برنامج ماجستير الدراسات الأدبية للعام 2009\2010

Odysseus · **Posted:** Fri Nov 13, 2009 2:18 am

الإثنين: أدب مقارن .. د. مؤيد ججو ..... من 9 -12 في القاعة (1).
أدب انكليزي (شعر - مسرح ) .. د. ابراهيم اسماعيل .. من 12 - 2 في القاعة (1).

الثلاثاء: أدب أمريكي .. د. فؤاد عبد المطلب .. من 8 - 11 في القاعة (8).
أدب انكليزي (رواية) .. د. واصف السلامي .. من 11 -12 في القاعة (8).

الخميس: أدب عالمي .. د. الياس خلف . . من 9 - 12 في القاعة (8).
النقد و نظرية التطبيق .. د . محمد العلي .. من 12 - 4 في القاعة (8).

-----
طبعا هاد البرنامج للي بحب يطلع و مو بس للطلاب المعنيين :mrgreen:

و اذا في طلا معنيين .. فبقلون انو اليوم اجا الدكتور الياس و قللنا انو رح نبلش ب "النبي" لجبران خليل جبران و قللنا نجيبا بالعربي و الإنكليزي .. بدنا نعمل مقارنة :mrgreen:

زمردة · **Posted:** Fri Nov 13, 2009 2:41 am

Ala Al-Ibrahim,
بالتوفيق يا رب أخ علاء إلك و لجميع الطلاب

Quote:

و قللنا انو رح نبلش ب "النبي" لجبران خليل جبران و قللنا نجيبا بالعربي و الإنكليزي .. بدنا نعمل مقارنة

هلأ نحنا بالترجمة كان عنا مادة اسمها "لغويات مقارنة" و كانت كتير حلوة و كنا ندرس الفرق بين اللغات من عدة نواحي و حتى الثقافات أحياناً ... هون بما إنكم رح تقروا نفس العمل باللغتين شو رح تقارنوا؟ الترجمة مثلا ... أكيد لا :mrgreen:

الحلو بالموضوع إنه العمل "لجبران خليل جبران" الحقيقة ولا مرة قريتله عمل كامل بس قارية كتير مقاطع جميلة إله

سؤالي ما النقاط اللي رح تقارنوها و تركزوا عليها؟ *ممم

Odysseus · **Posted:** Fri Nov 13, 2009 3:14 am

عبير,

الله يسلمك اخت عبير.. شكرا كتير الك و ان شاء الله السنة الجاي انتي بتكوني ماجستير تخصص (إذا كان لسا بدك) :roll:

Quote:

كنا ندرس الفرق بين اللغات من عدة نواحي و حتى الثقافات أحياناً

شي حلو .. أنا بحب هيك مقارنات ..

Quote:

هون بما إنكم رح تقروا نفس العمل باللغتين شو رح تقارنوا؟ الترجمة مثلا ... أكيد لا

هلق أكيد ما رح نقارن الترجمة .. و بصراحة ما بعرف شو بدنا نقارن بالظبط .. بس طالما المادة "أدب عالمي" و مو مقارن فما بعتقد رح يكون كتير التركيز عالمقارنة .. إلا اذا كان في اختلاف بين الترجمة و النص الإنكليزي ..
هلق انتو .. كونكون ترجمة فأكيد رح تقارنو اللغة .. أما نحنا فالمفروض انو نقارن عملين أو أكتر مع بعض .. التشابه و الإختلاف .. تناولون لفكرة ما .. هيك أمور يعني ..
على كل "اذا" حصل و قارنا تبقا برجع بحكي شو قارنا :wink:

Quote:

الحلو بالموضوع إنه العمل "لجبران خليل جبران" الحقيقة ولا مرة قريتله عمل كامل بس قارية كتير مقاطع جميلة إله

و أنا كمان قاري مقاطع .. و كنت كتير حابب اقرالو بس ما كانت عندي المروة :mrgreen:

أما هلق فصرت مجبر اني اقرالو :mrgreen:

.. مو بكيفي يعني ههه

الشي الي بخلي الواحد يتفائل بهالمادة انو الدكتور قللنا انو انتو اذا بدكون اختاروا شو بدنا ناخد أعمال .. من الأدب العالمي يعني .. و هيك بكرا بدي اقترح عليه الخيميائي لباولو كويلو .. و ان شاء الله يوافقو معي بقية زملائي :roll:

لأنها من أحلى الروايات العالمية .. و ملائكة و شياطين كمان :mrgreen:

سيرين · **Posted:** Fri Nov 13, 2009 9:10 am

Ala Al-Ibrahim,

بدي قلك علاء إن شاء الله يا رب موفق أنت و غاندي و باقي الشباب و الصبايا إذا كان في :wink:

و أكيد ما عنا شك أنك رح تكون, بإذن الله , مميز بالماجستير متل ما كنت مميز خلال فترة دراستنا بالجامعة

Quote:

