أهلا بك زائرنا الكريم في منتديات آرتين لتعليم اللغات (^_^)
اليوم هو الخميس آذار 28, 2024 7:35 م
اسم المستخدم : الدخول تلقائياً
كلمة المرور :  
لوحة الإعلانات الإدارية

عذراً أخوتي .. تم إيقاف تسجيل الأعضاء الجدد في آرتين حتى إشعار آخر


آخر المشاركات

  ... آرتين ...   » لابدّ أن أستأذن الوطن .... نزار قباني *  .:. آخر رد: محمدابو حمود  .:.  الردود: 4   ... آرتين ...   » لا يصلح العطار ما افسدة الدهر  .:. آخر رد: محمد الربيعي  .:.  الردود: 2   ... آرتين ...   » مناقشة كتاب"Translation with Reference to English & Arabic"  .:. آخر رد: Jordan  .:.  الردود: 124   ... آرتين ...   » المعرب و الدخيل و المولد ... تتمة  .:. آخر رد: aaahhhmad  .:.  الردود: 6   ... آرتين ...   » تحميل ملف  .:. آخر رد: مصطفى العلي  .:.  الردود: 0   ... آرتين ...   » The Best Short Stories of J.G. bialard The Terminal Beach  .:. آخر رد: المرعاش  .:.  الردود: 0   ... آرتين ...   » هام للطلاب الي بيواجهوا صعوبه بمادة الصوتيا  .:. آخر رد: bassam93  .:.  الردود: 16   ... آرتين ...   » مساعدة مشروع تخرج عن تراجيديات شكسبير  .:. آخر رد: ahmadaway  .:.  الردود: 0   ... آرتين ...   » نتائج سنوات 2009 2010 2011  .:. آخر رد: أبو عمر  .:.  الردود: 0   ... آرتين ...   » نتائج سنوات 2009 2010 2011  .:. آخر رد: أبو عمر  .:.  الردود: 0

جميع الأوقات تستخدم GMT + ساعتين [ DST ]




إرسال موضوع جديد هذا الموضوع مغلق ، لا تستطيع تعديله أو إضافة الردود عليه  [ 59 مشاركة ]  الانتقال إلى صفحة السابق  1, 2, 3, 4, 5, 6  التالي
الكاتب رسالة
  • عنوان المشاركة: Osama  يجلس على كرسي الاعتراف ...
مرسل: الخميس تشرين الأول 08, 2009 9:55 ص 
مشرف الكمبيوتر و الانترنت
مشرف الكمبيوتر و الانترنت
صورة العضو الشخصية
اشترك في: 15 أيلول 2007
المواضيع: 89
المشاركات: 2431
المكان: الجامع العمري
القسم: English
الاسم: Ibrahim Ali Hamad
لا يوجد لدي مواضيع بعد

:: ذكر ::


غير متصل
أحمد الدالي,  

يحرء حريشك أبو حميد شو هاد كلو . :shock:  :shock:  :shock:  :shock:

ال فايت ومجهز شغلة 20 سؤال بس وين رايح أنا خلص خليه يخلص من أسئلتك وبعدين لكل حادث حديث

معليش حبيبي أبو السيم طول بالك والأعمار بيد الله ناطرين اجاباتك على أبو حميد
 :mrgreen:  :mrgreen:

_________________
التوقيع
كُنتُ اذا التقيتُ بِكَ فِي سطورِ ذاكرتِي أفرحْ ..
كنتُ اذا ما تعثرتُ بِكَ فِي قلبِي .. أذوبُ اشتياقاً ..
اليومْ .. احترقتَ بداخلِي ..
وَأَعلمُ جيداً ..
أنهُ أبداً لا يحيا الرمادْ ..
...أبداً لَنْ يحيا الرمادْ ..


أعلى .:. أسفل
 يشاهد الملف الشخصي  
 
  • عنوان المشاركة: Osama  يجلس على كرسي الاعتراف ...
مرسل: الجمعة تشرين الأول 09, 2009 5:32 ص 
آرتيني فعّال
آرتيني فعّال
صورة العضو الشخصية
اشترك في: 09 تشرين الأول 2008
المواضيع: 12
المشاركات: 1057
المكان: مدينة العظماء و الحب و الحرب "حمص"
القسم: English
السنة: خلصت من كل شي للأبد
لا يوجد لدي مواضيع بعد

:: ذكر ::


غير متصل
Hiba,  
:oops:  *Hi
سحر,  
ههههههه
بقتلها اول الشي بعدين بفكر ليش هيك ساوت و آخر شي بقتل حالي احسن ما موت قهر :arrow:
*1
بانة,  
الله يبارك بعمرك عقبال عندك و عند المشتهي  *sla
ليش برأيك  ؟ لأنو الدنيا دوارة (خليك عالأرض لا تعلا كتير مافي طير علا و الا وقع بكير)
لأي حد ؟ لآخر حد
لإيمت ؟ حتى موت
مين  ؟ ولاد الحلال كتار
شو عرّفك ؟ حمص صغيرة و ما بيتخبى فيها شي
كيف ؟ صدفة و التقينا
اقتباس:
مو متأكدة 100% بس حسب ما لاحظت من التواقيع اللي كنت تكتبها إنك  بتقرا أو قاري لأحلام مستغانمي ... وعلى الأقل أو خاصة رواية " ذاكرة الجسد" و " فوضى الحواس "  ..
ما بعرف يمكن رح إجبرك إذا قاريهم فعلا تتذكر معي , وبدي رأيك ببطلة هالروايتين ..

