لازم تخصيص محاضرة محادثة يوميا بلجامعات

[Iris]

كيفك دكتور.انا حابة تقترح هلفكرة علدكاترة والمسؤلين عن تنزيل المواد.بماانو نحنا عم ندرس ادب  انكليزي فالمفروض يتخرج الطالب وهومتقن اللغة الانكليزية محادثة وقواعد.وبرأي انو المحادثة كتير ضرورية انا مافي انكر انو في كتير دكاترة كانو يعطونا مجال لحتا نحكي بس هيدا الشي مابيكفي.
يعني بمانو عنا محاضرات ترجمة ولغة والخ .شو المانع  لحتا مايكون في محاضرة محادثة.واذا رفضوا منشان عدد الساعات والمحاضرات فاانا كمان عندي حل.نحنا  عنا مواد ادبية لمدة اربع ساعات وشي طبيعي ماناخد الاربع ساعات كاملين لانو مارح نستوعب حتا لدكتور رح يتعب لانو عندو محاضرات كتير.شو المانع اذا تخصصت ساعة يوميا للمحادثة؟انا عنجد بزعل كتيير وقت بشوف طلاب متخرجة وماعم تعرف تحكي لغة صرلها اربع سنين بتدرسا.وللصراحة انا جربت معاهد محادثة بس الفايدة فيها قليلة لانو مشكلتنا بلنطق السليم للكلمات مو باكتساب الكلمات.عنجد انا بتمنا تطرح هلفكرة ويطبقوها منشان يتحسنو الطلاب واذا تحسنو الطلاب وصار مستواهم عالي بالتالي الجامعة رح يرتفع مستواها يعني الفايدة للتنين.بتمنا تاخدو بلفكرة وانا حبيت اطرحا عليك لانك دكتور والك مركزك  والك جزيل الشكر.

[M. Samhar AlAbiad]

تحية إلك و للجميع
طبعا أهمية المحادثة لطلاب الإنكليزي مستحيل إنو ننساها, و للأسف معك حق انو كتير طلاب بيتخرجوا و ما بيعرفوا شي اسمه لفظ او محادثة و بعد التخرج بيركضوا على المعاهد الخاصة مشان يتعلموا محادثة.
اكيد الدكاترة بالقسم عنا كلن بيشجعوا الطلاب على المحادثة و لكن الامر بيطلب اكتر من محاضرة بالاسبوع بكتير. اولا تعليم المحادثة بده يكون interactive يعني ما بطريقة الإلقاء المعتادة, و بمعنى تاني لازم المدرس يعمل محادثة مع كل طالب موجود و يصحح لفظه.
تانيا المحادثة بدا استماع و تكرار كتير و هل الشي بده شغل ما لا يقل عن 4 ساعات باليوم و على مدى عدة سنوات يعني مستحيل أي شخص يتعلم محادثة بدورة او دورتين طبعا اذا كان حابب يكون عنده طلاقة و ما مجرد محادثة تمشاية حال يعني.
اهم نقطة انو كتير طلاب بتخجل او بتخاف تحكي لانو ما عندن ثقة بلفظن و هاي النقطة هي اكبر عائق باعتقادي و هل الشي بنتغلب عليه من خلال التشجيع و انو الشخص لازم يكون واثق من نفسه و بنهاية الامر الكل بيغلط و هل الشي ما نو عيب. الاساس هو عدم الشعور بالاحباط و لازم نعرف انو الشغلة مانا سهلة و لا هي وجبة سريعة و جاهزة بأي لحظة فينا نعملا.
الموضوع اكيد انطرح من قبل و هو مانو فكرة جديدة و كذلك كان في موضوع التركيز على مواد الترجمة و الانشاء و الصوتيات بالسنة الاولى لحتى الطالب تكون كتابته سليمة وقت بصير بالسنوات الاعلى. بالنسبة للمواد الموجودة و ساعاتا فأنا بصراحة ما بعرف اذا اضافة مواد او تغييرا تابع للجامعة او لوزارة التعليم العالي فبإمكانك طرح الفكرة للوكيل العلمي بكلية الآداب أو للوكيل العلمي للجامعة.
و اكيد لازم ما ننسى انو جزء كبير من تعلم المحادثة هو جهد شخصي و اهتمام باللغة, يعني في طلاب يمكن ما بيفرق معا انو تتعلم محادثة او لاء و بالمقابل في العكس, و انا قابلت كتير طلاب السنة الماضية بالرابعة و جزء منن حاليا طلابي بماجستير اللغويات و  لغتن كتير حلوة و عندن لفظ جيد جدا و بتوقع اغلبه كان جهد ذاتي منن. و على كل حال انا مستعد ساعد اي شخص حابب يقوي حاله بالمحادثة او اللفظ بأي وقت و مكتبي موجود و مفتوح للكل.
و أي شخص حابب يقوي نفسه بهل المجال لازم يحط بباله تخصيص اربع ساعات كل يوم للاستماع ودراسة  الصوتيات متل ما ذكرت,  استماع مع تكرار طبعا, و اكيد القراءة بتساعد مشان المفردات. و في كتير كتب ممتازة بتساعد, متل كتاب NorthStar و كتاب Spectrum.
شكرا لاهتمامك بالموضوع
تحياتي

