=>كــرت دعــوة <=

بانة

مساء الخير جميعاً

الفكرة اللي بدي إطرحها هي فكرة بسيطة جداً , أوحتلي فيها كتير من المواضيع اللي نزلت بالمنتدى ..

باختصار شديد الفكرة هي إنه يتم إنشاء قسم جديد وليكن إسمه مثلا " كرت دعوة " .

بهذا القسم كل عضو من الأعضاء اللي عندهم علم بأنه سيقام محاضرات ثقافية أو إجتماعية مثلا أو ندوات أو ربما معارض أو أمسيات شعرية أو ماشابه ذلك , يمكنه أن يدرج موضوع بهذا القسم يخبر فيه بقية الأعضاء بما لديه من معلومات موجودة عن هالحدث الذي سيقام ....

الفكرة حاليا هي مجرد فكرة , بتمنى النظر فيها , وبانتظار ردودكم ورأيكم

Tami

بــانــة,
اهلا وسهلا بانة...
رأيي..ما في داعي لأن اذا كان في دعوات لشي ندوات فعم تنحط بالقسم المرتبط بموضوع الندوة..يعني اذا كانت عن الترجمة عم تنحط بقسم الترجمة...و هكذا...و اذا ما كان في الها قسم محدد بعتقد بتنحط بالقسم العام...

هاد رأيي

أحمد الدالي

بــانــة,
حلو كتير الفكرة..
بس ما بظن إنو بتحتاج لقسم كامل لحالها
يعني بكفي يكون موضوع مخصص لهدا الشي
وبكون مثبت بالقسم المناسب إلو بالمنتدى
كمان هدا رأيي

بانة

تامي , أحمد الدالي
شكرا كتير لآرائكم ,

انا قصدي إنه في كتار أعضاء بكونوا عارفين إنه مثلا في معرض رسم أو ندوة حول موضوع ما , فالاغلبية ما بتشجع وبتكتب عن هالشي , لذلك منلاقي متل هالشي ما كتير موجود بمنتدانا ..
فأنا أظن إنه بهذا القسم الجديد ما رح نتردد أو يترددوا بالإعلان عنه

أحمد الدالي

بــانــة,
يمكن معك حق من ناحية التردد
لأنو قليل كتير لنشوف دعوات بالمنتدى ..مع إنو المراكز الثقافية عنّا دائما
فيها نشاطات
أنا موافق على الفكرة

Safa alaasi

بــانــة,
انا بشكرك على هيك فكرة لاني كتير بحب حضور معارض او ندوات او امسيات وللاسف ما تتسنالي الفرصة كتير لاني ما بقرا الاعلانات لذلك انا بأيد على هيك فكرة بس لازم فعلا الي عندو معلومات يفيدنا فيها اول باول وشكرا

عاشقة العربية

جميل أن تجمع هذه المواضيع في مكان مخصص
لكن هي قليلة أولا .. ولها مواسم كذلك
وحين نضع كل دعوة في قسمها المتخصص كالعربية والترجمة وو .. الخ سنمنح رواد الساحة ما يكمل تخصصهم دون أن نضطر الآخرين لمعرفة ما لايهمهم

بانة

هدى,

شكرا لرأيك اللي معك حق بجزء منه
بس في كتير مواضيع او دعوات ما إلها مكان هون عنا , مثلا معرض رسم , مثل مسرحية ,إلا إذا وضعت بالنادي العام
ومتل ما قلت سابقا رح يكون في تردد بطرح متل هيك موضوع

فارس

بــانــة,

شكرا على الفكرة و الاقتراح

هلأ متل ما شايفين في رأيين ...

الأول بقول انو الأفضل تنزل الدعوة لكل شي معين بالقسم المخصص أو المتعلق بمناسبة الدعوة .... و هاد وارد

و التاني بقول انو اي لازم يكون في قسم مستقل فقط للدعاوي ... و هاد كمان وارد

رأيي مع الرأي الأول ... لسبب انو المناسبات قليلة نوعا ما .... و أكيد بس نتوسع أكتر و يصير في مناسبات بمعدل مناسبة كل اسبوع ع الأقل .... بصير لازم قسم مستقل خصوصا مو بس مشان الدعوة .. و انما لنقاش المناسبة و الآراء عليها

شكرا ع اهتمامك مرة تانية ....

بانة

اقتباس:

رأيي مع الرأي الأول ... لسبب انو المناسبات قليلة نوعا ما .... و أكيد بس نتوسع أكتر و يصير في مناسبات بمعدل مناسبة كل اسبوع ع الأقل .... بصير لازم قسم مستقل خصوصا مو بس مشان الدعوة .. و انما لنقاش المناسبة و الآراء عليها

وانا مع الفكرة تماما

آخر المشاركات

قوانين المنتدى

=>كــرت دعــوة <=