كيف كان نهارك اليوم ...وهل أنت راض عنه

عصام,
شكراً ع الاستفقادة

لك له

اذا اللي بعتتلي بالزمانات وصفة الاكلة الي ماعرفت اعلمها وبحب اكلها كتير ما استفقدتها مين بدي استفقد :wink:

بس مبارح فتت كتبت نئفة دين رد بيجنن
بعدين أرسلتو وما لقيتو
قمت و و
يعني من الآخر حردت وانجعزت وطلعت

اي بتستاهلي :evil:

كم مرة لازم نحكي وعيد انو تعملي نسخ قبل الارسال :evil:

نيالك
وينك .. ابقا بس يصير في هيك فعاليات حلوة خبرني يا زلمي..
مو تخلص وتحضر وتجي تحكي

روحي كذبك حلووووووووووووووووووووووو بكرا بالصالة الرياضية :mrgreen:

انا رايح

أما نهار حضرتي ,, تححفة :mrgreen:

فئت شبعان نوم < وهي أول يوم بفيق في شبعان نوم من أول ما داومنا

أكلت كم لئمة

بعدين كنست ومسحت هالغبرا < لا تقولوا الشباب ما بيشتغلوا :evil:

بعدا رحت تفرجت شوي على التليفيجين :mrgreen:

وجيت على الكمبيوتر شوي ,, ورجعت ع التيليفيجين ,,

رديت رجعت عالكمبيوتر ,, :mrgreen:

بعدين طلعت مع رفيئي عالحلاق ,, ظبطنا شعرنا ,, < وعالطريئ هراني حكي بالإنكلش :mrgreen:

, بالآخر صرنا نخبص

رجعت عالبيت ,, ظبطنا حالنا ,, كنا معزومين عند واحد من الشلة الخربانة :mrgreen:

ورحت لعندو ,, حشحشنا شوي,, إجا هالأكل ,, أكلنا خلصنا ,, وبلش يزئ فينا غصب عنا ,, أنا قلبت على ضهري

,, ولهلأ غاصص من اللئمة اللي دحشلي ياها مشان الصورة ,, وإجا هالكابشتينو ,, < وأهم شي الرغوة اللي عليه :mrgreen:

رجعنا كفينا تحشيش ,, ورحنا تمشينا شوي بالجو الجميل اللطيف الخفيف ,,

وعدت إلي البيت مفزوراً مبقوقاً منفجراً :mrgreen:

*ممم

هلأ فتت عالبيت وقلبي بايدي لا يكون ابي صاحي *خوف

نهاري الحمدلله متل العادة تركيض بتركيض :mrgreen:

بس وينن العالم :roll:

أوركيدا,
انشالله تكوني حضرتي بعدين حفلة ميادة :roll:

انا حضرتها وتاني نهار حضرت حفلة سميح شقير *sla

هي

الك
وهي

لهديك اللي بلا همزة :mrgreen:

شوفو من وين نكشتلكون هالموضوع

مو حرام هيك موضوع يروح ع الصفحة الرابعة :evil:

لنحكيلكون عن يومياتي وبما انو الدنيا لسا نهار وانا لساتني ماني نايم من مبارح فرح أحكي من مبارح

هاد أنا مبارح فقت تقريباص مع أدان المغرب صليت المغرب وقعدت عاللابلوب وبعد أدان العشي صليتو ورجعت قعدت ع الكمبيوتر وشي الساعة 8 حسيت حالي جوعان قمت ولأول مرة بالتاريخ عملت عشا على كيف كيفكون من لبنة وجبنة ومكدوس وشاي وخبز :mrgreen:

وأكلت حتى انتفخت وضربت بوري حشيش واذ بتيجي أختي وزوجا قامت عملتلنا فنجان قهوة وشربنا وراحو ع بيتون وأنا قعدت ع الكمبيوتر وما قمت إلا وهو يأدن الصبح توضيت ورحت صليتو بالجامع ورجعت ع الكمبيوتر ولحد هلأ أنا لساتني موجود
طبعاً وجودي ع الكمبروتر كان شوي مقاتلة مع الشبيحة وشوي نقاشات وشوي نت وشي 4 /5 منتديات وشي برمجة وهيك

طبعاً تلات أرباعو على أنغام الست وهي تغني أنت يا جنة حبي واشتياقي وجنوني

هاد كان يومي من مبارح لهلأ طبعاً أنا هلأ عندي نزلة ع السوق سمعت عن ديفيدي درايفرات كتير حلو صناعة روسية حابب روح جيبو

يلا فعلولنا هالموضوع يا شباب

ابراهيم محمد,

يلا فعلولنا هالموضوع يا شباب

حاضر أنا موافقة *sla

مو حرام هيك موضوع يروح ع الصفحة الرابعة

قصدك الصفحة 58 ..

