ليش حضر الماسنجر بسوريا

[syrian lover]

يا اخوتي انا بس بدي افهم ليش ليش كل يوم بيحطو على هدا البرنامج او هداك حضر
ومع انون مالون مستفادين لانو اي برنامج بيحضرو تشغيلة امر بسيط
بس ليش ليش ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حدا يجاوبني من كل الدول نحن بس قال شو منشان شبابنا وبعد ما وقفو الميغ والنمبوز والايبودي راحو شركات ام تي ان وسرياتل نزلو
خدمت دردشه
يا ريت حدا يقلي ليش لانو مقهور من البي مع اني مشغل جميع البرامج ومو سأل اذا انحضروا او لا    

[Eng. Feras]

syrian lover,  ببساطة مشان نعيش بقلق مستمر
أما بالنسبة للبرنامج العظيم (Syria.Talk) الشغال عالشبكتين MTN & SYRIATEL
فهو للسررررررررررررقة العلنية
لأنو الترافيك فيه عاااااالي وبيسحب رصيد بشكل مخيف..
وإذا في حدا بيتدايق من عبارة (السرقة العلنية) أو بتنجرح مشاعرو
يا ريت يلاقي تفسير وأجوبة لأسئلتك..
يعني مو يكتفي بأنو يقول ما بيصير نقول سرقة ..
وبتمنى إذا حدا من الشركتييييييين بيجاوب ..
كرمال الله جاوبو مشان ما نفهمكم غلط يا MTN & SYRIATEL

والله مو حالة..

[Nastia]

سرقة علنية مو مخباية.. طبعاً هاد هو السبب وما في سبب تاني. أنا أحياناً بيشتغل معي ال sh واذا ما اشتغل بلاها هالدردشة أحسن ما خليهن يسرقوني..

بالنسبة لل 3G كأنو صاير عم يصرف كتير؟!! لأنو بس عم اتصفح مواقع وماعم حمل ملفات وال 1 غيغا بتكفيني بس نص شهر

[فارس]

Eng. Feras,  
يا ريت تكون بس سرقة ! و انما تجسس علني .. يعني كل حرف بينكتب عليه رح يتأرشف عندهم بسجلات خاص بكل ايميل ... بتلزم    

Nastia,  
كمان ما بستغرب انو ممكن يكونو عملو شي ببرنامجهم بخلي جهازك يرفع شي معلومات شخصية بخلفية الاتصال . بنصح بتنصيب أي برمامج مضاد فيروسات بس يكون من اصدار انترنت سيكيوريتي .. يعني مو بس مضاد فيروسات , مشان يكون فيه جدار ناري .
بالاضافة , رجعي تأكدي من التحديثات اتلقائية تبعيت الوندوز انها ما تكون شغالة و عم يحدث و يسحب من هالنت لأمور تافهة بالغالب .
بالإضافة , من إبدأ , بمكان البحث , اكتبي msconfig و انتر فورا . بتطلع نافذة اعدادات , التابين القبل الأخير و القبلو , هدول فيهم البرامج و الخدمات اللي بتشتغل مع إقلاع النظام . في كتير منها بكون هيك شغلتو , انو يحافظ ع تحديثات البرنامج من خلال التواصل مع موقع البرنامج الخاص فيه و ممكن كتير انو يسحب تحديثات و اكيد انو يبطئ الجهاز و اقلاعو كمان . بإمكانك هون تشيلي اشارة الصح من جنب كل برنامج ما بتعرفي شي هو و مافي اي مشكلة . شرط انو التاب اللي قبل قبل الأخير , فيه من تحت فوق زر موافق , في مكان بتحطي اشارة صح لاخفاء خدمات وندوز من القائمة , و ما يتبقى فهي كلها البرامج اللي منصبتيها ع جهازك بعد الفترمتة و تنصيب النظام , يعني الاستغناء عن انها تقلع مع اقلاع النظام ما رح يسبب أي مشكلة .
هلأ شو هي لكن البرامج اللي لازم نخليها تقلع مع اقلاع النظام ؟ و يضل جنبها اشارة صح ؟ أكيد أي خدمة بتتعلق ببرنامج مضان الفيروسات اللي عندك . متل انا عندي برنامج BitDefender هاد الو عدن خدمات بخليهم , ممكن السلايد بار تبعوت الوندوز , و ممكن الغاد غيتس تبعوتو كمان . يعني كمان كلشي مذكورة فيه كلمة وندوز يفضل تخليه . بس ممكن تلاقي مثلا أدوب أبديت , هاد أكيد ما لازم ! .. و الخ