اي قاري لأحلام.... هلأ انا قاريهم من فترة بعيدة كتير و رجعت شوي عالقصص و لقيت انو البطلة في كتير من الأحيان ما بتعرف شو بدها و احيانا ما بيعجبها العجب و احيانا بتمناها تكون حبيبتي.... في كتير فوتة بالحيطان عندها
*1
أحمد الدالي,  
لأ بدي قلك شي تاني بس ما بينحكى هون  :evil:
اقتباس:
على الصعيد الشخصي:
1: نسبة رضاك عن أسامة؟
2: نسبة حبك للحياة العايشها؟
3: علاقتك مع والدك كيف؟
4: نسبة سيطرتك ((شخصيتك يلي فارضها))على وضع العائلة بالبيت؟
5: مين أكتر حدا إلو تأثير((بتحسبلو حساب)) بالعائلة تبعك؟

1- 75 %
2- 65%
3- جيدة جدا، وقت المزح مزح و وقت الجد جد و بقعد بتناقش معاه
4- هلأ نحنا اربع شباب الكبير مسافر و الي بعدو ع طول مسافر كمان و يلي اكبر مني الشغل اخد كل وقتو و يمكن بنام بالبيت يومين او تلاتة و انا كمان بطلع من الصبح ما برجع الا وقت الغدا و وقت النوم لذلك وضعي بالبيت عادي كتير اذا قلت بدي شي بيصير بكل أريحية و في الي شي خاص فيني بالبيت بما اني الصغير.
5- هلأ اكتر واحد الو تأثير عندي هوي امي و بحسب حساب لزعلها مني ،و يلي بحسبلو حساب هوي ابي لأنو صارم كتير
اقتباس:
على الصعيد الوطني:
6: هل أنت متذمر من أمور البلد وشو يلي ما عاجبك فيها؟
7: ليش ضد العكسرية مع إنو يعتبر واجب وطني ولو كان طوعي كنت رحت عالجيش؟
8: شو بتحب تستلم منصب بالبلد؟
9: شو هو الشي يلي بتحب انك تقدمو للبلد إذا كنت حابب هالشي؟
10: هل من الممكن إنو أسامة يرتشي إذا انحط بمنصب فيه سبيل للرشوة؟

6- ما متذمر كتير و يلي ما عاجبني فيها وضع الشباب فيه
7- لأنو العسكرية بتجي للشباب بأهم فترة بحياتن، فترة انتقالية بين حياة الشباب و بين فترة الاستقرار و تكوين اسرة و لو كان طوعي بوضعي الحالي هلأ ما بروح
8- وزير الشباب (مع انو لهلأ ما عنا هالوزارة)
9- بحاول اني قدم المشاريع يلي بتشغل الشباب
10- ان شاء الله لأ
اقتباس:
على الصعيد العاطفي:
11: أسامة ضل عندو شي اسمو حب ممكن إنو يعيشو؟
12: شو كان تأثير الحب على حياتك من علاقاتك السابقة؟
13:بتعتبر حالك ظلمت الحب أو انو الحب ظلمك؟
14: في عندك شي ذكريات محتفظ فيها من علاقاتك السابقة؟
15: أغلى هدية قدملك ياها الحب؟

على الصعيد الفني:
16: شو بتعنيلك هالغنية((البرواز)) وبشو بتذكرك؟
17:شو بتعنيلك ((الأماكن)) وبشو بتذكرك؟
18: في موسيقى ((لنويسي)) موجودة عندك..بتعتبرها غالية عليك..وليش؟
19:ليش بتحب الأغاني الحزينة ويلي بتحكي عن الألم والخيانة كتير؟
20: بمين بتذكر غنية((للعن أبو العشيرة))..فيك تغنيلنا مقطع منها؟

على الصعيد المادي:
21: حاليا انت راضي عن مدخولك؟
22: ممكن انك تحاول زيادة مصروفك بطريق انت غير راضي عنو؟
23: انت بتقدم مصاري للبيت أو انك بتاخد وبتصرف من البيت؟
24: معروف عنك ما بترد حدا اذا طلب منك مصاري..فيا ترى صار معك بعض المواقف بإنك تتخلى عن هالشي؟
25:اذا كنت بدك تسافر وتتغرب فاهدا الشي مشان المصاري بس ؟