[Magic]

مرحبا دكتور
انا تخرجت من الجامعة صرلي سنتين ولكن حابب اتمكن من المحادثة واتعلم (احكي ) انكليزي باتقان
شو تنصحني دكتور اعمل

[Iris]

شكرا الك ورح جيب الكتب لي ذكرت اسمائها بالنسبة الي مابخاف ابدا احكي وفعلا المحادثة بدها شغل شخصي بس علاقل لازم يكون في اشراف من الدكاترة لحتا نعرف انو نحنا ع لطريق الصح.بس في شغلة انا لاحظتا بلافلام انو في نفس  لكلمات بتكرر بكتير مواقف وبنفس الوقت بيستخدمو الف كلمة لنفس الحالة مثلا جملة"لقد اغضبتني"او"لاتغضبني"بقولها بكتير كلمات بس في مصطلح بضلو يذكروه وللاسف مابعرف كيف اكتبو بس حافظتو حفظ.انا شفت بلمكتبة الالكترونية لهيد الموقع منزلين ملف بيذكر اهم الكلمات العامية بس بعدا مانزلو ولاشي برأي هيك ملفات كتير منيحة.هلا انا مابعرف مين مختص بهي الشغلات بلمنتدى كنت راسلتو لاني حابة اطرح فكرة انو يفتح شات دردشة لقسم الانكليزي ويكون دكاترة مشرفين عليه او اي طالب متخرج تكون لغتو ممتازة برأي بمانو شغلة لمحاضرة  ماعم يمشي حالا بلكي بيمشي حال الشات.وانشالله وصل للرابعة وتكون لغتي منيحة لانو فعلا اصعب شي بفرعنا انو تتقن  اللغة.تحياتي

[M. Samhar AlAbiad]

سلامات
اخ Magic: في كتير امور فينك تعملا, اولا التركيز على تحسين اللفظ, من خلال قراءة كتب صوتيات و تتعلم كيف تلفظ الاصوات المنفردة.
تانيا الاستماع قد ما بتقدر و حاول انك تكرر كل شي بتسمعه لحتى تحفظه, و هيك بصير عندك طلاقة.
اذا عندك اصدقاء فينك تتحاور معن بالانكليزي بكون شي كتير منيح و حاول تعمل هل الشي يوميا.
Iris: طبعا في كتير كلمات بتكرر و لا تنسي انو اللغة بالافلام اغلبا لغة محكية لذلك بكون في كتير مصطلحات و تعابير ما بتلاقيا بكتب الجامعة. و كتير من الكلام بالافلام بكون slang لذلك احيانا بتلاقي مقاطع من بعض الافلام صعب فهما بشكل منيح.
لا تغضبني بتنقال مثلا بكتير طرق:
do not get on my nerves
do not annoy me
do not make my blood boil
do not drive me nuts
do not make me angry
الخ
طبعا كله بفيدك بس حاولي انو تنتقي الشي المناسب اكتر, يعني اذا بدك تتعلمي كلمات عامية بتلاقي بنفس قاموس اكسفورد او ويبسترز كلمات عامية كتير و في قواميس متخصصة طبعا. في شغلة حلوة فينك تعمليا, ادخلي على غوغل و دوري على movie script بتلاقي مواقع بتعطيكي النص المكتوب لأي فيلم بدك ياه و بتستفيدي منه طبعا بالترجمة او مجرد قراءة و تعلم الكلمات.
فينك تراسلي الاخ فارس او اي مشرف من المشرفين على اقسام الانكليزي باقتراحك, و اذا طبعا استمريتي بلتمرين اكيد بتصير لغتك منيحة لتوصلي للرابعة.
تحياتي

[Iris]

شكرا الك دكتور فعلا الافلام كتير ظريفة وكتير بتساعد حتى طريقة المونولوج لي حكيت عنا كتير بتفيد.انا رح راسل فارس وشوف اذا بيمشي الحال.ورح شوف نصوص الافلام.وطلب تاني لو سمحت اذا اسا في مواقع شو ماكان حتا لو كانت قواعد او اي شي بفيد لفرعنا ياريت تذكرو.انا حاليا عم طالع lyrics للاغاني وكمان عم استفيد بس المشكلة في كتير جمل وكلمات ماعم اعرف ترجمها في شي موقع بلاقي فيه ترجمة للاغاني.شكرا ع كل نصايحك دكتور ولاتواخذني لاني عم لح وضل اسالك بس انت كتير عم تفيدنا ومشكور لنصايحك وانشالله مامنخيب املك.

