السلام عليكم :

تم تحميل document

شكراً .

...................

نشالله تعجبكون

السلام عليكم :

 
Hello Frank

بصراحة صرلي أكتر من شهر مخلصة قراءة هالرواية , اللي وضعتها ضمن خانة " إبداع طالب " , ومن شهر بدي اكتب تعليق ,عاليوم وبكرا , وكل ما ادخل التهي بشغلات تانية و تبرد الهمة , لأن اللي بدي اكتبو كتير

الشي اللي بحب اذكرو , اني كنت اتذكرك بالمحاضرات و انت عم تقرأ الرواية بالانجليزية ,بوقت البريك ,  حتى اني في مرة قربت مشان اتأكد " انو عنجد عم يقرأ الرواية بالانجليزي " ....هالشي يمكن كان حافز اضافي النا انو ناخد امر دراستنا بالانجليزية بجدية

مشان هيك ما استغربت انو قدرت تألف رواية بالانجليزي  

الرواية طبعاً طبعتا عورق حتى اتمكن اقرأها بكل الاوقات , لأن مو دايماً اللابتوب تحت تصرفي .

هلأ نقدي للرواية حيكون بصراحة مطلقة , وطبعاً هوي نقد ذاتي مني , وكنت ناوية ابتدي نقدي بهالاقتباس من أحد الكتب  :

" وقد أكدّ معهد الأبحاث النفسي و الفسيولوجي في نيوزيلاند أن أكثر 60% من حالات الاكتئاب يرجع السبب فيها إلى وسائل الإعلام التي تركز على السلبيات و الصعوبات و الحروب و الجنس و ضياع القيم . ونرى أن موجة الفضائيات و التركيز على الأخبار السلبية و اأغاني الخليعة التي لا تمت إلى قيمنا بأي صلة منتشرة و تزداد انتشاراً في عالمنا و تؤثر في أخلاقيات شبابنا بعمق . و هذا المؤثر الخطير يضفيه الناس على برمجتهم فتصبح أقوى و أعمق من ذي قبل " .

سيطر على حياتك , ابراهيم الفقي ص 90-91 / 2008

ما أشرت اليه بخط في ذاك الاقتباس هو ملحوظ بشكل كبير جداً في قصتك , و للحق اني شعرت بلحظات باكتئاب عميق , خاصة بعد قراءة مقاطع امممممممم, فشرت مول فلاندرز

حتى اني كنت انوي اني ما كفي قراءة القصة , لكن كان يحضرني حنيناً غريباً وبأني اذا تركتها حكون قاسية  و جافية

بس الجماليات بالقصة كتيرة , والقصة ذات نفسها فيها إثارة , يعني بعد ما وصلت لمنتصف الرواية صرت بس بدي اعرف شو حيصير مع فرانك و جيه ناه , ولوين رايحين و شو قصتها هالجنية  

عفكرة : وقت طبعت القصة ما كنت عارفة معنى العنوان , ووقت ترجمتو طلع معي انو " Babylon " هي بابل بس الها معنى تاني هوي : الفجر و اللذة و شي من هالقبيل , ووقت قريت هالكم مقطع بالبداية قلت معناها : فجر و مابعرف شو ......بس بعدين لا طلع معناها " قبلة بابل "

و عفكرة تانية : يعني في كم تصوير للكاتب ( انت ) حبيت اقتبسو لورجي البنات , كيف الشب بينظر للبنت , أو بالأحرى شو اللي بيلفت نظر الشب بالبنت , يعني    اول ما بديت فيها كان عندي مشوار , والله اني بطلتو لأني خفت  

و بعيداً عن هذه السلبيات , نأتي على الجماليات :

القطار , محاور أحداث القصة (  حمص , دمشق ,اللاذقية , الساحل , العراق : بغداد , الحلة , بابل )

المقاهي الشامية القديمة , باب توما     , المغامرات , المشاهد الرائعة و الوصف لمدن العراق التي لا أشك بأنك زايرها و شايفها

حدائق بابل , منتجع أوغاريت , أوغاريت بنعرفا بس انو فيه منتجع هي جديدة بالنسبة الي

لح اكتفي بهالقدر لليوم , بلكي بكرا بحكي عن القصة

................................................................................

السلا عليكم :

لا اعلم ان كنت اليوم سأستطيع تكلمة حديثي عن القصة , فعذراً

..............