11- اي الحب ما بيموت بس هلأ نايم ما بعرف ايمت بفيق
12- صحاني ع كتير شغلات كنت ما بحسب حسابها
13- لا هي و لا هي لأنو كان يجي بوقت غلط بس بحس حالي اني ظلمتوا و كترت
14- شي طبيعي محتفظ بشغلات سرية كتير
15- جاوبت على هالسؤال من قبل و قلت اغلى هدية عندي اياها هيي سنسال فضة ما بشلحوا منوب
16- غنية رائعة كتير و بتذكرني بصورة خانت بروازها بعدين انكسر هالبرواز
17- كمان مجاوب عليه بتعنيلي كتير و بتذكرني بالماضي
18- لأنها بالأصل حلوة كتير و غالية عليي لأنو يوم عيد ميلادي وصلني ملف بور بوينت من بنت بحترمها و ظلمتها كتير فيه شغلات فيقتني ع كتير شغلات
19- لأ  هالشي ما صح، انا بحب كل الأغاني يلي كلامها حلو و الها معنى حتى و لو كانت لوفيق حبيب
20- بابو عبدو و عصومة و اني غنيلك اياها بس شوفك بغنيلك اياها
21- ما كتير
22- لأ بس احيانا بضطر!! بيجيك واحد بيقربك بيقلك معي شي 20 الف زيادة حكيلي حكاية ليلى و الأربعين حرامي و خدن مني بقول لحالي ليش حتى ما اخدن منو احسن ما يروحوا للغريب و ينضحك عليه.
23- لا باخد و لا بعطي عامل اكتفاء ذاتي بس احيانا و انا و جاي عالبيت بجيب معي كم شغلة للبيت
24- اي صارت كتير، و برد الطلب لما ما بيكون معي مصاري عنجد او لما بكون عرفان انو بدن ينصرفوا ع شي فاضي و ما رح يرجعولي الا بعد فترة طويلة
25- الحمد لله المصاري يلي عم  طالعها هون يمكن ما طلع اكتر منها برا و اذا بدي سافر بكون لتحسين وضعي بشكل عام هلأ لما كنت عم فكر بالسفر السبب الرئيسي مشان العسكرية تاني سبب مشان ضب المصاري و يلي عم صير معي هون انو كل شي بيفوت عالجيبة رح يطلع اما اذا سافرت ما رح اصرف متل هالمصروف يلي عم بصرفوا هون
اقتباس:
على الصعيد الإجتماعي
26: بتعتبر حالك اجتماعي؟
27: شو هي الطبقة يلي بتحب انك ترافق وتصاحب  منها؟
28: بطبيعتك بتفقد أصحاب كتير..ولا انك بتحب تحافظ على علاقتك فيهن؟
29: ممكن تضحي بأشياء غالية من أجل الصداقة؟
30: من فترة نزلت موضوع (قل لي من تصاحب أقل لك من أنت) وكنت حابب انك ترد عليه..وهلق بدي منك رأيك بهالمقولة؟
31: شخصيتك بالماسنجر بتحاكي شخصيتك الحقيقية..بس بالمنتدى بتختلف كتير..ليش؟؟
32: شو بتحب توجه رسالة لأغلى صديق عندك؟

على صعيدنا أنا وانت
33: بالأحوال العادية أنا وانت منختلف كتير عن بعض ومنختلف بوجهات النظر بكتير شغلات..والحمد لله صحبتنا موجودة..فشو هو السر برأيك؟
34: أنا وانت علاقتنا وصحبتنا كتير قوية وهالشي بعدو محصور ضمن اطار النت والماسنجر وقليل كتير لنلتقي..برأيك اذا عشنا مع بعض ممكن تستمر علاقتنا؟
34: شو هي الشغلات السلبية  يلي بتلاقهيا عندي وما بتبحب تاخدها..وشوهي الإيجابيات عندي وبتحب انك تاخد منها ؟
35: شو هي السلبيات يلي موجودة عندك وما بتحب انك تعطيني ياها.وشو هي الايجابيات عندك يلي بتحب تعطيني ياها؟
36: بتعتقد إنو علاقتنا متينة ورح تدوم ولا انها مجرد علاقة يتزول بسهولة؟

على الصعيد التعليمي:
1: أجمل فترة دراسية عشتها؟
2: شي كنت حابب انك تتعلمو  وما قدرت؟
39: شو هو الشي يلي بتحب انك تساهم بتعليمو للجيل الجديد؟
40: مهنة المدرس شو بتعنيلك؟

على الصعيد الثقافي:
41: انت حاليا بتقرا ولا لأ؟
42: كأني حسيت انك بتحب الكاتبات أكتر من الكتاب ليش؟
43: بتوقف عند نقاط معينة لما بتقرا ولا بتطنش وبتكمل؟
44: أجمل شي قرأتو؟
45: انت والشعر كيف؟

على الصعيد الآرتيني:
46: ساحات ما بتحب تفوتها؟
47: شو سر آرتين كافيه وليش بتحبو؟
48:أكتر قسم ناجح؟
49: قسم بتتمنى انو ينحذف؟
50: شو بتتوقع مستقبل لآرتين؟

