×÷•.•´¯`•» كل ما تحتاج لمعرفته حول الماجستير في جامعة البعث «•´¯`•.•÷×

اتعذبو شوي انت ومحمد وحسو بهاللي بعاني منو بكل فصل ومع كل قرار جديد :mrgreen:

بس يالله كلو باجرو وثوابو :wink:

السلام عليكم :

Mohammed:

عاوزاك تركز معايا

هناك : ماستر تأهيل و تخصص و دبلوم تأهيل وتخصص

امتحانهم الكتابي يوم 15 أيلول عند الساعة 10 صباحاً

( طبعاً توزيع الطلبة و الأمكنة مجهول , لبعد العيد نجدهم في مكان ما إما بكلية العمارة او المدني )

السؤال :

شو حيجينا من الفحص ؟ اللي فهمتو شي الو علاقة بطرائق التدريس

يعني انتي نصحتنا بكتاب طرائق التدريس , سنة رابعة ( الغليييييظ

) ندرس منو - هالشي صحيح اللي فهمتو ؟

في سؤال تاني : شو بتنصح كمان ندرس و نحضر منو ؟؟

الفحص الشفهي : يومي 19 و 20 أيلول

عندك فكرة وين حيصير ؟ و كيف حيتم التوزيع ؟ واية ساعة ؟

اما الأسئلة حتكون ب English وشي الو علاقة بالتدريس و اختيار هالدراسة .

مزبوط ؟

في أية إضافات بتحب تزيد و تفيد ؟

مع خالص الشكر

.................

Portia,

عاوزاك تركز معايا

حاضر يا فندم *خوف

شو حيجينا من الفحص ؟ اللي فهمتو شي الو علاقة بطرائق التدريس

أنا حكيت عن تجربتي ... ما قلت أنو بدو يجي كذا أو كذا .. قواعد مية بالمية + مبادئ الطرائق الرئيسية .. هاد اللي عملتو أنا بالاضافة للمعلومات التراكمية السابقة ال ما بتندرس ولا فينا نقول بأي مجال محصورة وحكينا عن عدة شغلات أنا والشباب والصبايا متل علاء وشيما وكل واحد حكا الشي الي جربه

الفحص الشفهي
عندك فكرة وين حيصير ؟ و كيف حيتم التوزيع ؟ واية ساعة ؟

بيصير عادة بقاعات المعهد العالي من القاعة 3 للقاعة 8
كل قاعة بيكون موجود فيها دكتورين أو 3 بيعملو المقابلات
وبيتم تحديد من حرف كذا الى كذا يوم الأول .. والبقية اليوم التاني
وكل يوم بيتم فرز الأسماء وتوزيعن عالقاعات والدكاترة
والمقابلة متل ما حكيتي :wink:

مزبووووووووط

أي أوامر تانية
:mrgreen:

مية هلا فيك وانشالله بالتوفيق *ورود

السلام عليكم :

أي أوامر تانية

تشكر يا هندسة :mrgreen:

...............................................

بس :

مشان نقاشات الشباب و الصبايا , صار فيها دوخة أنو صار في خلط بين التحضير لفحص 20 أيلول المعياري وبين

فحوصات التأهيل و التخصص

حتى في البعض ما بئى يعرف عشو بدو يركز عالكتاب الأزرق تبع اللغة سنة تانية و لا كتاب الأزرق تبع طرائق التدريس :roll:

فحبذا لو شوي فرقنا بين شو اللي بفيد لفحص المعياري تبع 20 الشهر اللي بخص أهل الدراسات العليا ( أدبيات و لغويات )

واللي من المتوقع انو تكون أسئلتو على نمط فحص اللغة اللي صار من فترة , طبعاً من ناحية التشكيل بين لغويات و أسئلة أدبية

بس بإذن الله مو ناحية الصعوبة *خوف

و الفحص التاني هوي اللي بخص جماعة ماستر و دبلوم التأهيل و التخصص

واللي مغبشة شوي الصورة عنو , يعني التركيز حسب ما فهمت منك هلأ مو بس على طرائق التدريس وانما على اللغة كمان

بس بتخيل يعني بما يعكس انك فهمان لغة كويس تأهلك تدرس هالاختصاص in English

( حاسة حالي كرارة كتير ) :arrow:

السؤال هوي :

شو ندرس من هون للفحص ؟

بعتقد الجواب كل اللي ذكرتو

كيف زبطت معي سألت و جاوبت

بس ما صير متل رفرف وصير حاكي حالي

لأني شوي مدووخة, وعم حاول ركز

شكراً مرة تانية

.........................................

