تعالوا نهلوس

[العقل زينة]

يا جماعة يلي بدكون تعملوه تشكوا همكون وتحكوا وتقولوا كل شي بيخطر ع بالكون

ع حد معلوماتي في نوع من ادوية التخدير بتخلي الواحد يقول كل يلي ببطنو من دون ما يحس

وهيدا يلي بدنا ياه بهالموضوع

ورح بلش انا

غريبة الدنيا...منضل عم ننطر شي وما بيجي...يمكن لأن نحنا أصلاً ما منعرف شو ناطرين... بتروح فرصة منقول سيدي معلش الجايات أكتر من الرايحات...من قليلة عجقة السير بالبلد...بعدين مين قال الجايات أكتر من الرايحات...على شو العالم طوابير قدام السفارات الأجنبية ...وعلى شو نص الشعب إذا مو أكتر صار إسمو" جالية سورية"...فضيت البلد ونحنا لسه منقول الجايات أكتر من الرايحات...الله يجيرنا من سكة اللي بيروح ما بيرجعش (ع قولة اخوانا المصاروة)

[Obada Arwany]

و الله لنصييييييييييييييف
يعني بالنسبة الي بفضل خلي همومي بقلبي مع اني ايام ما بقدر
بس بشوف ايام شغلات غريبة بالبشر ( و المقصود بالبشر الكل حتى يمكن انا )
ما بتسر .. و منتدايق مع انوا منعرف شو الحل بس ما مناخد فيه
و الأثباتات على حكيي كتييييرة

[Opeth]

بتصدقوا عند بعد و لا مرة انعجبت فيي المرأة  اللي بتعجبني و الاصعب من هيك دابقة فيني وحدي انا ما بطيقها اي قوم تعا شيلني ..........شو  ...بتعرف بس مع هالشي العقل زينة

[العقل زينة]

Opeth ممتاز هي الجملة لزياد ما رائعة
Obada Arwany نحنا مشكلتنا انو ماحدا بشوف حالو غلطان
شكرا" لكم للمرور

[ليليان]

رح قول اني  متضايقة كتير لانو  ماعم  بعرف ادرس يا اما ماعم بعرف منين  بدي  بلش والله  خايفة كتير  من هالسنة على  كل  حال بعين  الله

[سحر]

العقل زينة لا نفع العقل ولا نفع الجنون شو الي بينفع

[نرجس1]

وهاد يا سيدي وانا كنت عم حط العشى ......انكب الشاي على الغاز وامت عزلت .........هاد كلو منشان حضرتك

[عامر الرشواني]

الغوغاء عبت الدنيا و ما عدنا نعرف نخلص منها .. أحياناً بحس إنو أنا و إنت و إنتي كلنا عم نسبب هالغوغاء بسبب لا نمطيتنا و عدم انتمائنا لتفكير سليم ... ما بعرف بس داق خلقي من هالوضع و المشكل إنو كل ما بينفتح باب بيتسكروا عشرة مقابيله و الدنيا ماشية ما بتوقف عند حدا لذلك خايف إنو امشي على مشيها و بطل وقف عن أغلاطي و أغلاط الناس ...

[اللؤلؤة]

965 ليرة  القاموس الفرنسي
1000 بطاقة للموبايل
1150 ليرة الجزمة اللي شفتها بالسوق
650 جزدان الجينز
الكنزة الطويلة اللي ماشي حالها 1500 ليرة الله يخرب بيتن بس لو أعرف على شو
نظارتي الطبية 800 ليرة ما بينزل ولا فرنك
وأكبر المصايب 11 ألف معالج جديد

         

شو اعمل ؟

[العقل زينة]

هي الدنيا فيا عنجد شغلات الواحد ما بيفهما وفي مواقف بتصير بضحك وبتبكي