26- عادي كتير
27- يلي متلنا تعوا لعنا من نفس طبقتي (المتوسطة)
28- لأ الحمد لله بحافظ علين لهلأ ما خسرت و لا صديق
29- ضحيت بكتير شغلات مشان الصداقة متل ما هني ضحوا كمان
30- بتذكر اني رادد عليه!! و قلتلك فيه انو هالحكي كان من قبل بس هلأ اختلف الوضع كتير يعني ما ضروري انو اذا كان رفيقك في الو فوتات و طلعات من برا لبرا ما تصير انت متلو الا اذا انت بدك تصير متلو. متل ما هوي معروف انو انا و عامر اصدقاء من فترة طويلة كتير و مع هيك في شغلات ما بحبها انا هوي بساويها و في شغلات هوي ما بحبها بساويها انا.كل واحد فينا في الو شخصيتو و طباعو الخاصة فيه و بيعرف شو الو و شو عليه
31- لأني ماني مضطر اني عرّف عن حالي لعالم لا بعرفن و لا بيعرفوني اما كل يلي عندي بالمسنجر بعرفن و بيعرفوني منيح كتير
32- سوا على طول
33- لأنو انا و انت بنتعلم من بعض و الحياة مدرسة
34- اي ليش لأ و بظن اي لأنو انا و انت بنفهم على بعض
34- انك ضعيف بعض المواقف!! انك مسالم و حباب و بتفهم
35- عصبي و لئيم، اني ما بتدايق كتير و بستقبل كل شي برحابة صدر (بطنش كتير)
1- الجامعة
2- الهندسة المعمارية
39- كل شي بحاول اني فيد غيري فيه ما بخبي شي انا بعرفوا عن الباقيين
40- بتعني التزام، اني قدوة لغيري، الصبر
41- حاليا لأ ما عم بقرا شي بقصد القراءة، بس عم بقرا بدون ما حس لأن شغلي كلو قراءة و عم اتعلم شغلات ما كنت بعرفها (مثلا باخد مشاريع ترجمة طبية، رياضية، سياسية...الخ)
42- لأ غلط هالشي بحب الكتّاب لأنن بيعرفوا الرجل بشو عم يفكر، بالأصل ماني قاري الا لغادة السمان و لأحلام و ايميلي بس بحبن لما بيكتبوا عن عاطفة الرجل.
43- اي بوقف عند نقاط معينة و بسجلن عندي
44- رواية مرتفعات وزرينع (ايميلي برونتي)، شيفرة دافنشي (دان بروان)، الصغيرة عند الشباك (تيتسوكو كورويا)  سأخون وطني + العصفور الأحدب (محمد الماغوط)، في جنازتي +البطل في زنزانة (غسان كنفاني)
45- مش و لا بد و من زمان ما شفتوا، ما كتير بحب اني اقرا شعر بحب الروايات اكتر مع انو عندي دواوين لكتير شعراء بس ما بقرا الا لنزار
46- بوح مشاعر اكتر الشي لأنو في علاك كتير و ساحة حوار لأنو ما فيو حوار منوب و الكل عم يحاول يفرض رأيو و هوي الصح و غيرو غلط و الفرنسي لأني ما بفهم شي علين
47- لأنو صاير المتنفس الوحيد للمنتدى ما قصة بحبو قصة انو ما بتلاقي فيه حدا عم يتفلسف
48- ارتين كافيه
49- و لا قسم مع اني كنت معارض انشاء القسم الديني
50- التطور لأنو احيانا عم لاقي افكار جديدة مثلا خدمة توزيع المحاضرات بالايميل فكرة جيدة و مفيدة للطرفين
و هلأ طلاع من راسي نعست كتيييييييييييييييير بكرا بكمل :mrgreen:
ابو حميد الوديع الحزين *1

_________________
التوقيع
مثل السمكة
قتلت ألف امرأة في داخلي و صرت
انت الملكة


أعلى .:. أسفل
 يشاهد الملف الشخصي  
 
  • عنوان المشاركة: Osama  يجلس على كرسي الاعتراف ...
مرسل: السبت تشرين الأول 10, 2009 12:00 ص 
آرتيني مؤسس
آرتيني مؤسس
اشترك في: 24 كانون الثاني 2008
المواضيع: 131
المشاركات: 3280
القسم: ترجمي
السنة: الرابعة
لا يوجد لدي مواضيع بعد

:: أنثى ::


غير متصل
- عصبي و لئيم، اني ما بتدايق كتير و بستقبل كل شي برحابة صدر (بطنش كتير


كيف زبطو كلون معك بفرد وقت  خود الاولييين يا التانكلون متناقضات ياالتانيييين

انا بقلك التانين
عصبي ولئيم فهمناها
بس  ما بتتدايق كتير
هاد دليل انك رايق مو عصبي
اني ما بتدايق كتير و بستقبل كل شي برحابة صدر (بطنش كتير
ممكن بس ما بتسكت بترد بالمثل :wink:


أعلى .:. أسفل
 يشاهد الملف الشخصي  
 
  • عنوان المشاركة: Osama  يجلس على كرسي الاعتراف ...
مرسل: السبت تشرين الأول 10, 2009 12:04 ص 
آرتيني مؤسس
آرتيني مؤسس
اشترك في: 24 كانون الثاني 2008
المواضيع: 131
المشاركات: 3280
القسم: ترجمي
السنة: الرابعة
لا يوجد لدي مواضيع بعد

:: أنثى ::


غير متصل
أسامة عدنا
اذا كانت قدامك بنت غامضة وبتلف بدور كتير متل بعض عالم :mrgreen:
كيف ممكن تتعرف على شخصيتها وهي عاجبتك مثلا
وجذبك غموضها اكتر  لتعرفها أكتر
شو بتعمل لتعرف طريقتها بصدق :roll:


