارتين عم نشوف ارتين جديد عن ارتين اللي اعتدنا نشوفو واكيد عم نحقق انجازات وخطوات جديدة بمسيرتنا

بحترم موضوعك ورايك لانو بمتل هيك مواضيع واراء ارتين بيتقدم خطوة لقدام  

[فارس]

نور الدين,  
تحياتي الك أخي نور و يسعدني تواجدك و اهتمامك الدائم بآرتين و اللي بدل على حبك للعطاء و افادة الآخرين

كمان اقرا ردي هون و بظن بتكون صارت الصورة واضحة
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

[نور الدين]

فارس,  
عصام,  
شكرا لاستيعابكن للموضوع

يسعدني تواجدك و اهتمامك الدائم بآرتين و اللي بدل على حبك للعطاء و افادة الآخرين

أنا بعتبر هاد واجب ولو متوفرة الظروف إلي كنت قدمت أشياء كتير مميزة

هل تعلم انو فارس عم بيحط من جيبتو الخاصة عالموقع الاف والاف من دون ما يكون عندو اي شي يعوض هالمبلغ

والله أنا بعرف هالشي، وبالمناسبة خطر على بالي الإعلان عن مسابقة ثقافية على آرتين والجائزة رح تكون ع حسابي
وإذا الفكرة ملاقينها مناسبة بهيك أوضاع أنا جاهز

[ناصرالحر]

والله برافو يعني نور الدين عارف كيف تلهي العالم يا ريت يكون في شوية حزن واحترام لأرواح الشهدا ما تصير بدك تعمل جو ظريف بهيك اجواء واكيد يعني مطلع عالاوضاع وما بدو مين يقلك

[عاشقة العربية]

ناصرالحر,  
الموضوع صرلو من أول الشهر ما من هلأ.

وإذا بتريد، ما في داعي للخلاف او لهاللهجة، ما حدا بيعرف شوفي بقلب التاني.

احترامنا للجميع

[ناصرالحر]

عاشقة العربيه
بعرف لو الموضوع من اول الشهر بس من يومين عم يتجدد الدعوة لتنفيذو يعني شو الفرق ما عرفت
واي خلاف ما في اي خلاف ابدا ولااااااا اي لهجه يعني بس كل واحد بيفهم الي انا كاتبو بالطريقة الي بدوا ياها انا كاتب باسلوب عادي جدا
والله ما دخل القلوب بهالموضوع كل شي واضح
بتشكرك وبتشكر اسلوبك المحترم بالتعامل يا ريت ما تفهميني غلط

[عاشقة العربية]

أي حدا من الأعضاء وقت عم يكون فاضي عم يحاول يقدّم اللي بيقدر عليه.

كتير ناس بتشوف النت مكان لحتى تنسى.

ما لنا غير ندعي لسوريا.


ناصرالحر,  
هي إلك  

[نور الدين]

عارف كيف تلهي العالم يا ريت يكون في شوية حزن واحترام لأرواح الشهدا

 شكرا

كتير ناس بتشوف النت مكان لحتى تنسى

ما بدنا ننسى بس عم نحاول نشعل شمعة بغرفة المستقبل
عاشقة العربية,    

[noOody]

- عدد الأقسام 108    يمكن كتير كتير. تخفيض العدد بكون أحسن للموقع

ايوة فعلا

جزاك الله خيرا