طبعا هاد البرنامج للي بحب يطلع و مو بس للطلاب المعنيين

أكيد الله يعطيك العافية على البرنامج , لأني فعلاً كان بدي أسألك عليه :wink:

و أنا من المطلعين المهتمين متل ما بتعرف , يعني مو من المعنيين

و بخصوص عمل " النبي " ... أنا قريت هاد العمل من 3 سنين , بس شكلي رح أرجع أقراه مرة تاني لحتى أتذكر مضمونو *sla

ما بعرف ليش عندي إحساس أنو هالمادة رح تكون سهلة كتير إن شاء الله :wink:

يمكن لأنو البداية كانت مع جبران كونو عربي , و النص العربي مترجم للانكليزي يعني ما في تعقيد بالنص :roll:

بجميع الأحوال موفقين و أكيد Good luck *ورود

Odysseus · **Posted:** Fri Nov 13, 2009 2:43 pm

سيرين,

Quote:

بدي قلك علاء إن شاء الله يا رب موفق أنت و غاندي و باقي الشباب و الصبايا إذا كان في

تسلمي و الله يوفقك انتي كمان يا رب

Quote:

موفق أنت و غاندي

أحلى شي مبارح أخدنا محاضرة أنا و غاندي لحالنا :lol:

كتير حلو شخصين بس ياخدو محاضرة .. شوفي عالهدوء الي بالقاعة :mrgreen:

Quote:

و بخصوص عمل " النبي " ... أنا قريت هاد العمل من 3 سنين

جبران من أعظم أدباء المهجر .. و أنا كتير بحب اقرالو .. و ان شاء الله ما رح اكتفي "بالنبي" ...

Quote:

ما بعرف ليش عندي إحساس أنو هالمادة رح تكون سهلة كتير إن شاء الله

الله يسمع منك .. و أنا هيك متفائل .. و متفائل لأنو كل الدكاترة الي اجو علينا بالماجستير بحبون و بلاقي التعامل معون "سهل"

Quote:

و النص العربي مترجم للانكليزي يعني ما في تعقيد بالنص

يمكن العكس هو الصح :mrgreen:

يعني العمل بالإنكليزي و تترجم للعربي لاحقا :roll:

Quote:

بجميع الأحوال موفقين و أكيد Good luck

ثانكس جداا و غود لك الك كمان

زمردة · **Posted:** Mon Nov 16, 2009 5:14 am

Ala Al-Ibrahim,

Quote:

شكرا كتير الك و ان شاء الله السنة الجاي انتي بتكوني ماجستير تخصص (إذا كان لسا بدك)

Who knows" everything is written"! :wink:

Quote:

هلق أكيد ما رح نقارن الترجمة .. و بصراحة ما بعرف شو بدنا نقارن بالظبط .. بس طالما المادة "أدب عالمي" و مو مقارن فما بعتقد رح يكون كتير التركيز عالمقارنة .. إلا اذا كان في اختلاف بين الترجمة و النص الإنكليزي .. هلق انتو .. كونكون ترجمة فأكيد رح تقارنو اللغة .. أما نحنا فالمفروض انو نقارن عملين أو أكتر مع بعض .. التشابه و الإختلاف .. تناولون لفكرة ما .. هيك أمور يعني ..
على كل "اذا" حصل و قارنا تبقا برجع بحكي شو قارنا

معناها بتصور يصير مقارنة بالأمور اللي بتتعلق بالنقاط المترجمة اللي إلها علاقة بالثقافة المختلفة للغتين و كل وحدة كيف اترجمت حسب ثقافة اللغة *ممم

ياريت تخبرنا شو قارنتوا *sla

و ممكن نتابع نقاش فيها بموضوعك المميز Literary Works... And Quotations! بعد قرائتها :wink:

Quote:

و هيك بكرا بدي اقترح عليه الخيميائي لباولو كويلو .. و ان شاء الله يوافقو معي بقية زملائي لأنها من أحلى الروايات العالمية

فعلاً الخيميائي من أغنى الروايات و أحلاها *اي

إن شاء الله يوافقوا

بالتوفيق

Desperado · **Posted:** Wed Aug 04, 2010 9:25 pm

يا ريت تخبرونا عن ناجستير الأدبيا ت اكتر عن كل مواد السنة يعني ؟؟؟

Desperado · **Posted:** Wed Aug 04, 2010 9:27 pm

انا معدلي 68.47 في الي فرصة بالموازي بالله عليكن تخبروووووووني ...

lovevoice · **Posted:** Tue Sep 07, 2010 5:17 am

يا جماعة سؤال
في حدا بيعرف انو دبلوم التأهيل التربوي بشكل عام ايمتا بيداومو؟
والدوام الزامي او لا ؟
واذا الزامي ضايعة الطاسة ولا في تدقيق ؟
مشكورين

Latest Posts

Forum rules

برنامج ماجستير الدراسات الأدبية للعام 2009\2010