Portia,

س بتخيل يعني بما يعكس انك فهمان لغة كويس تأهلك تدرس هالاختصاص in English

( حاسة حالي كرارة كتير )

السؤال هوي :

شو ندرس من هون للفحص ؟

بعتقد الجواب كل اللي ذكرتو صورة

كيف زبطت معي سألت و جاوبت

بس ما صير متل رفرف وصير حاكي حالي

عم تتفرجي ع أبو جانتي معناها ..بالله جاوبتي وبعدين سألتي !! :mrgreen:

بس والله زعلتيني عليك *plz

يا جماعة الخير .. توكلو ع الله وحاج تحسبو شو بدو يصير وشو ممكن يصير
الي بدو يصير عليك بدو يصير ع كل الدفعة .. ومحدا أحسن من حدا *hh

والله ازا بتضلو هيك خايفين وعم تحسبو شو ممكن وشو ممكن محدا بينجح بالشفهي من الرعبة والخوف من احتمالات الأسئلة

ازا بدكن تقرو شي .. خلي يكون الهدف التقوية والفائدة العامة وانشااااااااااللللللللله الكل بينجح
لأن ازا بدنا نقول ونحدد الكتب الممكنة بدن 3 سنين ما منخلصن ومنفوت عالفحص متلبكين وخايفين

برأيي النهائي:

مافي داعي لكل هالتحضير
الشاطر والواثق من معلوماته رح ينجح

Portia,
طولي بالك و لا تلبكي حالك ... الأمر بسيط كتير و سهل

بالنسبة للامتحان التحريري للتأهيل و التخصص: كل مافي الأمر وحسب تجربتي السنة الماضية حاولي تعملي مراجعة للنقاط القواعدية اللي حاسة إنه لازم تراجعيها و تثبتيها منيح ... يعني لا تكتري مراجع وتدرسي شي مو لازم للامتحان وبالتالي تلبكي حالك ... مثلاً أنا اعتمدت على كتاب التوفل و تسليت فيه رمضان الماضي :mrgreen:

... بالإضافة لأسئلة الدورات لغير المختصين حلها بفيد كتير وكافي
السنة الماضية بالإضافة للأسئلة القواعدية إجى سؤال قواعد نظري و طرق استخدام علامات الترقيم ... في واحد متذكرته على هالنمط (اختيار الترقيم الصحيح للجملة)

1-My father always said, "Be careful what you wish for."
2-My father always said: "Be careful what you wish for."
3-My father always said "Be careful what you wish for."

وطبعاً كتير بتجي الاسئلة المتعلقة بالتمني و الزمن التام بأنواعه (كفانا الله شره) :mrgreen:

وبالنسبة للامتحان الشفهي الجو بين الطلاب بكون كتير حلو أهم من ستار أكاديمي :mrgreen:

الكل بكون مستنفر و عم ينتظروا اللي بيطلع بفارغ الصبر لحتى يسألوه: "شو سألوك؟" *خوف

وكل طالب هوي و حظه مافي اسئلة محددة ... بكون في لجنة من 3 دكاترة رايقين و حبابين ... بيسألوكي أسئلة مختلفة بالانكليزي

بتذكر طلبوا مني عرف عن نفسي, عن هواياتي, شو بعمل بأوقات فراغي, وليه بدي ادخل طرائق تدريس و شو بفيدني على اعتبار اني طالبة ترجمة
في زملاء انسألوا أسئلة مختلفة تماماً: ما صفات المدرس الناجح؟ كيف بتقدري تضبطي الصف؟ ... شو أكلتك المفضلة؟ أو كيف بتطبخ الأكلة الفلانية ؟ وبذكر سؤال طريف انسأل: "هل أنت مع مقولة أقرب طريق لقلب الرجل معدته" :mrgreen:

طبعاً الهدف من هالأسئلة معرفة مدى طلاقة الشخص باللغة و سلامتها ... مهما كان السؤال و الجواب :wink:

أهم شي تكوني واثقة من نفسك و بأكدلك انه مافي شي بخوف *اي

وإن شاء الله بكون الامتحان ميسر للجميع هالسنة

والحمد الله نجحت بالفحصين التحريري و الشفهي بس ماصار فرصة اني انقبل بسبب قلة المقاعد المخصصة لطلاب التعليم المفتوح ... مع هيك كله لخير أكيد وما بصير غير اللي كاتبه رب العالمين

بالتوفيق للجميع بالامتحان و تبقوا طمنونا

السلام عليكم :

Mohammed :

عم تتفرجي ع أبو جانتي معناها

اي والله تفرجت عليه

و زعلت انو خلص , لح نشتئلو لابو جانتي هوي و ابو ليلى و كلن *plz

, و آخر حلقة كانت جزينة بعد ما اكلت اتلة عواطف و بدن يجوزوها غصب

من واحد شغيل بس مشكلتو تشتوش و ابو طرطور :cry:

......زعلت عليها و على ابوجانتي اللي خسر شغلو , شكلو اكيد في جزء تاني

................................................

مافي داعي لكل هالتحضير
الشاطر والواثق من معلوماته رح ينجح

ان شاء الله يا رب , بس القصة صارت انو فحص لغة عمل متل ردة فعل كسرتنا شوي و شككتنا بمقدرتنا

عكلن الحمد لله , وما توفيقنا إلا بالله

وشكراً كتير محمد عالنصائح

......................................................................................