بالتوفيق

[Nastia]

فارس,  

يا ريت تكون بس سرقة ! و انما تجسس علني .. يعني كل حرف بينكتب عليه رح يتأرشف عندهم بسجلات خاص بكل ايميل ... بتلزم

ايواااااااااااااااا.... اي الحمد لله ما استخدمتو لسا لهاد البرنامج... بعدين دخيلكن يتجسسو ليش نحنا شو عم نحكي

بالنسبة لهي الطريقة أنا رح جربها.. بتشبه طريقة برنامج Zone Alarm يلي ثبتو عندي ، هالبرنامج بخليك تحدد أي برنامج مسموحلو يتصل بالانترنت وأي برنامج منعملو بلوك، كتير ظريف وعملي وأنا محددة بس المتصفحات و برنامج الأنتي فايروس يتصل بالنت.... بس المشكلة يمكن بالفيس بوك يلي بياخد كتير بيانات .. لاحظت انو صفحات الفيسبوك بتصرف أكتر من غيرها مع انو بدون صور كمان   شو السبب انو الفيسبوك صريف لهالدرجة ماعم افهم

شكراً    

[NOOR TALEB]

فارس,  

أبو الفوارس كل يلي حكيتوا مزبوط بس في شغلة أهم وهي إنو السرقة عمتكون فقط وقت بيكون إعدادات المودم --- الشبكة ---- مثبتة على وضع WCDMA Prefered
وللاسف هادا هو الوضع الإفتراضي الخاص بمودمات سيريتل ، لذلك حتى نضمن إنو مارح يسرقونا أثناء تصفحنا للأنترنت ، لازم نغير إعدادت المودم قبل ما نستخدم الانترنت ، عن طريق الخطوات التالية : طبعا هالخطوات خاصة بمودمات سيريتل - هاواوي -:
من قائمة Tools
منختار Options
بعدين منحط Network
إفتراضيا بتكون WCDMA Prefered طبعا هي التقنية بتستخدم الانترنت عن طريق 3.5G
منعدلها على WCDMA Only وهيك بتصير عنا الانترنت عن طريق تقنية 3G فقط وبهالحالة ما بينسرق شي أثناء التصفح للأنترنت..

وطبعا كل ما بتشيل المودم من الكمبيوتر وترجع تحطوا بياخد الإعدادات الإفتراضية حتى لو كان ظاهر لئلنا عن طريق البرنامج إنو إعدادت WCDMA only  هي الشغالة لذلك لازم دائما نعدل الإعدادت قبل ما نفوت عالإنترنت ..

بتصير معي أحيانا إنو بنسى أعدل الإعدادات ، فبعرف هالشي آخر الجلسة وقت بكون بدي أقطع النت ، يعني من فترة قريبة بس لأنو فتحت إيميلي من دون ما أغير الإعدادات أخدوا بس 25 ميغا ، مع العلم إنو أكتر من 600 كيلو بايت ما لازم يروووح  

Nastia,  
طبعا جربي تعديل الإعدادت  وإنشاء الله بيمشي الحال ، وخبرينا شو بيصير معك  

تقبلوا تحياتي ودمتم بخير  

[Nastia]

NOOR TALEB,  
الحقيقة انو المودم عندي من الأصل الإعدادات فيه WCDMA Only وأصلاً غير مفعلة يعني مافيني غيرها !! مو شي غريب؟!  

[NOOR TALEB]

Nastia,  

إذا كان مودمك سيريتل من نوع هاواوي ، فالإعدادت نفسها تماما ، بس في شغلة لازم تعدلي الإعدادات قبل ما تتصلي عالأنترنت...

يعني في حال كنتي متصلة عالأنترنت ، مارح يطلعلك غير الضبط يلي مشتغلة عليه ، لذلك أول الشي لازم تقطعي الإتصال حتى يبين معك كافة أوضاع الشكبة يلي هنن:

GSM
WCDMA Only
WCDMA Prefered

[syrian lover]

سرقة علنية مو مخباية.. طبعاً هاد هو السبب وما في سبب تاني. أنا أحياناً بيشتغل معي ال sh واذا ما اشتغل بلاها هالدردشة أحسن ما خليهن يسرقوني..

بالنسبة لل 3G كأنو صاير عم يصرف كتير؟!! لأنو بس عم اتصفح مواقع وماعم حمل ملفات وال 1 غيغا بتكفيني بس نص شهر

اي فعلا باقل من نص شهر عم يصرف الباقه