كتب تخص الأدب الانكليزي

[Portia]

بسم الله الرحمن الرحيم

السلام عليكم :

للحق من زمان حابة نزل هالموضوع , حابة شير انو عندي كتبي الخاصة بدراستنا بالادب الانكليزي

فيه كتب و روايات و تراجم هالروايات

فيلي  بدو اية كتاب او رواية , يخبرني , مشان يستعيرو او ياخدو

المهم ما يبقوا بدون إفادة

...........................................

[Mohammed]

شكرأ كتير ألك وأكيد في ناس رح تستفيد من شراء كتب وروايات الأدب
معلش أعذرو تقصيري حالياً  يفترض أنو يكون القسم منظم أكتر بس قريبا أنشالله رح يصير كلشي أسهل وأريح بالاستلام والتسليم ... قبل بداية السنة الجديدة أكيد

بس لو فيكي تذكري أسماء الكتب أو السنوات ازا كانو كاملين

[Portia]

السلام عليكم :

عندي من كل السنوات , كتب

اذا بدي اذكر تفاصيل , فكتير حياخد مني وقت

بس بتمنى اللي بدو او بيرغب بأي كتاب بس يذكرو و بإذن الله بحاول شوفو

يمكن كان عندي فكرة :

بتمنى يكون في مكتبة او مكان لتبادل الكتب

يعني كل شي عندي كتب بحطو بهل المكتبة و كذلك الأعضاء

فممكن يجي الطالب ياخد كتاب جامعي لمدة فصل او اكتر مدة دراستو ووقت ينجح بالمادة يرجع الكتاب حتى غيرو يستفاد

واذا ما رجعو , مسامح , وبكون في غيرو كتير , هي بالنسبة للكتب الجامعية

اما الكتب الثقافية الأخرى , ممكن نحط كتب قرأناها و أخدنا منها الفائدة , فكمان بنحطها بهل مكتبة مشان الغير يقرأها و بس ينتهي يرجعها

مشان غيرو ياخدها و يقرأها , وهكذا ...

و جزاكم الله خيراً

............

[a7mad alsibai]

خطوة مشكورة عليا أخت بورشيا ,, والله يجزيكي   ألف خير ...

[نور الدين]

إخت Portia أنا طرحت الفكرة من قبل لكن ما حسنت تابع الأمر بسبب ظروف خاصة أرجو إنك اتابعي الموضوع للآخر ولو تعبتي لأن الفكرة مفيدة كتير ورح يكون إلك فضل كبير.  

[Portia]

السلام عليكم :

a7mad alsibai

نور الدين

بتشكر مروركم و بتمنى ما يبقى هالموضوع مجرد فكرة و حكي

بس للأسف ما حدا طلب شي  

وما اجانا رد مشان الاقتراح


...............................

آخر تعديل بواسطة Portia في الاثنين أيار 10, 2010 8:50 ص، عدل 1 مرة

[Mohammed]

Portia

أول شي بتشكرك كتير مرة تانية ...

موضوع ذكر أسماء الكتب بيريحك ألك بالدرجة الأولى وبيبسط الأمور أكتر
لما حدا بدو كتاب بيلاقي قائمتك جاهزة فما عليه الا أنو يقلك وتتفقو عالسعر
أما أنو يطلب وينطر ردك رح تتعذبي انت وهو .. وتاخد الشغلة وقت أكتر
(اذا ممكن تذكري عناوين الكتب فقط .. بدون التفاصيل ......بيكون كتير منيح  و اذا  مشغولة  ...على مهلك  لسه في شوية  وقت لبداية السنة الجديدة )

مشان اقتراح المكتبة سبق وقلتلكن انشالله رح يتم الاتفاق مع مكتبة قريباً
اما فكرة الاعارة المؤقتة .. رائعة بس صعبة شوي (لأن مو كل الناس بتنجح من أول مرة اوتاني مرة  )  بس ازا في ناس حابين يتبرعو بالكتب بدون مقابل لمدة فصل واحد أو تنين أو حتى على طول .. أكيد مافي مانع أبداً وممكن عدد كبير يستفيد من الفكرة بدون مقابل وبيكون طلب هالكتب عن طريق المنتدى ومن الأخوة الأعضاء حصراً ..






