ثـــائـــر,
اقتباس:
1- انت قلت انك بتآمني با الحب ..طيب بانة شو هو الحب بنظرها ؟؟
والله صدقني ما بعرف كيف جاوبك بالضبط شو هو الحب بنظري , يمكن صار لازمني نظارات , انا هيك قلت لأنه صار في قدامي نماذج مو قليلة من قصص الحب الناجحة واللي توجت بالزواج أو على الأقل الخطبة .. طبعا مبدئيا بغض النظر لمرحلة ما بعد الزواج
اقتباس:
2- انت بتحبي شخص و هو بحبك ... بيوم من الأيام بقلك انو انا بدي سافر يا بانة لأنو مستقبلي برات البلد مو هون ... و يمكن طول كتير و انت اذا بدك تنتظريني انتظريني و اذا ما بدك انت حرة ..شوفي حياتك ... شو بكون جوابك ؟؟
هلق هيك بده يقللي : إذا بدك تنتظريني إنتظريني وإذا ما بدك إنتي حرة
طيب وينه هو بالموضوع ...
حتى يقللي وين هو بالموضوع بقلله إني انا بحاول إنتظره قد ما بقدر ..
اقتباس:
3- بدي منك تحكيلي عن موقف تمنيتي من قلبك انو يكون عندك أخ ؟؟ ..
بشكل عام ما بتمنى يكون عندي اخ , بس الموقف الوحيد اللي صار وتمنيت فيه إنه يكون عندي أخ , وقت ضاعت هويتي وكان لازم إني روح على مركز الشرطة وبلغ و.........و.........و , وكون البابا مسافر وما حدا فاضيلي تمنيت إنه يكون أخ يروح يتشنطط معي , بس آخر شي لقيت الهوية وقلتله لأخي اللي تمنيته : ولا منيتك
اقتباس:
4- اختك اديه عمرها ؟؟ و شو بتعمل بالحياة ؟؟
أختي أكبر مني عمرها 24 سنة , وهي دارسة ادب إنجليزي وحاليا هي سنة اولى ما جستير ..
اقتباس:
5- بدي اياكي تعطيني نهاية لكل من الحالات التالية ..طبعا بدي بانة المرشدة ..
كان لازم تعطيني تفاصيل أكتر عن كل قصة , منشان أعطيك رأي كـ بانة المرشدة
اقتباس:
-- شب بحب بنت اكبر منو ...
يمكن رح يتركها مع الوقت ويلاقي البنت الأصغر منه واللي قال يعني بتناسبه (((صحوة متأخرة )))
اقتباس:
-- انسان أغضب امو و اتزوج بنت غربية ...
رح تبقى حالة الجفا بينهم موجودة , إلى أن يصاب أحد بالأذى , الأم أو الإبن أم أحد أبناء الإبن أو هيك شي قريب
اقتباس:
-- شب حب بنت اغنى منو ...بس بحبو بعض ..
رح يتزوجوا ..... و يتساعدوا ........
اقتباس:
-- بنت حبت رجل متزوج و عندو اطفال ...
إما رح يتركها , او رح تتركه , أو رح يتزوجوا .... ما بعرف
اقتباس:
6- اعطيني تفسير لكل مما يلي ...
اقتباس:
اتنين كانو قاعدين مع بعض و مافيهم شي و عم يضحكو و مبسوطين ..و فجاة بتلاقي العالم حواليهم عم يحاولو يفكوهم لانهم عم يتخانقو و يتضاربو ..
واحد فيهم حكى شي مس التاني بكرامته , فعصب التاني على الأولاني لأنه ما اتحمل الكلام أو يمكن الكلمة ..
اقتباس:
واحد كان قاعد مع حبيبتو و عم يغازلها و عم يطلع بعيونها ..و فجاة بتضربو كف و بتقوم بتركض و هي عم تبكي ..
بكون قلل حيا معاها وحكاله شي كلمة برات الطريق تماماً مما أدى لحدوث الحادث
اقتباس:
--- شب وحيد على اهلو .سافر لبلاد برا و ما رجع مع انو اهلو رح يموتو علاي و هو بيعرف ها الشي ..بس مع ها الشي ما عم يرجع ..
أناني , وما هامّه حدا وما حبيته
اقتباس:
-- واحد ماشي با الشارع و عم يحكي مع حالو .. مع انو مانو مجنون ..
مافي أكتر منهم هدول ,,, فسرلك حالته : فوق راسه ضغوط كتيرة
اقتباس:
7- ( بتمنى الله يسهلي مشواري بكرة )
وين كنت رايحة ؟؟؟
كان لازم إختار بين مكانين روح عليهم إما الأحداث او مدرسة شباب ثانوي ,,,, واخترت الأحداث
اقتباس:
8- ( اليوم عملت إنجاز هو صحيح بسيط بس مهم )
شو هو هادا الانجاز ؟؟؟
قدمت مخططات البحث للمعيدين بعد جهدٍ جهييييييد
اقتباس:
يلا حاجتك اليوم .. نلتقي غدا ... بس انا حباب و اسئلتي ليكيهم شو سهليين ..