أسماء الناجحين في الامتحان التحريري 7\8\2010 _ وزارة الأوقاف السورية

[دمشقية]

بشكركم من كل قلبي محمد وpure rose

الله يسمع منكم وتسير الامور متل ما قلتو ، بظن الشروط التانية محققة عندي بالنسبة لعلامتي والمظهر المناسب كمدرسة ، متوكلة على رب العالمين

وانشاء الله ما مناكل عليكم الحلوان يا جماعة

[REMEMBER ME]

الله يوفق الجميع و انشا الله منعرف نتائج المقابلة
في القريب العاجل
شو مشان مسابقة الخارجية يا جماعة انشا الله قدمتوا و قبلتوا
الشكرللجميع *Hi

[دمشقية]

السلام عليكم جميعا وكل عام وانتم بخير

بتمنى منكم انو تعطوني خبر لما بيبلش الامن يسأل عن المتقدمين للمسابقة ، لأن متل ما بتعرفو هنين بيسألو عن الناجحين بالفحص الشفهي ، وبتوقع انو يبلشو يسألو آخر هاد الشهر او ببداية الشهر الجاية ، يعني بعد مرور شهر تقريبا على الفحص الشفهي ، متل ما صار بمسابقة التربية .
الله يوفق الجميع وسامحوني عم عذبكم معي

[Mohammed]

REMEMBER ME,  
والله اللي بعرفهن يا اما ما نجحو أو وصلو عالخارجية ورجعو لما شافو الزحمة
او متلي كانو بدن يسجلو قام طلع ناقصن ورقة بآخر يوم مانها مذكورة بالموقع واسمها :
"سوري من خمس سنوات " !!!!    

يمكن في أعضاء انقبلو بس ما خبرونا مشان التحلاية  


دمشقية,  
سألو من زمان وخلصو دراسة عن المتقدمين !

أهلا وسهلا بك

[دمشقية]

[size=150]الامن سأل عن المتقدمين   ؟؟؟ وين بانو محافظة وايمتى ؟؟   ما الدنيا كانت عيد والمقابلات خلصت قبل العيد بكم يوم !!!!!!

معقولة هالسرعة الصاروخية ؟؟؟ مافي بالعادة !!!

لتكون عم تمزح معي محمد وحابب تشتغل فيني  والله ما صدقت ايمتى ركنت  

اذا هالكلام صح راحت علينا   ، الله لايقدر

بيور روز انتي سالو عنك شي بعد المقابلة الشفهية ؟؟؟

افيدونا افادكم الله   [/size]

[أسير الصمت]

دمشقية صديقنا عم يحكي عن مسابقة الخارجية وليس مسابقة الأوقاف    لا تخافي لسه ما حدا سأل عنا وانشالله بيسألوا يارب

[دمشقية]

يسلمو اسير الصمت الله يطمنك ويهدي بالك

من كل قلبي كتر خيرك يارب  

[الحسام]

السلام عليكم ورحمة الله وبركاته كيف احصل على اسماء الناجحين في الامتحان التحريري

[دمشقية]

اخي الحسام

السلام عليكم

كانت الاسماء منشورة على موقع وزارة الاوقاف بس من عدة ايام ما عادالدخول على اسماء الناجحين مفعل .
مابعرف اذا في حدا من الشباب عندو طريقة تانية
بالتوفيق انشاء الله

[bazo]

تشكررراااات