بالنسبة والتناسب عن يومي رح احكي من مباااارح و انا جاي لليوم ..
مبارح فقت علقت الراديو سمعت برجي عالمدينة اف ام بعدا اطلعنا نسترزق :mrgreen:

جيت عالشغل طبعا فطرت منقوشة مع رفيقتي (زعتر و حر ) و كاسة شاي ... بعدا اشتغلنا و هيكي ... و دق جرس العودة ... نزلنا و لا لقينا ابن اختا لرفيقتي عم يستنانا قال بدن يوصلوني عالبيت بعدا اقترحو انو نروح عشارع خالد بالوعر دوبو الجو جميل و شاعري .... و فعلا أخدنا (عدة الأنس ) >>>شيبسات و عصير و بزر و ما الى ذلك ... و انشحطنا عشارع خالد مشينا و حكينا و اتضحكنا و استمتعنا بالجو الحلو .... طبعا انا بموت بشارع خالد بوقت العصريات لحد ما تغرب الشمس ... بعدا رحت عالبيت فورا نمت و نمت ونمت هيييييييييييييك للساعة 12 بالليل و بعدا السهرة اشتعلت ... شفت فيلم (IN HER SHOES ) و بعدا قعدت عالنت و حكيت مع صديقتي من ايام الابتدائي و هلئ هيي بغزة .. و بعدا قعدت رسمت ... و بعدا كان أدن القجر صليت و نمت و فقت و جيت عالشغل و رحت عسيرياتيل زبطت كم خدمة ... و شفت و انا راجعة قريبي ماشي مع خطيبتو

ولوو شو بشعة خطيبتو :mrgreen:

و هلئ بعد الدوام عندي درس مع طالب صف تالت

و بدي شوف رفيتي جايبتلا فلاشة موصيتني عليها ... و المسا عندي حفلة تخرج لرفيقتي ... و كمان ما بعرف شو آخدلا هدية

..........و بس *sla

Safa alaasi,

قصدك الصفحة 58 ..

أنا قصدي بالصفحة الرابعة من ورا يعني مو رقم الصفحة لأني رجعت أربع صفحات حتى لقيتو

ما شاء الله عن جد فكرة انو انتو باليوم بتعملو ألف شغلة وشغلة وشلون بكفيكن اليوم ما بعرف

لا يكون انتن اليوم عندكن أكتر من اليوم اللي عنا حاكم اليوم عنا 24 ساعة بس !!!

أنا بعد ما نزلت ع السوق ضليت هنيك أتفتل شي ساعتين ونص ورجعت ع البيت شبكت نت ولساتني شابك وعندي موضوع ترجمة بدو شهر ما بيخلص ولازم أخلصو اليوم قبل بكرا وكلو مصطلحات كمبيوترجية وانترنتاوية وتصميمية فحلوها اذا بتحلوها وااااااااااااااااااااااع

طبعاً ما تغديت لأني بدي حافظ على ريجيمي مشان يضل جسمي سنبتيك :arrow:

كذاب مو ملاقي شي ياكلو مشان هيك رح نام هلأ ويا روح ما بعدك روح
بلا ترجمة بلا بطيخ مبسمر .. اي الله يلعن الساعة اللي دخلت فيها عنجليزي :evil:

أسوء يوم مر علي بحياتي :evil:

من سنتين ما مر علي أسوأ وأمقت وأتقل من دم هاليوم ... الله يريحنا ويجي بكرا بسرعة

:!:

الرشح هلكني
3 أسابيع و ما وقف
يمكن لأني غيرت من بلد لبلد
هلق ان شاء الله تنجح و الله يوفقها
لأنها بتستاهل كل خير
و الله النوم سلطان
رح زيد ساعات النوم أحسن شي

اسواء يوم بحياتييييييييييييييييييييييييي *---