[Mohammad-Marouf]

M. Samhar AlAbiad,  
السلام عليكم دكتورنا العزيز
بصراحة أنا من الطلاب المعجبين جداً بك وبأخلاقك العالية وشفافيتك مع جميع طلابك
صدقني لقد كنت أحضر المحاضرات عندك أكثر من طلابك الحقيقين- فأنا من سنة وطلابك من سنة أخرى
ولكن بدون مجاملة أشعر بالفائدة الكبيرة عند حضور محاضراتك لأنه بالنهاية نحن الطلاب يجدر بنا أن نعي ونفهم كل ما يتعلق بانكليزيتنا ونجمع الأفكار من هنا وهناك لكي تعم علينا الفائدة
وسؤالي لك هو
هل يا ترى سيكون هناك مادة للسنة الثالثة سيكون أنت صاحبها أم لا؟
أتمنى أن تبشرني بكلمة نعم

[M. Samhar AlAbiad]

اهلا سوسن, طبعا الافلام مفيدة خاصة انو فينك تاخدي كتير كلمات منها, و في افلام بريطانية و استرالية و امريكية و كندية و غيرا فتستفيدي كتير من اللهجات المختلفة مثلا فيلم Braveheart  هو باللهجة الاسكوتلندية و فيلم The Boondock Saints باللهجة الايرلندية اللي تعتبر من اصعب اللهجات من ناحية فهما و اتقانا  , فيلم The King's Speech  بريطاني و الافلام الامريكية ما في اكتر منا. و اذا حابة تستمعي للهجة الاسترالية احضري مسلسل Masterchef Australia اللي بيطلع على قناة Fox و اذا كان مدبلج فينك تحوليه للانكليزي من الريموت بس اضغطي على زر الاوديو و اختاري انكليزي.
انا ما بثق بترجمة الاغاني اونلاين لانو بتكون ترجمة عن طريق غوغل احيانا و بالتالي بكون فيا اخطاء كتير و نقص. حاولي ترجميا لحالك باستخدام معجم ويبسترز و هو افضل معجم على الاطلاق و بنصح الكل يجيب نسخة. و اذا حابة تستفيدي اكتر لازم يكون عندك و كل طالب جاد بتعلم اللغة و تقوية حاله بالترجمة لازم يجيب معجم: Oxford Collocations Dictionary و معجم Oxford Synonyms Dictionary
الاول لا غنى عنه بالترجمة لانو بيعطيك كل كلمة مع الكلمات اللي بتجي معا مثال:
بدل ما تقولي make a party و هي خطأ طبعا
لازم تقولي: throw a party بمعنى يقيم احتفال
اما مواقع تعليم اللغة فمافي اكتر منا, بمئات الالوف يعني بس اعملي بحث بغوغل عن اي شي بدك ياه و بتلاقي شي كتير, هي شوية مواقع كتير ممتازة و في معلومات بتبقي تقري فيا لتتخرجي:
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
تحياتي

[M. Samhar AlAbiad]

و عليكم السلام اخ محمد
شكرا إلك و انا سعيد انو لقيت فائدة بحضور المحاضرات و هادا هو هدفنا بالمقام الأول, و بتمنى إلك التوفيق و النجاح بحياتك و بمجال تعلم اللغة, و كلامك صح مية بالمية انو لازم تتعلم من جميع المصادر المتوفرة عندك.
للأسف ما رح استلم مادة بالسنة الثالثة و انما رح درّس مادة علم الدلالة و البراغماتيا (Pragmatics) لطلاب ماجستير اللغويات و مادة الانشاء3  او تعبير و استيعاب كما تسمى بالبرنامج للسنة التانية و اذا حابب تحضر فاهلا و سهلا فيك و بأي شخص مهتم و اذا احتجت مساعدة بمواد السنة التالتة او غيرا فبساعدك على قدر الامكان.
تحياتي إلك و بالتوفيق

[لمى]

الله يعطيك العافية دكتور
انا بصراحة كتير بحب احكي انكليزي  وعن جد لما قريت انو في تخصيص محاضرة بالعنوان فكرت عن جد في هيك قرار بس للاسف طلع اقتراح
والله بس فكرة
انا مرة لقيت مواقع على النت انو بتقدر تتكلم مع مم مابددك باللغة اللي انت بدك ياها مع اجانب حلو هالحكي بس مو لتكون المواقع شغالة بالاول    
على كل حال منيح انو الوحد اذا سمع انكليزي كتييير بصييير منيح
مشكور مرة تانية دكتور واذا في مواقع بتعرفها بتتخصص بالمحادثة بلكي بتدلنا عليها