ألف شكر للجميع
ولبورشيا على الطرح  

[Portia]

السلام عليكم:

عموماً كنا نتمنى إنشاء مكتبة , كالتي ذكرتها , لتبادل الكتب و المعارف و الثقافة

Wuthering Heights

Emily Bronte

الكتاب جديد , لدرجة انك ستعتقد انه الآن تم شراؤه ( حتى اسمي لم يدون )

عدد الصفحات 320

___________________

مرتفعات وذرنغ

ترجمة قسم الدراسات و الترجمة - دار الأنوار

يتبع الترجمة دراسة للشخصيات و مواضيع تخص الرواية بالانكليزية

الحالة : ممتاز

عدد الصفحات : 444

__________________________

...............................................................

[نور الدين]

portia

أنا شاكك من الأول أنو مارح حدا يطلب الكتب يلي عرضتيها لأني مريت بنفس التجربة. عموماً أنا بأيد فكرة وجود مركز لنحط فيه الكتب. يا ترى إنت عم بدوري على مكان؟ وياترى إذا طلبنا المساعدة من القائمين على المعارض في الكلية رح يساعدونا؟وبرد بقلك حاولي للآخر ولا تستسلمي

[Portia]

السلام عليكم :

 نور الدين:

اول شي أشكرك على متابعتك للموضوع  

و أشكرك على فتح الموضوع من جديد    

عموماً أنا بأيد فكرة وجود مركز لنحط فيه الكتب. يا ترى إنت عم بدوري على مكان؟ وياترى إذا طلبنا المساعدة من القائمين على المعارض في الكلية رح يساعدونا؟وبرد بقلك حاولي للآخر ولا تستسلمي

بصراحة هي فكرتي كمان و نتمنى من كل قلبي الشي اللي ذكرتو يتحقق

وهو مركز او مكان في الجامعة يكون مكتبة عامة , من كتب الطلبة و المتبرعين

دعنا نسميها ( مكتبة آرتين ) وتكون آرتين هي المشرف عليها و تتبع لإدارة آرتين

فرضاً :
علينا أن نجد مكاناً في الجامعة , في المكتبة أو غرفة من الغرف الكثيرة جداً المتواجدة في الكلية

و أكيد بدنا حدا يساعدنا لذلك أقترح على إدارة منتدى آرتين المساعدة في تحقيق هذه الفكرة

و ذلك بقيام فرد من الإدارة بالتفاوض مع إدارة الكلية لإيجاد مكان لهذه المكتبة , و تحقيق فكرة الطلبة في وجود مكتبة عامة يودعون فيها كتبهم الجامعية و الثقافية و فتح باب القراءة أمام الجميع و ذلك للارتقاء بفكر و أفق الطلبة

وعلى فرض :

وجدنا مكان قريب من المكتبة الرسمية في الكلية او حتى في داخلها

يتم جمع الكتب من المتبرعين و ترتيبهم , و نخصص على إدارة المكتبة متطوعين من أعضاء آرتين

يعني مثلاً : في عنا واحد حابب يقرأ , فبينزل على المكتبة و بيقعد فيها من الساعة كذا الى كذا , منها بيقرأ و منها بيعطي و بعير كتب للسائلين
بعدها بيجي حدا تاني متفضي للوقت اللي بعدو , وهاد الشي بنتفق عليه هون بالمنتدى

و بنتمى انو يكون المكان قريب  من المكتبة الرسمية , مشان القراءة ل يلي حابب يقرأ بالكلية

.......................

مكتبة آرتين :



لإعارة الكتب

هدفها مساعدة الطلاب بالكتب الدارسية و الجامعية
و تشجيع القراءة التي ترقى بعقول طلابنا
و تبادل الخبرات و الثقافات بين الزملاء
..................................................

نتمنى أن يتحقق الحلم , و بمعونة الإدارة

لذلك نرفع طلبنا إلى إدارة آرتين و المشرفين و الأعضاء لإبداء الرأي

   
.......................