كيف تتصرف لو حدث معك هذا........؟؟!

Wissam · **Posted:** Sun Dec 21, 2008 7:02 pm

naya,
يا أهلا وسهلا فيكي

هلق أنا ما رح احكي كأني عرفان عن شو عم احكي
بس بتوقع إنو كل الصبايا بيمروا بهالمرحلة أول الزواج :oops:

.....مو هيك؟ :mrgreen:

هلق ممكن تحاولي تخففي من هالإحراج بإنك مثلا تشاركي بالحديث اللي عم يحكوه شوي شوي........وتبلشي تفتحي مواضيع صغيرة متل السؤال عن الحياة ( شغلك- دراستك - الأولاد - الطموح ) ومن هالحكي....وانشالله بينكسر حاجز الخجل اللي موجود عندك بس بدها شوية وقت :wink:

موفقة

nadeem · **Posted:** Sun Dec 21, 2008 8:52 pm

مرحبا للجميع
كيفكن
Hidding Rose مرحبا موقف محير بس انا برأي ساعديا حرام لانو ضعيفة ومابتعرف شي بقا جربي تعطيا كام درس واذا لقيتي في تجاوب كفي اما اذا مافي امل انسحبي وقولي لامها انو بنتك بدها دورات خاصة من تحت الصفر يعني
وبتكوني انتي عملتي اللي عليكي *ممم

naya
مرحبا
بصراحة هاد الموقف كتير صعب وانا فينك تقولي بعاني منو (بس اكيد ماني متجوز) بس اول مااتعرف على اي حدي جديد بتم ساكت هييييييييييييييييك ليفرجا ربك ولصير اخدت وش علي
هلق بحالتك مالك غير متل قال وسام انو تبلشي بالحديث العام عن الطقس او عن الطبخ او عن الشغل هيك شغلات
واحسن شي نترك للعنصر الانثوي يجاوب عن هالقضية :mrgreen:

أوركيدا · **Posted:** Mon Dec 22, 2008 12:25 am

أمرك سيد وسام رح حط موقف ..
في إلي رفيقة من شي تلات سنين ... بحبها وبتحبني ..
المهم متل أختي هالبنت ..
من كام يوم ... فتت عندوة الكلية مشان اشتري مم
لقيتها جوا قاعدة .. هي ورفيقتا ... قعدت معهم ..
وهني التنتين عم يشتغلوا ويلعبوا بموبايلاتن ...
المهم تركت كتبي عالطاولة ورحت اشتري ميلو .. وطولت شوي ..
رجعت .. وإز كرسيي مو موجود
قلتلن وين كرسيي ؟؟؟؟ قالولي إجا شب أخدو ونحنا نسيناكي
قلتلن نسيتوني؟؟ انزعجت كتير .. وكفتت خلقتي ..
ورفيقتي صارت تدقلي وأنا ما رد .. بعدين رديت مشان أعطيها كتاب هيي طلبتو مني..
المهم هلأ .. حقي انزعج ولا لاء ؟؟
موقفها.. ألا يدل على عدم الاهتمام ( نسيناكي)؟
أنا رجعت حاكيتها بس والله قلبي لسا ما صفي ... وما بحب احقد ع حدا ..
شو أعمل؟؟

أوركيدا · **Posted:** Mon Dec 22, 2008 1:29 am

naya,

بداية.. شي طبيعي انك تكوني خجلانة ومستغربة ..
بس ما يمتد معك هالشي لفترة طويلة ..
صرلك 4 شهور متزوجة وصار لازم تفوتي بالجو ...
وكل ما صارت سهرة ... انتي لازم تبدأي الحديث ..
ممكن تسألي الوحدة منين اشترت تياب ولادا الزغار ..أو تيابها هيي..
أو تحكي عن طبختك اليوم ..
أو اسألي أي وحدة عن شي طبخة ولو كنتي بتعرفيا لمجرد فتح حديث ..
أو إزا العالم عم يحكوا .. كل شوي اعملي مداخلة وقولي اي صح ..
أو اسألي عن شي كلمة أو فكرة مرت بالحديث ..
أنا أول ما صرت صبية ع أساس :mrgreen:

هيك كنت أعمل ..
وهيك العالم بيفكروكي لبقة وحديثك حلو ... مو كرارة وبتحكي عالطالعة والنازلة :mrgreen:

تحياااااااااااااااتي

Safa alaasi · **Posted:** Mon Dec 22, 2008 2:41 am

أوركيدا, تيماء,
لحظة لحظة لحظة *NOO

انا لو محلك يا اوركيدة بزعل بوقتا بس بمجرد ما نحكي بنسا الموضوع من أصلو
يعني بين الرفقات بيصير أكتر برايي ما محرزة الشغلة انو يصير فيها عتاب
بعدين انتي عم اتقولي متل أختك وبين الخوات بيصير أكتر وما حدا بيزعل من حدا
واسأليني أنا 4 سنين بالجامعة كتير كانت تصير مواقف من هالنوع بس والله بنكتة بضحكة تفرط الشغلة *sla

الملاك · **Posted:** Mon Dec 22, 2008 8:15 am

Hidding Rose,
تسلمي لقلبي

ايها هيك..خليكي نشيطة بطج المواقف :mrgreen:

أنا بشوف أنو هالبنت بحاجة دروس خصوصي فعلاً لأنو مستواها ضعيف ولأنو عندا قناعة "وهي نقطة مهمة" أنو ما بتستفيد لتاخد دروس خصوصية :arrow:

بقا بتضل المشكلة..أنو أنتي أما لأ..وأنا برأيي لأ...لأنو قلبك رح يتعب من التدريس الخصوصي...لمجرد أنو الأم حاطة ببالا فكرة بدي لبنتي نفس مدرستا بالمدرسة
:idea:

أنتي ما عندك وقت...خليا تلاقي مدرسة غيرك..وجريدة الوسيلة مليانة...ليش تجوه عليكي الله...خلص مانك فاضية :arrow:

كتير صعب أنو تربطك علاقة "ولو علاقة المدرسة الخصوصية مع طالبتا" ببنت بليدة بالصف..بتحتاري كيف تعامليا..فبلا :wink:

تيماء,

Quote:

ما عاد بدي طج شي

ما عكيفك

بدون مواقفك شو بدنا نحل ولا شو بدنا نربط :mrgreen:

naya,
يا قلبي كتير بسيطة...وقت مافيكي تشاركي الناسس بحديث...شاركين بابتسامة :wink:

والابتسامة لغة عالمية ما بحاجة ترجمة...وبما انك بتخجلي تحكي فلا تجبري حالك مشان ما تروكبي وتتلبكي تقومي تخجلي بزيادة :mrgreen:

خلص ابتسمي لحتى تلاقي حديث مناسب وببالك فكرة مناسبةوكلمة سهلى وتحسي حالك ما خجلانة...وقتا احكي بهدوء...وابتسمي :mrgreen:

ومع الوقت بتتعودي..وبتتأقلمي...ولاحظي أنو ولاد صغار بخلو القعدة أحلى وأحاديث كتير :mrgreen:

فاحرصي على وجودن *sla

الملاك · **Posted:** Mon Dec 22, 2008 8:20 am

أوركيدا,
فتي ثواني بس لبين ما حطيتي كتبك..ودبك سلمتي..وبدك اياهن يتذكروكي :shock:

بربك لو كنتي مكانا ما بتنسي...بعدين البنت صريحة
*sla

بعدين رفيقة سنين هي...كيف بضل بقلبك شي؟...حرام ما بصير..

وكلام تيماء وصفاء أنو بلحظتا بتدايق بس بعدين بروق....هادا المنطق وهيك لازم تبرمجي قلبك

تيماء,
وعالأساس أنتي كمان تطجي موقف :mrgreen:

Safa alaasi, كمان بانتظارك

Wissam · **Posted:** Mon Dec 22, 2008 10:23 am

أوركيدا,
إيه هيك هه من زمان :mrgreen:

لا عاد تقطعينا من مشاركاتك أبدا :wink:

هلق بالنسبة لموقفك أنا لما قريتو :shock:

ولو كنت محلك كنت *Zloi

وبعدين بلش ال *boxing

يعني والله شي بيقهر :evil:

......لنفرض نسيوكي متل ما قالو.......عالقليلة ما بيدجوها بوجهك هيك........يعني يحطولن شي حجة متل مثلا إجا الشب وأخدو بدون ما يسأل وما لحقنا نقلو شي
يعني والله أنا لو محلك إذا ما انزعجت من الموقف عالقليلة بدي انزعج من الرد

بس كمان إنتي عم تقولي إنو متل الإخوات بقا ما لازم يضل بقلبك أي شي تجاها أبدا
والمسامح كريم :wink:

تيماء, Safa alaasi,
يلا يا صبايا الطج شغال :mrgreen:

طجو طجو طجو :mrgreen:

عم نستنى المواقف :wink:

naya · **Posted:** Mon Dec 22, 2008 4:49 pm

شكرا كتير للجميع على النصائحthanks

Safa alaasi · **Posted:** Tue Dec 23, 2008 5:27 am

يا ربي دخيلك نزلت موقف هالقد قدو قام ما انبعت :evil:

مضطرة رد عيدو باختصار
هوي موقف حزين شوي
هديك السنة اتوفى قرايبي شب عمرو30(ما هون الضربة)بعد ما اتوفى بفترة اجت قرايبتي وعزتني قمت انا استغربت ليش عم اتعزيني ما الشب قرايبا متل مانو قرايبي
بعدين قالتلي شو قال اترملتي هون انا انصدمت :shock:

والي صدمني أكتر انها قالتلي الكل بالعيلة هيك عم يقول
طبعا انا ما طلعت مني كلمة عتاب للي قال هالكلام عني
بس كتير ازعلت وابكيت بوقتا لانو ما حلوة يجيبو سيرة الميت الا بالخير ولانو ما حلوة منن يفاولو عليي هالفال البشع ولو اني ماني متزوجة
طبعا انا ما حكيت تفاديا للجق واللوص ومشان ما تكبر الشغلة واتصير مشاكل *قتال

وطبعا مشان ما يطلع عليي الصيت (انو متلا كان بيناتنا شي انا والشب الي مات)
انتو شو رايكن شو كنتو عملتو :wink:

Latest Posts

Forum rules

كيف تتصرف لو حدث معك هذا........؟؟!