سهران من مبارح وقاعد لا شغله ولا عملة..
قلت لفوت عالمنتدى شوف شوفي مواضيع جديدة...وانا عم أقرى هالمواضيع صرت أقرى أسماء وأعضاء جدد وما شاء الله كل واحد عندو مشاركات بالآلاف
المهم مرق عليي كرسي الأعتراف...قلت لشوف مين كاسح الساحة هلق..؟
ولو أنو التصويت بالموضوع من زماااان في إنّ..
لقيت أنو الموضوع خالصه مدتو ومافي حدى عالكرسي ومنتهية تعادل!!!
قلت لازم يكون في ضربات جزاء عالقليلي أو أشواط اضافية..
فرجعت تابعت المباراة من أولها لآخرها مشان أعرف شو سبب هالتعادل..ولو أنو بالعادة موضوع التعادل بهالموضوع وبهالمنتدى بالذات ملغى أو غير موجود بجميع مترجمات هالمنتدى أو فهارسه
لأنو من أيامي كان التصويت مسيّر وغير مخيّر ...ولو أنو بعمري ما دخلت عالموضوع الا في حالات جدا نادرة بس كنت أدخل عالتصويت دائما وصوت ومن دون حتى تعليق ..على أمل أنو صوتي يلعب دور..بس انته فين والحب فين.!!
هلق حسب ما شفت أنو فارس حذف كل الردود السابقه وحسب ما قريت من عصام أنو اللعب بالتصويت كان عالتقيل يعني مو من عضو...
وبالأخير وصلت لرد أنس الدالي...
اقتباس:
انو يتعدل تعديل فخلص لشو زيادة الفضايح يعني يا عمو عصام ؟؟
انا هي ما فهمتها ...مشرف أكتشف أنو في لعب وصرّح فيه بقى بأي أسلوب بينحذف ردّو وهو مشرف يعني مسؤول ..ولا عمبدأ حاجتو هادا كشف اللعبة جيبو غيرو!!!
بعدين ياما قريت بهالمنتدى مواضيع عن تصحيح الوضع يلي عايشين فيه وعن وعن وعن وأهمها كانت عن الشفافية وهلق منقول لأ معلش سترو عالموضوع لأنو هون في خطوط حمراء أو فيها فضايح..يعني لازم المشرفين يصححو أخطاء البعض ويستروها ويرسمولنا الشخصيات بالمنتدى أنها ملائكة!!!
وبصراااااحة وبكل صراحة اذا تنحيت عن هالمنتدى فكان لبعض هذه الخطوط الحمراء
لأنو واحدنا بيقرى وبشارك بمواضيع علمية ومناقشه ووو وبالأخير بتلاقي عضو مبارح دخل عالمنتدى وصار عندو مليار مشاركة شكر ومليار مشاركة مباركة ومليار جلمقه
وما قدر حتى يعبّر بمناقشة وبشوف رجليه قدام عيوني لأنو مدري وين قاعد ومدندلهم!!!!!!
(طبعا الحكي بخص البعض)
اقتباس:
أخي بدك تعاتب عاتب وهاد حقك عاتب على الجوال على الاميل بقسم الادارة بس مو هون
هلق كأنو في أعضاء بالمنتدى بالإضافه للمشرفين والمراقبين ووو..مو هيك؟؟
ولا نحنه معلش ..منقعد متل ال... ومنصفق ومنشكر ومنبارك ومنعايد وبآخر الشهر بتعطو لكم واحد وسام...وبعدها ما منحسن ننام الليل بفرحتنا بهالوسام!!!
اقتباس:
خليتوا الأعضاء تفوت بالحيط وما تفهم شو عم يصير وتتوقع على كيفها ومشان شو مشان سبب بسيط كان بالامكان معالجتو بأبسط الطرق
نحنه بصراحة لأنو هلق فهمانين تمام شو صاير!!!
بآخر يومين من التصويت بتنسحب مشرفه أكيد الأتفاق تم معها من قبل ما ينزل التصويت..(لأنو في أيميل وفي موبايل ووو متل ما حكيت من شوي)
وبينزل بدالها شخص ما أخد حقو من التصويت ....ويلا منو منقلو انته خسرت للأسف وراح دورك شي سنتين زمان ..هي اذا كان في دور...
عصام, بالله عيب عليك...
ضليت شي ساعتين عم أحكي معك ..وبتعرفني ما بسكت عالموت..
طيب بس قلي فوت أتفرج أو أقرى أو أو أو..
ولا انته كمان صرت من جماعة نستر على الأخطاء لحماية المملكة؟؟
فارس, بجد انته مدير بحق وحقيق وعرفان تديرها صح وخاصة مع هيك عالم..
لا بدي هدد ولا شي ..أصلا يمكن ما فارقة معكم اذا انسحبت أو لأ...
بس الشخص الوحيد يلي بيحذف ردي هو فارس وبيبعتلي عالمسنجر بوقتها أنو حذف ردي ...أما غيرو اذا حذف ردي فأحذف عضويتي معو