صرنا على أبواب الحياة العملية .. هنا نناقش مستقبلنا الحقيقي ونتبادل خبراتنا في مجال التدريس .
إضافة رد

صدور نتائج امتحانات فحص اللغة للقيد بالماجستير

الجمعة آب 27, 2010 3:38 م

السلام عليكم :

انت قدمي عالمفاضلة

وهنن بيخبروكي عالخطوات اللي بعدها مشان هاد الامتحان

وكيف بتسجلي فيه

ولا كتير تعتلي هم

الله ييسر

...................

صدور نتائج امتحانات فحص اللغة للقيد بالماجستير

الجمعة آب 27, 2010 3:51 م

هدى,  
مبرووووووووك


Desperado,  
*hh  لكن لكن  :mrgreen:
كل جامعة متميزة بأشياء وفيها مشاكل  شي أكيد
انشالله بتنجح

pure rose,  
يا حرام عليكي .. بتضحي باللغويات مشان التربية والأوقاف

أول شي مبروك X  3
تاني شي .. اللي بينقبل بالماجستير ما بتروح عليه الوظيفة
قدمي عالماستر وازا انقبلتي بتحصلي ع "ندب" أو (نقل مؤقت) من وزارة التربية أو الأوقاف لتكملي دراستك العليا  وانت مازلتي موظفة وراتبك ماشي  وهالشي أنا متأكد منه وكمان شغلة
اللي بيكمل دراستو بينتقل مؤقتا ع محافظته لبين ما يخلص  وممكن يتوظف اداري يومين بالاسبوع أو ينعفى من الدوام

مين قال ما بيحق تدرسي شي تاني !!!!
فيكي تدرسي اللي بدك ياه المهم مو سوا بنفس الوقت ..
قررت أدرس بعدو دبلوم تأهيل تربوي لأنو هو الوحيد اللي بيعترفو عليه بمجال التريس سواء بالمدارس الحكومية أو الخاصة

مو مزبوط !!  وقت بتاخدي ماستر  .. أي مدرسة خاصة بتتمنى تدرسي فيها والحكومية الك أولوية ع كل الخريجين العاديين  .. التأهيل بيفيد وقت بتقدمي للمسابقة لأن بينحسب معدله بدل معدل الجامعة .. وغالبا بيكون عالي
بس طالما نجحتي ما بقى يأثر كتير

لا تتخلو عن اللغويات أو الأدبيات  مشان التأهيل مشان ما تندمو وقت بتشوفو أنو كل الشعب صار معو دبلوم تأهيل !!  

Nastia,  
أنا الحمد لله نجحت بس يا ترى أي فحص بتنحسب علامتو وبينضاف للمعدل هاد ولا التاني يلي رح يصير بأيلول؟؟ جاوبوني رجاءا

 كمان ألف مبروك  !

هاد الامتحان بيهم ناجح وغير ناجح . . وللتخصص بياخدو علامته مع علامة الشفهي  ومعدل التخرج
اما التاني بأيلول هو اللي بياخدو  علامته (نسبة) للغويات والادبيات  


ماشالله كل الناجحين الآرتينيين صبايا .. شو مشان الشباب :mrgreen:  


*ورود

نتائج امتحان اللغة الاجنبية الخاص للقيد في درجة الماجستير

الجمعة آب 27, 2010 4:00 م

Portia,  
صلي على النبي أختي
أنامعك أنو عدد الطلاب المسموح الن يكفو دراسات قليل وهدا بيحطم طموحات كتير عالم
بس إذا اجيتي لأرض الواقع وتعينتي بمدرسة (وبظن هاد مصير أكترنا)بتلاقي أنو هي الدراسات ما بيعترفو عليها قد دبلوم التأهيل التربوي (هاد اللي ما عاجبنا) واللي بيقبلو فيه عدد معقول من الطلاب
بقا لا تزعلي لأنو ما طلعلك لأنو كلو خير
*1

صدور نتائج امتحانات فحص اللغة للقيد بالماجستير

الجمعة آب 27, 2010 4:28 م

Mohammed,  
الله يبارك فيك اخي  
مو مزبوط !!  وقت بتاخدي ماستر  .. أي مدرسة خاصة بتتمنى تدرسي فيها

أنا حكيت هيك لأنو وقت قدمت وراقي بمدرسة خاصة كبيرة بحمص و لها اسم قالتلي المديرة انن  بيعترفو عالدبلوم االتربوي بس لأنو هو اللي بفيد بالتدريس
ولما قلتلا معناتا رح أدرس ماستر ELTقالتلي أنها ما بتعرفو :shock:

مين قال ما بيحق تدرسي شي تاني !!!!
فيكي تدرسي اللي بدك ياه المهم مو سوا بنفس الوقت ..
اقتباس:

الله يجزيك ألف خير على التوضيح
أنا فهمت بالأول أنو بحق لنا التقدم للمفاضلة مرة واحدة بكل العمر
الله يفرج عنك كربات بالدنيا والأخرة متل ما ساعدتني