عبير :

بالنسبة للامتحان التحريري للتأهيل و التخصص: كل مافي الأمر وحسب تجربتي السنة الماضية حاولي تعملي مراجعة للنقاط القواعدية اللي حاسة إنه لازم تراجعيها و تثبتيها منيح ... يعني لا تكتري مراجع وتدرسي شي مو لازم للامتحان وبالتالي تلبكي حالك ...

هي هون النقطة , يعني شو نقرأ ؟؟ شو نراجع , هي النقاط القواعدية وين مثلاً بدها اعملها مراجعة سريعة

يعني كتاب قواعد كامل صعب , بس بدنا نحاول نلائي شوية مصادر سريعة المراجعة

بالإضافة لأسئلة الدورات لغير المختصين حلها بفيد كتير وكافي

قصدك فحص اللغة لغير المختصين ؟ هو اطلعنا عليهم يعني سهلين , بس ما يكون في مفاجآت

اما أسئلة دورات سابقة لهاد الامتحان فما لئينا

إجى سؤال قواعد نظري و طرق استخدام علامات الترقيم ... في واحد متذكرته على هالنمط (اختيار الترقيم الصحيح للجملة)

2-My father always said: "Be careful what you wish for."

بعتقد انو التانية هي الصح :roll:

ما دام فيه كوتشين ماركس ف نقطتين بيزبطو

وطبعاً كتير بتجي الاسئلة المتعلقة بالتمني و الزمن التام بأنواعه

يعني Wish واخواتا *ممم

وبالنسبة للامتحان الشفهي الجو بين الطلاب بكون كتير حلو أهم من ستار أكاديمي الكل بكون مستنفر و عم ينتظروا اللي بيطلع بفارغ الصبر لحتى يسألوه: "شو سألوك؟" وكل طالب هوي و حظه مافي اسئلة محددة ... بكون في لجنة من 3 دكاترة رايقين و حبابين ... بيسألوكي أسئلة مختلفة بالانكليزي

حلو

هنجرب جو الستار الاكاديمي اذا الله راد , يعني نحضرحالنا للإثارة :wink:

طبعاً الهدف من هالأسئلة معرفة مدى طلاقة الشخص باللغة و سلامتها ... مهما كان السؤال و الجواب

ايوه

أهم شي تكوني واثقة من نفسك و بأكدلك انه مافي شي بخوف وإن شاء الله بكون الامتحان ميسر للجميع هالسنة

ان شاء الله , وشكراً

كتير

عبير على النصائح , عنجد حطتينا بالجو

والحمد الله نجحت بالفحصين التحريري و الشفهي ... مع هيك كله لخير أكيد وما بصير غير اللي كاتبه رب العالمين

بإذن الله دايماً رب العالمين بخترلك الخير وين ما كنتي ووين ما رحتي

محمد

عبير

شكراً جزيلاً

و بالتوفيق للجميع

واللي عندو شي يساعد او شي بيدعم مشان الامتحان , بنتمنى ما يبخل علينا

................................

Portia,
السلام عليكم ... كيف الهمة؟ يلا يومين وبصير موعد الامتحان *sla

1-My father always said, "Be careful what you wish for."
2-My father always said: "Be careful what you wish for."
3-My father always said "Be careful what you wish for."

الترقيم الصحيح هوي الجملة رقم 1 ... لو بتحبي ترجعي للقاعدة بتلاقيها بصفحة 251 بكتاب القواعد الأزرق
برأيي أسرع طريقة للمراجعة تحلي أسئلة دورات اللغة لغير المختصين أو حتى ممكن تحلي اختبارات تحديد المستوى اللي على النت متل:http://www.englishjet.com/english_courses_files/test_level.asp ... وأي نقطة أثناء الحل لقيتي حالك شاكة فيها ترجعي لكتاب القواعد و تتأكدي منها ... لأن متل ما قلتي صعب تراجعي كتاب القواعد كامل بدون تطبيق

بالتوفيق إن شاء الله

السلام عليكم :

عبير :

شكراً على متابعتك معنا و على مل اللي قدمتيه

و خصوصي اللينك كتير ظريف و بيساعد على انو نعمل تست لمعلوماتنا باللغة

ومتل ما شفتي تأجل الامتحان لأجل غير معلوم :roll:

بس الا ما يبين اليوم او بكرا *ممم

شكراً جزيلاً

.....................................

السلام عليكم :

مشان الكتاب الأزرق

اللي مادرسوا

هوي 24 تشابترز مع الAppendix

بيتقسموا : قراءة و تحضير 6 تشابترز كل يوم ابتداء من بكرا الخميس ليوم الأحد

و الفحص الاثنين

وان شاء الله بتخلصوهم عالفحص و بنكون جميعاً من الناجحين

..............