أعلى .:. أسفل
 يشاهد الملف الشخصي  
 
  • عنوان المشاركة: Osama  يجلس على كرسي الاعتراف ...
مرسل: السبت تشرين الأول 10, 2009 1:26 ص 
آرتيني فعّال
آرتيني فعّال
صورة العضو الشخصية
اشترك في: 09 تشرين الأول 2008
المواضيع: 12
المشاركات: 1057
المكان: مدينة العظماء و الحب و الحرب "حمص"
القسم: English
السنة: خلصت من كل شي للأبد
لا يوجد لدي مواضيع بعد

:: ذكر ::


غير متصل
أحمد الدالي,  
اقتباس:
على صعيد المشاكل
51: بتعتبر حالك مشكلجي؟
52: اذا رفيقك نزل بمشكلة بتصير كفو دغري ولا بتحب تعرف شو السبب بالأول؟
53: بتحب تضرب كفوف كتير ليش؟
54: مشكلة بتتندم انك فتت فيها؟
55: مشاكل مستقبلية حابب انك تعملها؟

مواقــــــــــــــــــــــــف
56: أصعب موقف مريت فيه وما بتنساه؟
56: موقف محرج وما بتحب انك تتذكرو؟
57: إذا شفت رفيقك عميبكي..شو ردت فعلك؟
58: موقفك من الجهل بمجتمعنا؟

أسامة والمرأة:
59: شو بتعنيلك دموع المرأة؟
60: من هي المرأة المثالية؟
61: بتفضل جمال الشكل أو جمال الروح؟
62: مفهوم حرية المرأة عندك؟
63: كيف بتحب تتعامل مع كذب المرأة؟
64: امرأة من التارخ معجب فيها؟
65: بتحب ضرب المرأة؟ وهل تشعر بلذة بهيك شي؟

أسامة والطفولة:
66: مدى حبك للطفولة؟
67: بتحب الذكر أو الأنثى؟
68: في عالم بتحب تضرب الطفل مشان يبكي ويراضوه..انت هيك؟
69: مسؤوليتك اتجاه الطفولة شو هي؟
70: في شي مرة شفت طفل وتمنيت انو ترجع طفلوتك لتكون متلو؟

عدنا

51- كنت مشكلجي
52- ههههه بصراحة كنت كفو دغري و بدون ما اعرف شو السبب اضربوا للطرف التاني و ساويتها كتير بس آخر مشكلة مدري ليش حسيت اني ماني مضطر اضربوا يمكن لأنو اكل قتلة بدون ما اتدخل
53- لأنو اذا ضربت بوكس بدي ساوي فيه عاهة مستديمة (كنت لاعب ملاكمة) فبقضي الشغلة بكفوف
54- في مرة شخص عمل مشكلة مشان بنت!! و انا ما بضرب شب مشان اي بنت هي المشكلة الوحيدة يلي ندمت اني نزلت فيها
55- ما مشكلة بمعنى المشكلة بس حابب اني ارمي فتيشة بين تنين عم يحفرولي من تحت لتحت و خلين يتضاربوا بين بعضن و وقف اتفرج علين
56- لما اجاني خبر وفاة ابن عمي و كان عليي اني خبر أخي (صديقو) بوفاتوا
56- لما شافني ابي و انا على حيط المدرسة ساعتها تمنيت الأرض تنشق و تبلعني كان مفكرني ملاك نازل من الجنة سكارسة
57- بضربوا تسعين كف لأنو ما في شي مستاهل يبكي مشانو الا بحالة وفاة شخص غالي عليه بقعد ببكي معاه و بواسيه.
58- متل موقف كل الجيل الجديد يلي تفتح عالتكنولوجيا و ترك العادات السيئة. كره شديد و بحاول اني ساعد كل واحد جاهل بالشي يلي بعرفوا و بعطي كل شي عندي اياه بدون مقابل
59- ما في اشطر منن بالبكي لذلك ما بتنعيلي كتير، و ما بتأثر الا اذا شفت دموع ام على ابنها او زوجة على زوجها
60- الأم يلي بتحاول انها تربي ولادها بشكل صح
61- الجهتين سوا، ما بقدر حكي وحدة حلوة بس ما بتفهم و ما بقدر حكي وحدة بشعة بس بتفهم
62- امرأة حرة بالنسبة الي لحدود انها ما تجرح انوثتها بتصرفات طايشة او بلباس فاحش مع اني ما كتير بحب اعطاء حرية للمرأة بالأمور الرئيسية لأنها عاطفية زيادة عن اللزوم
63- بكذب اكتر منو، بعدين عالحلاق (يلي بيشوفني بعين ما بشوفو منوب و يلي بشوفني بعيونوا بشوفو بكل حواسي)
64- سيدتنا عائشة رضي الله عنها
65- لأ بس احيانا الواحد بيضطر و بتدايق و اذا ضربتا
66- كتير بحبا لأنها بتعني البراءة
67- الذكر
68- لأ.. انا بضرب لقوّي مثلا بضرب ابن اخي كتير ما مشان بكيه بس مشان ما يطلع نعنوع و يجي حدا ياكلو حقو
69- مساعدتو بكل شي بقدر عليه
70- اي ابن اخي يا زلمي عايش عيشة الملوك بيحسدوه عليها
 
