القبض على أكثر من 10 مصطلحات مندسة

[فارس]

سليمان231,  
في زر للتبليغ عن المشاركات المخالفة ... جربو

[نور الدين]

ياجماعة أرجوكن... أنا من البداية قلتلكن الموضوع جدي مشان ما يبتعد المشاركين لبعيد

وما بعرف إذا بتوافقوني على طرح أفكاركن على الشكل التالي

1-المشروبات الروحية      التسمية الصحيحة      خمر/منكر (رجس)
2- أفلام رومنسية           التسمية الصحيحة      أفلام إباحية
3- العلمانية                   التسمية الصحيحة      طمس فضائل الشرائع
4- حوار                        التسمية الصحيحة      (جكي فاضي) لإضاعة الحقيقة

ومشان فكرة  قاسم عيسى,  إنو الإرهاب هو الاستخبارات الأمريكية ففي شيء من الصحة بس ما بظن ممكن نختزل المصطلح بهالمعنى الضيق
ممكن تقترحوا معاني أوضح وأشمل لهالمصطلح؟؟

ندمت لأني شاركت بالموضوع

 سليمان231,  أرجو إنك تتحملنا وما تاخد على خاطرك منا وتضل تشاركنا

[سليمان عمر]

أخي العزيز نور الدين تحية الك
الموضوع مو انو اتحملكن أو لأ لأنو انتو بالقلب وانتو متل الورود بتنحطوا عالراس والعين
وأنا ما أخدت على خاطري منكن بالعكس أخي الكريم أنا بمنتدى أرتين قضيت أطول فترة ممكن أقضيها بالمنتديات لأنو حبيت المنتدى وأعضاء المنتدى والمشرفين والكل وعنجد في شي مختلف بأرتين مو موجود بغير منتديات,وأنا موجود معكن حتى تقولولي ملينا منك
الموضوع انو تم استغلال موضوعك وصار في اشخاص يدخلوا الموضوع ويحكوا كلام فاضي وغير مناسب وتم حذف مشاركاتهن
أرجو انو تكون فكرتي وصلت صح وتحياتي الك ولكل شخص موجود بمنتدى أرتين
تقبلوا تحياتي وفائق حبي وتقديري  

[فــلـك]

نور الدين,  

4- حوار                        التسمية الصحيحة      (حكي فاضي) لإضاعة الحقيقة

أنا مو مع هالتسمية..
ايمت كان الحوار حكي فاضي؟
الحوار اساس كل شي... هوي وسية للاقناع... أساس التفاهم والتطوير بكل المجالات.. سواء كانت مهنية او نفسية او علمية او  حتى دينية..
هاد رأيي...

تقبل مروري..  

[نور الدين]

أنا مو مع هالتسمية

عندي نفس الشعور بس شو ممكن نسمي خروج شخصية هامشية ويمكن غير خلوقة وبتحكي بأمور بدها علماء يناقشوها؟
فــلـك,  

 سليمان231,  
 

[فــلـك]

نور الدين,  

شو ممكن نسمي خروج شخصية هامشية ويمكن غير خلوقة وبتحكي بأمور بدها علماء يناقشوها؟

بظن منسمي هالشي جهل..
وهالانسان جاهل..
والحوار مع هيك شخصية مالو داعي أبدا... يحكي قد ما بدوا..

تقبل مروري..
وشكرا لحوارك اللطيف..  

[فــلـك]

..................

آخر تعديل بواسطة فــلـك في الأربعاء تموز 27, 2011 5:27 م، عدل 1 مرة
السبب: مخالفة قوانين المنتدى

[فــلـك]

الموضوع للتحدث عن مصطلحات مندسة,و ليس لمحاولة تعريف بعض المصطلحات(المعرفة عالمياً) حسب الرأي الشخصي لكل منّا.
هناك مصطلحات واضحة وتعريفها واضح و معروف, وغير مطلوب منا تعريفها والابداع في ذلك.  

المــوضـــــــــــــــــــــــوع مـغلـــــــــــــــــــــــــق..