حــــــلويــات العــيــــــد الآرتـينية...شارك معنا..^^

[Golden RoSe]

Mohammed,  

بركي سكرو محلات الحلويات والمطاعم و اطرينا نصير نطبخ    

اي تجارة ممكن تخسر إلا إذا كانت متخصصة بالأكل فـ ما تخاف ما رح يتسكرو المطاعم

شكرا لمرورك أخي الكريم

Mnoor,  أهلا وسهلا وشكرا لمرورك

[Golden RoSe]

اليوم رح نعمل برازق

أكيد مافي حدا ما بحبها  

المقادير:
4 كاسات طحين
كاسة سكر مطحون
كاسة زيت (ممكن نبدلها بسمنة لكن بالزيت بيطلع مقرمش وأطيب)
ظرف بيكم بودر, شوية مي للعجن

بيضة مخفوقة, ربع كيلو سمسم, فستق حلبي (اختياري)

نخلط البيكم بودر والسكر مع الطحين بعدين بنحط الزيت وبنفركو منيح بالطحين لحتى كل الطحين ياخد زيت,
بعدين بنضيف شوية مي ونعجن لحتى تتماسك

طبعا بنفرد العجينة ونقطعها بفنجان قهوة (حبات صغيرة احلى واطيب) بندهن القرص بالبيض المخفوق ونضيف الحبة ع السمسم, نضغطها منيح بالسمسم وممكن ع الجهة التانية نضغطها بالفستق الحلبي المبشور

بسيطة وسهلة وطيبة وصحتييين

[Golden RoSe]

اليوم عنا معمول

بالمناسبة اللي حواليه طريقة ناجحة للغريبة يعلمني لأن ولا مرة نجحت معي وكذا طريقة ع الفاضي  

مقادير المعول:

4 كاست طحين
كاسة سمنة
نص كاسة زيت
خميرة
شوية مي للجن

الحشور: تمر, جوز, فستق, تمر مع جوز او مع فستق حسب الرغبة, طبعا مع سكر مطحون
الطريقة بسيطة بنخلط المواد مع بعضها ونعجنها بالمي, بتتخمر ساعتين


المعمول مو بحاجة لنرش عليه سكر ناعم إذا حشيناه تمر
أما إذا مكسرات, بنرش عليه سكر ناعم اول ما نطالع الصينية من الفرن, ضرورييكون سخن

وصحتيييين

[عصام]

Golden RoSe,  
ارحمينا شوي حرام عليكي كلو طيييييييييب  
ماااااااااادخلني تصطفلي دبري راسك كل شي عم ينعمل وتنحط صورتو بدي صحن  

[Htaleb]

شووووووووهااااااااااااااااااااااااااااااااااددددددددددددددددددددد
واللللللللللللله نحنن محسودين على ارتين  
يعني افطارنااااااا بمطبخ ارتين
والتحلاية عند Golden RoSe,  
بدك تعذروني لاني مارح استنى للعيد
انا حصتي بدي ياها  شلون مابعرف
بالمناسبة انا بحملك مسؤولية وزني يلي عم يزيد
Golden RoSe,  
شكرا عالفكرة الحلوة/

[فــلـك]

Golden RoSe,  
يه يه...  

هلأ أول شي الله يعطيكي العافية يارب...  

وتاني شي...ياشيخة..طولي بالك علينا...يعني حبّة حبّة..  

مشان الكل يشارك...مارح يبقى شي على هالحالة...ماشاء الله عنك سبّاقة..

بالنسبة لطريقة صنع الغريبة:

المقادير:

2 كأس من  طحين
1كأس سمنة
تلت أرباع الكأس سكر مطحون..
فستق حلبي للزينة

الطريقة:
تخلط المقادير بشكل جيد جدا بحيث تصبح عجينة سهلة التشكيل..

نبدأ بتشكيل القطع..ونضعهم في اناء الخبز...ونزينهم بالفستق..

نضعهم في الفرن ولكن نحرص ان تكون درجة حرارة الفرن منخفضة نوعا ما..

وصحة وهنا سلفا..  

بس تعمليها عطيني رأيك وبدي سكبة...

[Ranaa]

هلق ما منا نخلص من شغلة الأكل اللي طلعتولي فيها هالسنة ع آرتين..
طبخ و بعدين جيتو عالحلو ...
الله يخليكي يا جولدن روز....كنتي خلي الشغلة لصباحية العيد و اعملي اللي بدك ياه و أنا كنت بساعدك كمان ... لأنو الحلو بالذات إذا ما داقو الواحد كل ما طلع من الفرن ما بيمشي حالو, صح ولا هأ  
يا ستي يسلمو و متاااااااااااااابعة بس بالأكل حالياً  

[Golden RoSe]

عصام,   Htaleb,   فــلـك,   Ranaa,   سعيدة بتواجدكم

بس تعمليها عطيني رأيك وبدي سكبة...  

هي طيبة طيبة, بس طلعت مقرمشة شوي   لأن الحبة راحت بالعرض شوي

مدري العلة بالفرن مدري باللي عم يعملها   , بس وراها وراها لتنجح معي وبأول فرصة رح جربها بفرن غير فرني

يسلمو كتييييييير عزيزتي, وبالنسبة للسرعة, حبيت شارككم باللي عملتو ومنو اللي عندو شي بيضيف لأن لابد يختلف لو تفصيل صغير, بعدين مشان يطلعو الوحدات حلال واستاهلهم  

كنتي خلي الشغلة لصباحية العيد و اعملي اللي بدك ياه و أنا كنت بساعدك كمان ... لأنو الحلو بالذات إذا ما داقو الواحد كل ما طلع من الفرن ما بيمشي حالو, صح ولا هأ  

والله صباحية العيد انا ما بشتغل شي, إذا بدك بوقف هلا وصباح العيد انتي بتعملي ونحنا بندوق  

كل شي عم ينعمل وتنحط صورتو بدي صحن

على حسابك

شووووووووهااااااااااااااااااااااااااااااااااددددددددددددددددددددد
واللللللللللللله نحنن محسودين على ارتين

هالحكي هلا بكرا بس يروح عمو رمضان ويتسكر المطبخ ونجي ع التعزيل الكل بدو يهرب  

أهلا بمروركم مرة جديدة