قسم خاص للدكتور محمد سمهر الأبيض , تجدون فيه ما يود الدكتور نشره من محاضرات أو اعلانات لطلابه , بالإضافة إلى الرد على التساؤلات أو الاستفسارات .

قوانين المنتدى

تنويه للأعضاء : في هذا القسم لن تظهر مشاركاتكم فور إرسالها , و إنما يجب الانتظار حتى الموافقة عليها من الدكتور او إدارة المنتدى حفاظاً على الرقي في التواصل و الحوار .
تنويه إلى الدكاترة : يمكنكم في أي وقت طلب إنشاء قسم خاص بكم عن طريق مراسلة إدارة آرتين من خلال صفحة راسلنا , التفاصيل كاملة حول الأقسام الخاصة للدكاترة في آرتين تجدونها هنا
إضافة رد

Thanks

الأربعاء كانون الثاني 04, 2012 5:02 م

ألف شكر إلك دكتور عهالأسئلة
عن جد الأسئلة ماكان فيها أي صعوبه والحلو فيها أنها أسئلة شامله بحيث أنو الأسئلة كانت موزعة عكل المحاضرات والأحلى من هيك أنها كانت اختيارية يعني الطالب أزا ماعرف سؤال ماراح يضيع كل تعبه لأن في خيار تاني قدامه.
برجع بتشكرك دكتور وبتمنى أنك ماتتأخر علينا بتنزيل العلامات لأن بصراحة ناطف قلبنا على مانقول كلمة تخرجناااا

Thanks

الأربعاء كانون الثاني 04, 2012 10:30 م

ان شاء الله بحاول جهدي ما اتاخر بالمادة و بتمنى النجاح للجميع
موفقين

Thanks

الأربعاء كانون الثاني 11, 2012 2:10 ص

دكتور مشكور كتير ع لطفك وتساهلك بس أنا حبيت نوه لشغلة أنا أجيت قدم فحص الطرائق من ادلب ولما فتنا الفحص شفت يومتها شو صار كان يراقب علينا 3مراقبات كان في تقريبا ساعة لتنتهي مدة الأمتحان فصارت مراقبة منن تطلب منا نسلمها الأوراق قال مشان تلحق تروح ع البيت وألحت بطلبها وأنا مسؤول عن كلامي في ظل هيك ظروف حلينا بتسرع وكان عندي السؤال التالت على ما أتوقع خطأ ولي هو بيحكي عن one way communication and two way communication  لذلك أنا بطلب انك تحاول تساعدنا  بالتصحيح وتعلي نسبة النجاح اذا فيك  وتقدر  ظروفنا الصعبة وشكرا سلفا دكتور  سمهر

Thanks

الأربعاء كانون الثاني 11, 2012 11:30 م

ممكن تذكر اسم المراقبة اللي طلبت منك تسلم الاوراق قبل بساعة؟ و هل عندك شهود على كلامك؟

لا يحق لأي شخص مراقب او غيره يطلب منك هيك طلب و كان لازم فورا تشتكي للسيد الدكتور العميد او السيد الدكتور الوكيل العلمي محمد نهار المزعل. و اللوم عليك و على الزملاء الكانو بالقاعة انكن سمعتوا كلام المراقبة مع احترامي للجميع, تصرف المراقبة مخالف للقوانين الامتحانية.

انا ساعدت كتير بالأسئلة اخي الكريم, اسهل من هيك ما بتوقع, و لحتى تتطمن اكتر المادة قيد التصحيح و نسبة النجاح لحد الآن عالية و في علامات كتير فوق 70 و 80. بتمنالك التوفيق و انك تكون من الناجحين بس اذا منقص سؤال عليه 40 علامة بتكون ضيعت فرصة كبيرة على نفسك. اما اذا كنت مجاوب على السؤال و عندك شك انو الاجابة خطأ هل الشي أنا بحكم عليه وقت بصحح.
بتمنى ما حدا يطلب مني مرة تانية انو ارفع نسبة النجاح او اتساهل بالتصحيح اولا لانو هل الشي انا بقدره و براعيه من دون ما حدا يقلي , و تانيا لانو انا عم اعمل الشي الواجب علي و الطالب المفروض يعمل اللي عليه كمان و الا انا ما ني مجبر نجح اي شخص ما بيستاهل. و الشي اللي بصير بالقاعة خارج مسؤوليتي لانو التصحيح حسب الشي المكتوب و بس.
على كل حال المادة رح يتم تسليما الاسبوع القادم للامتحانات, و بتطلع النتائج لذلك لا تشغل بالك بالموضوع من هلق.
بالتوفيق للجميع

Thanks

الخميس كانون الثاني 12, 2012 12:12 ص

M. Samhar AlAbiad,  
شكرا كتير الك دكتور عنجد ما منعرف كيف بدنا نشكرك شكرا لتواضعك الكريم ... *1
إضافة رد