كل ما يتعلق بالجوالات من تقنيات و أخبار جديدة و توفير برامج و قواميس مهمة لنا كطلاب , بالإضافة إلى الكثير من الملفات المهمة و بعض النصائح حوالها ...
قوانين المنتدى
أخوتنا الأعزاء : كم تسرنا مشاركاتكم ومواضيعكم في ساحة عالم الموبايل والتي وجدت خصيصا للإجابة على إستفساراتكم ، وإحاطتكم بكل ماهو جديد في هذا العالم الواسع من تطبيقات وأخبار ، وفي هذا السياق ، نود أن نلفت إنتباهكم إلى بعض القوانين التالية في هذا القسم :
1- سيتم حذف أي موضوع دون الرجوع إلى صاحبه ، في حال كان هذا الموضوع ، يحوي بداخله على رابط لفيروس أوبرنامج فيروس ، أو برنامج قد عدل مسبقا بهدف إعلاني بحت لشخص بحد ذاته أو اي جهة أخرى .
2- لا يحق لأي عضو المشاركة بأكثر من موضوعين في اليوم الواحد..
السبت أيلول 24, 2011 9:49 ص
يا اخوتي انا بس بدي افهم ليش ليش كل يوم بيحطو على هدا البرنامج او هداك حضر
ومع انون مالون مستفادين لانو اي برنامج بيحضرو تشغيلة امر بسيط
بس ليش ليش ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حدا يجاوبني من كل الدول نحن بس قال شو منشان شبابنا وبعد ما وقفو الميغ والنمبوز والايبودي راحو شركات ام تي ان وسرياتل نزلو
خدمت دردشه
يا ريت حدا يقلي ليش لانو مقهور من البي مع اني مشغل جميع البرامج ومو سأل اذا انحضروا او لا
السبت أيلول 24, 2011 12:28 م
syrian lover, ببساطة مشان نعيش بقلق مستمر
أما بالنسبة للبرنامج العظيم (Syria.Talk) الشغال عالشبكتين MTN & SYRIATEL
فهو للسررررررررررررقة العلنية
لأنو الترافيك فيه عاااااالي وبيسحب رصيد بشكل مخيف..
وإذا في حدا بيتدايق من عبارة (السرقة العلنية) أو بتنجرح مشاعرو
يا ريت يلاقي تفسير وأجوبة لأسئلتك..
يعني مو يكتفي بأنو يقول ما بيصير نقول سرقة ..
وبتمنى إذا حدا من الشركتييييييين بيجاوب ..
كرمال الله جاوبو مشان ما نفهمكم غلط يا MTN & SYRIATEL
والله مو حالة..
السبت أيلول 24, 2011 12:39 م
سرقة علنية مو مخباية.. طبعاً هاد هو السبب وما في سبب تاني. أنا أحياناً بيشتغل معي ال sh واذا ما اشتغل بلاها هالدردشة أحسن ما خليهن يسرقوني..
بالنسبة لل 3G كأنو صاير عم يصرف كتير؟!! لأنو بس عم اتصفح مواقع وماعم حمل ملفات وال 1 غيغا بتكفيني بس نص شهر
السبت أيلول 24, 2011 1:13 م
Eng. Feras,
يا ريت تكون بس سرقة ! و انما تجسس علني .. يعني كل حرف بينكتب عليه رح يتأرشف عندهم بسجلات خاص بكل ايميل ... بتلزم
Nastia,
كمان ما بستغرب انو ممكن يكونو عملو شي ببرنامجهم بخلي جهازك يرفع شي معلومات شخصية بخلفية الاتصال . بنصح بتنصيب أي برمامج مضاد فيروسات بس يكون من اصدار انترنت سيكيوريتي .. يعني مو بس مضاد فيروسات , مشان يكون فيه جدار ناري .
بالاضافة , رجعي تأكدي من التحديثات اتلقائية تبعيت الوندوز انها ما تكون شغالة و عم يحدث و يسحب من هالنت لأمور تافهة بالغالب .
بالإضافة , من إبدأ , بمكان البحث , اكتبي msconfig و انتر فورا . بتطلع نافذة اعدادات , التابين القبل الأخير و القبلو , هدول فيهم البرامج و الخدمات اللي بتشتغل مع إقلاع النظام . في كتير منها بكون هيك شغلتو , انو يحافظ ع تحديثات البرنامج من خلال التواصل مع موقع البرنامج الخاص فيه و ممكن كتير انو يسحب تحديثات و اكيد انو يبطئ الجهاز و اقلاعو كمان . بإمكانك هون تشيلي اشارة الصح من جنب كل برنامج ما بتعرفي شي هو و مافي اي مشكلة . شرط انو التاب اللي قبل قبل الأخير , فيه من تحت فوق زر موافق , في مكان بتحطي اشارة صح لاخفاء خدمات وندوز من القائمة , و ما يتبقى فهي كلها البرامج اللي منصبتيها ع جهازك بعد الفترمتة و تنصيب النظام , يعني الاستغناء عن انها تقلع مع اقلاع النظام ما رح يسبب أي مشكلة .
هلأ شو هي لكن البرامج اللي لازم نخليها تقلع مع اقلاع النظام ؟ و يضل جنبها اشارة صح ؟ أكيد أي خدمة بتتعلق ببرنامج مضان الفيروسات اللي عندك . متل انا عندي برنامج BitDefender هاد الو عدن خدمات بخليهم , ممكن السلايد بار تبعوت الوندوز , و ممكن الغاد غيتس تبعوتو كمان . يعني كمان كلشي مذكورة فيه كلمة وندوز يفضل تخليه . بس ممكن تلاقي مثلا أدوب أبديت , هاد أكيد ما لازم ! .. و الخ
بالتوفيق
السبت أيلول 24, 2011 4:21 م
السبت أيلول 24, 2011 9:33 م
NOOR TALEB,
الحقيقة انو المودم عندي من الأصل الإعدادات فيه WCDMA Only وأصلاً غير مفعلة يعني مافيني غيرها !! مو شي غريب؟!
السبت أيلول 24, 2011 10:18 م
Nastia,
إذا كان مودمك سيريتل من نوع هاواوي ، فالإعدادت نفسها تماما ، بس في شغلة لازم تعدلي الإعدادات قبل ما تتصلي عالأنترنت...
يعني في حال كنتي متصلة عالأنترنت ، مارح يطلعلك غير الضبط يلي مشتغلة عليه ، لذلك أول الشي لازم تقطعي الإتصال حتى يبين معك كافة أوضاع الشكبة يلي هنن:
GSM
WCDMA Only
WCDMA Prefered
الأحد أيلول 25, 2011 4:52 ص
Nastia كتب:سرقة علنية مو مخباية.. طبعاً هاد هو السبب وما في سبب تاني. أنا أحياناً بيشتغل معي ال sh واذا ما اشتغل بلاها هالدردشة أحسن ما خليهن يسرقوني..
بالنسبة لل 3G كأنو صاير عم يصرف كتير؟!! لأنو بس عم اتصفح مواقع وماعم حمل ملفات وال 1 غيغا بتكفيني بس نص شهر
اي فعلا باقل من نص شهر عم يصرف الباقه