اقتباس:
أسامة والمستقبل:
71: مشاريعك المستقبلية؟
72: من شو بتتخوف من المستقبل؟
73: في شي أشخاص مستقبلك متعلق فيهن؟
74: تجربة بتخليك تتفائل بالمستقبل؟
75: بتعتقد إنو المستقبل يلي راسمو إنو قريب منك؟

منوعــــــــــات
76: العالم بمجتمعنا بتحب الأكل كتير..وين ما مشيت بتلاقي العالم عمتاكل..شو رأكي بهالشي؟
77: منلاحظ بمجتمعنا إنو الانسان لما بصير كبير بالعمر بصر عندو حرص أو بخل..بتتوقع إنك بالمستقبل يصر فيك هي شي؟
78: انت مع أثر الثواب ولا العقاب؟
79: معتقدات خاطئة بتحب انك تغيرها؟
80: مثل بتحب انك تغير مفهومو؟
81: مقولة خاطئة بس بتحبها؟
82: شو بتعنيكل حمص؟
3: شو بيعنيلك قاسيون؟
84: شو رأيك بالتوقيع يلي كاتبو عامر الرشواني ؟
85: كيف بتتعامل مع تحليل الشخصيات؟
86: شو بيعنيلك الصمت؟
87: بتفضل المواجهة ولا التهرب من النقاشات المحرجة؟
88: أكترشي بخليك تعصب؟
89: شو قصتك مع اللون الأسود وليش بتحبو؟
90: شو بيعنيلك اللقب هادا((قلب الأسد))؟

أسئلة بايخة:
91: بتحب السهر أكتر ولا النوم؟
92: لما بتطلع بالميكرو بتطلع من قدام ولا من ورا؟
93: ماذا تتمنى هذه اللحظة؟
94: شعورك هاللحظة؟
95: هلوسلي شوية شوية؟
96: اكتبلي عبارة لأنك بتحبني؟
97: ليش بتقول كلمة((عادي)) كتير؟
98: كم مرة سبيتني وانت عتجاوب؟.. واستغربيت شي ليش ماني حاطط سمايلات بأسئلتي؟
99: حــــــزينـــــة؟

71- هلأ في عندي 3 مشاريع و الأول باشرت فيه نظريا عم اسعى اني استلم شركة قيد الانشاء و التاني روضة مع قاريبيني و التالت اني ظبط عسكريتي!! شايف شلون واقفة متل....
76- شعب جوعان و دابحو بطنو و الأمهات ما عم يعرفوا يطبخوا
77- اسمو حرص ما بخل!! اي رح صير حريص اني حط الليرة بمكانها المناسب
78- العقاب اكتر من الثواب
79- انن يساوو شي مانن مقتنعين فيه و عرفانين انن غلط و الايمان بكلام غير مقنع منوب بس لأنو طالع عن عادات مثلا بيقولولك لا تكب مي ساخنة بالليل بيطلعولك الجان!! (اي يا زلمي ما بتحمم الا بالليل و لا مرة طلعلي جني) لا تفتح و تسكر المقص مشان ما يصير مشكلة!! انا للجكارة بساويه شغلتي
80- لا تؤجل عمل اليوم لغد... أجلوا لبعد بكرا و لا تساويه اذا بتقدر
81- نفشوا و شوف ما اجحشوا
82- حمص بتعنيلي كتير طلعت و شفت كتير بس ما لقيت متل حمص و شعب حمص بحبا كتير
83- من زمان كنت اسمع بقاسيون و البطولات يلي صارت على هالجبل بس لما رحت لهنيك و شفت قصص الحب يلي مرت على هالجبل صرت اعتبروا رمز للحب
84- غريب عن جد
85- ما كتير بآمن فيه!! بس بحب اني اعرفوا لحب المعرفة
86- الصمت = بيعني الرضا و بيعني الحزن
87- لأ بحب اني واجه
88- انو واحد يستغبيني و يقعد يحكيلي حكاي و يفكر حالو فهمان
89- بالفعل بحب اللون الأسود كتيييييييييييييييير و بعتبروا سيد الألوان و في الو هيبة و بحب اللون الأزرق كتير كمان
90- بأيام السنة الأولى و التانية كان هادا لقبي!! و تلت ارباع رفقاتي كانوا حاطينوا اسمي بجوالاتن لأني كنت بالفعل قلب الأسد و كنت بقدر ساوي شغلات ما يقدروا يساووها منوب.... بس انت شو عرفك بهالشي؟؟؟؟
91- صراحة بحب الجهتين بس بحب النوم كتييييييييييييير
92- قليل كتير حتى اطلع بميكرو (ما بطلع فيه الا اذا كنت طفران او في معي وقت منيح) و ما بتفرق معي كتير من قدام او من ورا على حسب فضى الميكرو.
93- اني اقبض المصاري الموعود فين بكرا، و خلص الشغل يلي تورطت فيه مدري شلون
94- مع اني من نص ساعة فقت بس لساتني نعسان
95- يا زلمي في عالم مدري كيف بتفكر و قال يا بعدي على اساس هنن فهمانين
96- حسبها ما كانت في الهوى حسبها منام طار لحلم من غفوتك انسى الملام قلبا الي قاسي عمروا ما داق الغرام لا لا تندم عالهوا و تحلف يمين،، الي نساك انساه و الي هواك اهواه و الي قدر فرقاك تقدر على فرقاه لا تشتكي و تلوم عمر لحزن ما يدوم و العمر فيه كم يوم حتى نعيش بآه؟؟ و كبار على الجراح و ما راح عده راح
97- لأني باخد كل برحابة صدر و ما بتفرق معي كتير اذا كنت متدايق ع مصاري بقول عادي لأني عرفان رح تنحل اذا صار معي شي مشكلة بقول عادي لأني عرفان انو كل مشكلة و الها حلة. عااااااااااااااااااااااااااادي
98- هلأ لما شفت عدد الأسئلة بدون ما اقراهن اكلت مسبة بس و انا عم جاوب ما اكلت و لا مسبة لأن الأسئلة ما بدن شرح كتير واضحين و اجاباتن محددة، بتوقع يمكن لأنك كتبتن على مستند نصي و اذا بدك تحط لكل سؤال سمايل بدك تضل ساعتين. بس تفاجأت انك ما بتعرف تعد لأنو في غلط بالتعداد
99- لأ ... اضحك الصورة تطلع احلى
هلا ابو حميد الدرويش  *sla  :mrgreen:

_________________
التوقيع
مثل السمكة
قتلت ألف امرأة في داخلي و صرت
انت الملكة


أعلى .:. أسفل
 يشاهد الملف الشخصي  
 
  • عنوان المشاركة: Osama  يجلس على كرسي الاعتراف ...
مرسل: السبت تشرين الأول 10, 2009 1:49 ص 
آرتيني فعّال
آرتيني فعّال
صورة العضو الشخصية
اشترك في: 09 تشرين الأول 2008
المواضيع: 12
المشاركات: 1057
المكان: مدينة العظماء و الحب و الحرب "حمص"
القسم: English
السنة: خلصت من كل شي للأبد
لا يوجد لدي مواضيع بعد

:: ذكر ::


غير متصل
ابراهيم محمد,  
اقتباس:
يحرء حريشك أبو حميد شو هاد كلو .       
ال فايت ومجهز شغلة 20 سؤال بس وين رايح أنا خلص خليه يخلص من أسئلتك وبعدين لكل حادث حديث
معليش حبيبي أبو السيم طول بالك والأعمار بيد الله ناطرين اجاباتك على أبو حميد

لا و الله اسألتو اسلس من اسئلتك انت بدك صفنة حتى الواحد يقدر يجاوب علين اما اسألتو هيك فورا سريعين  *sla
سحر,  
اقتباس:
عصبي و لئيم، اني ما بتدايق كتير و بستقبل كل شي برحابة صدر (بطنش كتير


كيف زبطو كلون معك بفرد وقت  خود الاولييين يا التانكلون متناقضات ياالتانيييين

انا بقلك التانين
عصبي ولئيم فهمناها
بس  ما بتتدايق كتير
هاد دليل انك رايق مو عصبي
اني ما بتدايق كتير و بستقبل كل شي برحابة صدر (بطنش كتير
ممكن بس ما بتسكت بترد بالمثل

بيزبطوا معي لأنو اول شي ما برد و عادي كل شي بس اذا كانت فاقعة معي ساعتها ما بسكت منوب و برد الصاع صاعين
سحر,  
اقتباس:
أسامة عدنا
اذا كانت قدامك بنت غامضة وبتلف بدور كتير متل بعض عالم  
كيف ممكن تتعرف على شخصيتها وهي عاجبتك مثلا
وجذبك غموضها اكتر  لتعرفها أكتر
شو بتعمل لتعرف طريقتها بصدق

و الله بدو صفنة ام الخمسة هالسؤال
بحاول اول شي راقبها من بعيد لبعيد بعدين بحاول ارميلها شي كلمة و انا ماشي (ما تلطيشة) مشان اعرف شو موقفها من الكلمة و شلون رح تفسرها بعدين  بشوف شي رفيقة الها تكون خفيفة و بتقرب الها عن طريق رفيقتها..... هادا يلي طلع معي هلأ
هلا سحر  *1

_________________
التوقيع
مثل السمكة
قتلت ألف امرأة في داخلي و صرت
انت الملكة


أعلى .:. أسفل
 يشاهد الملف الشخصي  
 
  • عنوان المشاركة: Osama  يجلس على كرسي الاعتراف ...
مرسل: السبت تشرين الأول 10, 2009 2:13 ص 
آرتيني نشيط
آرتيني نشيط
صورة العضو الشخصية
اشترك في: 06 أيلول 2009
المواضيع: 21
المشاركات: 467
القسم: EN
السنة: Third
لا يوجد لدي مواضيع بعد

:: أنثى ::


غير متصل
لكل شاب هموم ....... عندما تتثاقل همومك ولا تستطيع حملها الى من تلجىء ؟؟ 8)