صدور نتائج امتحانات فحص اللغة للقيد بالماجستير

الجمعة آب 27, 2010 4:30 م

ياخ نزل الرد بموضوع تاني
يللا كل الطرق تؤدي إلى روما

صدور نتائج امتحانات فحص اللغة للقيد بالماجستير

الجمعة آب 27, 2010 4:49 م

Mohammed,  
يعني بس ممكن التوضيح بخصوص طريقة حسابات القبول
قصدب بدي أعرف الامتحان هاد اللي نجحنا في تبع اللغة > علامتوا مهمة و لا لأ.
و امتحان إيلول تخصصي مو...... :?:  يعني اللي بدو أدبيات بيسألو عن الأدبيات و اللي بدو لغويات بيسألو لغويات.
و آخر سؤال في مقابلة شفهية ولا بس الامتحان الكتابي اللي بأيلول.  :?:  :!:

صدور نتائج امتحانات فحص اللغة للقيد بالماجستير

الجمعة آب 27, 2010 5:17 م

الله يبارك فيكن جميعاً
ومبروك للناجحين *1
واللي ما نجحو كلو لخير، الأسئلة فعلاً كانت ما طبيعية  :?

أنا متفاجئة بامتحان الأتمتة اللي رح يصير بعد التقديم ع المفاضلة ، يعني حتى بشروط المفاضلة ما جايبين سيرتو.
ع كلٍ ببقى بسأل وبردلكن خبر *1

صدور نتائج امتحانات فحص اللغة للقيد بالماجستير

السبت آب 28, 2010 3:02 م

pure rose,  
ولما قلتلا معناتا رح أدرس ماستر ELTقالتلي أنها ما بتعرفو :shock:

الفرع جديد .. صرلو سنتين بسوريا
وهو اختصاص بطرائق التدريس تحديداً ... ما في شي تاني غير هالمجال ..
أكتر فرع متخصص بالتدريس حالياً

أنا فهمت بالأول أنو بحق لنا التقدم للمفاضلة مرة واحدة بكل العمر

 ممكن تدرسي دبلوم تخصص وبعدو دبلوم تأهيل وبعدو ماجستير تخصص
بس بقلك من هلأ ازا درستي فرع بالانكليزي ما بيعود يعجبك التأهيل .. أو بالاحرى مابيعود يلزمك لأن نفس المجال بس بالعربي ومخفف

ياخ نزل الرد بموضوع تاني

 :mrgreen:  لأن دمجت موضوع غانم .. وهدى بموضوع واحد بما أنن نفس العنوان والمحتوى ..

sukalta,  
هاد الامتحان علامته مهمة بماجستير التخصص (معدل التخرج _ الامتحان الكتابي _ الامتحان الشفهي ) بيجمعو ال3 وبيقبلو الأعلى
لغير اختصاصات ما بتهم العلامة (حسب السنة الماضية)
امتحان ايلول .. يفترض تخصصي بس مو مبين لأن أول مرة ومتل العادة ضايعة الطاسة
بس مافي بعدو شفهي (للغويات والأدبيات)

صدور نتائج امتحانات فحص اللغة للقيد بالماجستير

السبت آب 28, 2010 4:14 م

شكراً كتير على التوضيح  Mohammed,  .
بس ممكن تشرحلي كيف يعني ماجستير تخصص. يعني الصراحة أول مرة بسمع في منك.........  *ممم   يعني شو في تخصصات هاد..... هلق أنا ما بعرفو يمكن لأننو بجامعة تشرين ما في غير الأدبيات و اللغويات و دبلوم الترجمة و التعريب.
وهلق أنا عندي فكرة عن الأدبيات و اللغويات لأننو بدي لغويات. يعني أنا ما بتنجمع علامتي بامتحان اللغة المضي مع شي حسب ما قلتلي مو هيك.؟

صدور نتائج امتحانات فحص اللغة للقيد بالماجستير

السبت آب 28, 2010 4:53 م

ماجستير التخصص
ELT  :  English Language Teaching

الفرع بيحكي عن تدريس اللغة الانكليزية بكل تفاصيل واساليب ممكنة ونظريات بهالمجال
نظري وعملي

النظري :
مواد تناقش كيفية تدريس وتقوية المهارات اللغوية (قراءة كتابة .. ) .. اللغويات النفسية والاجتماعية .. تدريس اللغة لأهداف تخصصية (سفر او دراسة ) تقييم الطلاب .. التعامل مع الانماط المختلفة من الحصص

العملي : بتتضمن Assignments على نمط حلقات البحث لكن بشكل احترافي وموسع أكثر
و دروس بالمدارس (اعطاء وتقييم الزملاء مدرسين ) للاستفادة  وتطبيق القسم  النظري


الدوام اجباري .. 90% نسبة دوام
العملي 40
النظري  60

الامتحانات كتابية وليست مؤتمتة .. فصلية .. متل نظام الجامعة
المادة الراسبة يمكن تقديمها الفصل التالي  وليس السنة القادمة

يوجد دورة تكميلية في السنة الثانية

يختلف عن نظام الادبيات بنقطتين :
نظام مواد فقط  ولا يوجد رسالة بل مشروع تخرج
المادة التي ترسب لا تجبرك على الانتظار سنة بل يمكنك تقديمها عدة مرات
إضافة رد