فتابعو....واسمعو هالموقف
هادا يا جماعة الخير....أنا عشت سنين طويلة برات سوريا "بالإمارات" وكونت هنيك علاقات رائعة وبعمري كلو ما عاديت حدا إلا بنت وحدة فقط لاغير... ويشهد الله أنو هي اللي ما كانت تحبني وليس العكس
وغير هالبنت مافي بتاريخ حياتي كلو "قبل الجامعة" بنت كرهتني وجابت سيرتي إلا بالخير
هالبنت اسما "k"
المهم....وخلال سنوات الجامعة كونت أجمل وأروع العلاقات وبنذكر بالخير ولله الحمد بين كل من عرفني إلا كمان بنت وحدة...صبية وحدة بالسنة التالتة صار بيني وبينا موقف وما بتذكرني بالخير.
وهالبنت اسما "h"
من فترة حكيت مع بنت هاتفياً رح تربطني فيا علاقة عمل و...لازم صداقة كمان..لأنو رح نصير نشوف بعضنا كتير
وحبتني كتير عالتلفون..وسهلتلي أموري وأوراقي واجراءاتي....وصارت علاقتنا طيبة جداً...ليوم اللي كان لازم التقيا وحددنا موعد بالمركز ووصلت عالوقت
ولقيتا سبحان الله واقفة مع "h".....وعندا زبونة...هي ""k"
كان لقاء قصير تعارفنا ونباوسنا وكانت عم تضحك وفتت أنا عالدرس لأنو رح التقيا بعد الدرس
طلعت من الدرس وإذ بلاقي هالبنت مكشرة..وبوجه ناشف عم تحكيني برسمية والكلمة اللازمة وبس
عرفت فوراً وتخيلت الي صار مافي شي بدو توضيح...وإلنا هلأ اسبوعين منحكي اللازم
وهالشي مدايقني....ولأنو مستحيل اجي لعندا وقلا يا فلانة خليني وضحلك أنو "h" و"k" بالذات هني أسوء مثال على شخص يقول قدامك أنو بيعرفني
يعني تبرير الكذاب
فشو اعمل؟