لكل شاب طموح يرغب في الوصول له ماذا تفعل  عندما تجد طموحك يبتعد يوما بعد الآخـــــر ؟  *ورود

لكل انسان واقع قاسي وحقيقه مره هل  اسامة من الأشخاص الذين يهربون من الواقع
ولا يواجهون مشكلتهم ؟ :roll:

مالذي يشعرك بأكثر قدر من الحرج. :oops: ..؟؟

-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟ :arrow:


من فترة دينتك 500 ورقة ايمت بدك ترجعون؟؟ :mrgreen:

*1 منتظرة الجريدة
*1


أعلى .:. أسفل
 يشاهد الملف الشخصي  
 
  • عنوان المشاركة: Osama  يجلس على كرسي الاعتراف ...
مرسل: السبت تشرين الأول 10, 2009 2:31 ص 
آرتيني جديد
آرتيني جديد
صورة العضو الشخصية
اشترك في: 03 آب 2009
المشاركات: 15
القسم: اللغة العربية
السنة: الرابعة
لا يوجد لدي مواضيع بعد

:: أنثى ::


غير متصل
انت شخص غريب نظرتك للمرأة ورأيك فيها و بدموعها ظالم شوي

يمكن بسبب تجربة أو تجارب الحب اللي مريت فيها انت

بس هذا ما يعني انو كل البنات مثل بعض مثل مو كل الشباب مو مثل بعض (كلامي صح؟)

*ممم

_________________
التوقيع
ألا كل ما خلا الله باطل


أعلى .:. أسفل
 يشاهد الملف الشخصي  
 
  • عنوان المشاركة: Osama  يجلس على كرسي الاعتراف ...
مرسل: السبت تشرين الأول 10, 2009 2:33 ص 
آرتيني جديد
آرتيني جديد
صورة العضو الشخصية
اشترك في: 18 تموز 2007
المواضيع: 8
المشاركات: 43
المكان: مجهول
القسم: اللغة الانجليزية
السنة: الرابعة
لا يوجد لدي مواضيع بعد

:: ذكر ::


غير متصل
اول شي مرحبا كيفك اسامه انا صديقك وحابب اعرف كم شغلة ممكن ؟؟:
1. شو بعنيلك انا وشو مدى اعترافك فيني كصديق؟
2. هل انت راضي عن شي موقف صار معي منك وانا عم ذكرك فيه دائما ؟؟
3. شو رأيك بالشب اللي بشجع فريق من غير محافظته ؟ هل يعتبر خائن ؟
4. إزا اتصلك صديق وانت بالملعب وكان معصب من تصرف تصرفته انت بالملعب وعم يبهدلك شو بترد عليه ؟
5. هل أسامه معتبر حاله ملك زمانه ؟
6. شو حليت رفقاتك عالتخرج؟انا ما شفت شي ...
7. إذا حددت موعد زواجك في شخصيات معينة بالجامعه رح تعزمها وليش؟؟
8. إذا صاحبك بده مساعده هل تستغله ماديا ؟ إذا بتعرف احواله ماشي حالها؟
9. شو رأيك بشخصيتي كطالب؟
10 . إذا سألك صاحبك بالمنتدى شو رأيك بشخصيتي كطالب ؟ رح تجاوبو بصراحة؟
11. هل كنت متوقع مني أني إسألك غير هالأسئلة بعد المكالمة الأخيرة بيننا ؟؟
12. هل كنت متوفع من اني اسألك بشكل عام ؟

وشكـــــــــــــــــــــــرا وتقبل مروري ... *Hi

_________________
التوقيع لا تقــــل للـــرب إن همـــي كبيـــر .....بـــل قــــل للهــــم إن ربـــــي كبيــــر ....


أعلى .:. أسفل
 يشاهد الملف الشخصي  
 
  • عنوان المشاركة: Osama  يجلس على كرسي الاعتراف ...
مرسل: السبت تشرين الأول 10, 2009 12:15 م 
آرتيني مؤسس
آرتيني مؤسس
اشترك في: 15 نيسان 2007
المواضيع: 68
المشاركات: 4580
المكان: حماه
القسم: E
السنة: ماستر/ELT...
لا يوجد لدي مواضيع بعد



غير متصل
انا هوون لقلك وجعتلي قلبي ... طلوب بريك من ثائر ... :mrgreen:  :mrgreen:  :mrgreen:

_________________
التوقيع
There is no easy walk to freedom anywhere, and many of us will have to pass through the valley of the shadow of death again and again before we reach the mountaintop of our desires.
 
Nelson Mandela
 


أعلى .:. أسفل
 يشاهد الملف الشخصي  
 
إرسال موضوع جديد هذا الموضوع مغلق ، لا تستطيع تعديله أو إضافة الردود عليه  [ 59 مشاركة ]  الانتقال إلى صفحة السابق  1, 2, 3, 4, 5, 6  التالي

جميع الأوقات تستخدم GMT + ساعتين [ DST ]


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
cron

جميع الحقوق محفوظة لـ ©2012Art-En.com . تصميم بواسطة Art-En . راسلنا . سياسة الخصوصية . قوانين المنتدى
Powered by phpBB© . Translated by phpBBArabia