صرنا على أبواب الحياة العملية .. هنا نناقش مستقبلنا الحقيقي ونتبادل خبراتنا في مجال التدريس .
إضافة رد

صدور نتائج امتحانات فحص اللغة للقيد بالماجستير

السبت آب 28, 2010 5:46 م

أيوااااا.....
يسلّم إيديك  Mohammed,   عنجد شرح مفصل وواضح عن ال ELT Master . الصراحة كان عننا مادة بالسنة الرابعة إسمها Teaching Methods يعني حسب شرحك حسيت أننو هالتخصص بيشبها بس أكيد بشكل أوسع و أشمل بأضعاف.
و شو رأيك بماجستير اللغويات. عندك عننو أي فكرة؟؟ :idea:

صدور نتائج امتحانات فحص اللغة للقيد بالماجستير

السبت آب 28, 2010 6:46 م

Mohammed
كنت ناوي إذا ما طلعلي لغويات أدرس ماستر ELT
بس قالولي بالتربية إني إذا سجلت فيه وتعينت مدرسة بالرقة مثلاً
مابينقلوني على حمص بس أهل اللغويات و الأدبيات هنن اللي بينقلون
بقا صحيح هالحكي ولا لاء لأنو حسيت الموظفة مانا متأكدة
وسؤال تاني لا تواخذني عم اتغالظ عليك
هلأ إذا درست دبلوم ELT وبعدين سجلت الماستر تبعو
بيحطوني بالسنة التانية ولا ببلش من الأول

صدور نتائج امتحانات فحص اللغة للقيد بالماجستير

السبت آب 28, 2010 6:56 م

القرار لسه ما طلع .. بس انشالله موعودين بالنقل لأن الدوام أجباري ومستحيل خلونا نقدم عالمسابقة ونجحنا فيها واخر شي ما بيحقلنا ندرس لأن بدنا نحقق نسبة الدوام
حالياً لسه ما صدر القرار وناطرينه بأقرب وقت

اذا درستي دبلوم تخصص .. بيحقلك تقدمي بعدو عالماستر بس ازا انقبلتي بدك تداومي مستجدة مو سنة تانية .. يعني شهادتين منفصلتين بدل وحدة مع أنه نفس المنهاج تقريباً  لكن في الماستر موسع أكتر والمدة سنتين فقط

أي فرع جديد ممكن يخاف منه الواحد بالبداية لكن غالباً بتكون مفاجآته ايجابية
والقرارات بتكون داعمه اله .. والا ما كانو افتتحو الفرع من البداية

ولا يهمك تكرم عينك ..

صدور نتائج امتحانات فحص اللغة للقيد بالماجستير

السبت آب 28, 2010 7:01 م

sukalta,  

تماماً هو الاختصاص بمادة طرائق التدريس أو  Teaching Methods
مفصل ومتعمق بهاد المجال فقط .. يعني مافي لا انشاء ولا قواعد ولا صوتيات ولا روايات ولا مسرحيات


اللغويات .. فرع رائع وانا بلاقيه أحلا من الادبيات
لكن سمعت اشاعة أنو ممكن يتوقف بحمص  لعدم اكتمال الكادر التدريسي
ان شاء الله ما يكون الكلام مزبوط

بس  هو مختص بعلم اللغة ... من اسمو
وازا الشباب اللي عم يدرسو هالاختصاص بيعطونا تفاصيل بيكون أفضل
لأن ما عندي فكرة واضحة

صدور نتائج امتحانات فحص اللغة للقيد بالماجستير

الأحد آب 29, 2010 12:30 ص

Mohammed,  
الله يجزيك الخير عني وعن كل اللي ساعدتهم بهالمحنة

صدور نتائج امتحانات فحص اللغة للقيد بالماجستير

الأحد آب 29, 2010 3:59 م

شكراً  Mohammed,  و بتمنى عننا بالاذقية ما يصعبوا شروطوا هالسنة لأننو شكلها غير كل السنين اللي مضت من ناحية امتحان إيلول اللي عليه 50% و للمعدل بس 50%. يعني الصراحة صار صعب يطلع للواحد ماجستير لغويات بهل الأيام.

صدور نتائج امتحانات فحص اللغة للقيد بالماجستير

الأحد آب 29, 2010 4:27 م

انشالله يبطلو عادة الشروط التعجيزية بالدراسات ..  :roll:
تقول الهن تار عند هالبشر !!  *ممم

اليوم رح ينزل موضوع عن ماجستير التخصص بالتفصيل
ويا ريت لو حدا من الي عندو اطلاع عن اللغويات  ينزل موضوع أو رد بهالخصوص
أما من ناحية الادبيات  
Ala al-Ibraheem
رح يعطينا فكرة عنو  مزبوط علاء ؟؟ :wink:

صدور نتائج امتحانات فحص اللغة للقيد بالماجستير

الأحد آب 29, 2010 7:12 م

Mohammed,  
أما من ناحية الادبيات  
Ala al-Ibraheem
رح يعطينا فكرة عنو  مزبوط علاء ؟؟  

أنا لها .. بحط رد بموضوعك و هيك فيك تعملو شامل عن الماجستير بكل أنواعو ..  :wink:
*1

صدور نتائج امتحانات فحص اللغة للقيد بالماجستير

الأحد آب 29, 2010 9:06 م

شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا  :oops:  :oops:  :oops:  :oops:

صدور نتائج امتحانات فحص اللغة للقيد بالماجستير

الأحد آب 29, 2010 9:16 م

و يا ريت ما حدا ينسانا اللغويات بالله عليكن

و اللي راح قدم ع المفاضلة .. يحكينا شو الخطوات مشان ما نتخربط بس نروح

بالمناسبة نجحت اليوم بامتحان اللغة بالشام و للاسف جبت بس 75
إضافة رد