ثـــائـــر,
انت و احمد دالي حسابكن بعدين و خصوصي انت حسابك يوم الخميس
اقتباس:
1- ماهو اسمك الحقيقي بالكامل ؟؟
2- الشهادات الحاصل عليها و مجالات العمل الحالية ؟
3- عدد أفراد الأسرة ؟
4- بدي منك 3 صفات لعامر الرشواني بشرط تكون وحدة سلبية ..
5- عطيني رأيك بكرسي أبو حميد ؟؟؟
1- اسمي ممدوح أحمد الأحمد بس بيدلعوني باسم اسامة زكريا
2- سرتفيكا بعدين تاسع بعدا بكلوريا اخدت بكلوريس انكليزي و دبلوم تأهيل تربوي و حاجتي دراسة لأني ما بقى طيق فوت قدم فحص بأي شي و حاليا بشتغل استاذ بمدرسة محمد امين القاعي بالقصور و مستلم قسم الانكليزي بمكتبة زيوس و مترجم نادي الكرامة و المنسق الآسيوي للنادي كمان و مدير مكتب د. فهر كالو و في مشروع جديد بدي فوت فيه حتى يزبط ببقى بقولو
3- نحنا 3 شباب و انا الرابع و مافي بنات منوب
4- وفي، بيفكر صح، بعض تصرفاتو ما بحبها
5- شغلة كبيرة ذكرني ببيت خالتي
ابراهيم محمد,
اقتباس:
عن جد قلبي معك ورح كون متضامن معك وما اسألك إلا كل 20 سؤال سوا خطي مشان تعرف تجاوب وتلاقي وقت
هلا برهوم و الله انا ماني خايف الا من الوقت
اقتباس:
س1: عد ثلاث من الميزات الحسنة التي يتميز بها اسامة مع الشرح بسطرين لكل ميزة:
ما بيصير الواحد يمدح حالو... بس بقلك اني بفصل بين العلاقات الشخصية و بين الشغل و بحاول اني اتفهم كل اعمار العالم يلي بشتغل معن و يلي بقلبي على راس لساني "ما بحب اني خبي شي بقلبي" (مسبة مثلا
اعجاب اذا عجبتني شي شغلة او شي بنت بقول انو عجبتني
) ما يهمنيش حاجة دنا بلعب بلياردو
و اخر شغلة اني بستفز يلي قدامي مشان اعرف شو بدو مني ..... و بتاخد الجواب على سؤالك من الشباب يلي بيشتغلو معي
اقتباس:
س2 : عد ثلاث من الميزات السيئة التي يتمتع بها أسامة مع الشرح بسطرين لكل ميزة: - في حال عدم وجودها يمكنك أن تذكر ذلك -
1- لئيم: اذا عمل شي واحد فصل ناقص معي ما بنساه و ما برتاح حتى ردلو اياه
2- ما دقيق بالمواعيد: اذا قلتلك بشوفك عالساعة 12 مثلا انت لحالك لازم تعرف اني رح فوت 12 و نص او وحدة و الكل تعود على هالشي بس طبعا ما قصدا هيك بساوي بس لأني بالفعل بكون مشغول كتير
3- عصبي زيادة عن اللزوم: اذا تدايقت من شخص و كان قدامي ممكن اني اضربوا و ما بتفرق معي مين من كان و وين من كان
اقتباس:
س3: (بكفي فصحى ) اذا كنت مقتنع بشغلة لحد كبير جداً واجا عليك أكتر من شخص قالولك انو انت غلطان وما ذكرو أي دليل فيا ترى ممكن تتراجع عن رايك وليش ؟
قصدك حاجتك فهمنة
برجع بفكر فيها بيني و بين حالي و اذا ضليت مقتنع فيها بساويها و لو حتى كان في أدلة المهم انا مقتنع فيها
اقتباس:
س4: في متل بقول : ( ألف عين تبكي ولا عين أمي تدمع) شو رأيك بهالمثل ويا ترى انت بتآمن فيه ؟
مثل عملي و واقعي جدا و بآمن فيه بس بشكل اني ما ضر غيري
اقتباس:
س5: كم مرة قلت بحبك؟ ( سؤال اجباري)
كتييييييييييييييير بقول لأمي بحبك باليوم شي الف مرة و بقولها لولاد اخي كتير كمان سؤالك غلط كان لازم يكون لكم بنت قلت بحبك؟؟؟
اقتباس:
س6: فيك تقول عن حالك انك ناجح بحياتك ؟ اذا كنت ناجح لشو بترجع سبب النجاح واذا قلت انك فاشل بحياتك ( لا سمح الله ) فشو هو سبب الفشل وشو ممكن انك تعمل حتى تحول الفشل لنجاح؟
الحمد لله وضعي منيح و ما فتت بمشروع الا و طلعت منو بنجاح اكتر من يلي متوقعو و اذا كنت ناجح هادا بفضل الله عليي و دعاء امي و ابي و شغلي على حالي و اذا كنت فاشل هادا بسببي و حتى حول فشلي لنجاح بضل عم اشتغل على حالي حتى اتقن الشغلة يلي فشلت فيها مع اني ما بنكر اني فشلت بمجال واحد بحياتي بس ما رح قولو
اقتباس:
س7: شو أكتر شي غيرلك شي بحياتك ؟
طريقة تفكيري
اقتباس:
س8: شو بيعنيلك آرتين؟
بيذكرني بأيام مشتقلها كتير و كل ما بلاقي حالي فاضي بفوت عليه
اقتباس:
س9: عامر الرشواني متل ما بعرف أعز صديق الك لو فرضنا انو من دون قصد غلط معك غلط كبير فيا ترى رح تسامحو فوراً ولا رح تعذبو شوي ؟
كلنا بنغلط... و ما حدا منزل من السما لذلك بسامح عامر بس بعذبوا شوي مشان يحس بقيمة الغلط يلي ارتكبوا
اقتباس:
س10: انت بتكذب؟؟ وشو المواقف اللي ممكن انك تكذب فيها ؟؟
ليش مين ما بيكذب؟؟؟ كذاب يلي بقلك انا ما بكذب بس كذبة عن كذبة بتفرق و بكذب بالمواقف يلي بتفيديني و ما بتضر غيري
هلا برهووومة بانتظارك حبيبنا
#هبة#,
اقتباس:
صفة متواجدة في المجتمع تكرهها؟
الاتكيت زيادة عن اللزوم، و يلي بيقعد بيتفهمن زيادة عن اللزوم مشان يبين انو فهمان، و التدخل بشؤون الغير
اقتباس:
مالينبوع الذي لاينضب في حياتك ؟
أمي بعتبرها الينبوع يلي مستحيل يبضب بحياتي كلها
اقتباس:
الشخص المحترم في المنتدى .....
على سلامتن... معظمن محترمين ما بيخلى الأمر من الجلاميئ
رح غير بسؤالك شوي و قول مين من الاشخاص يلي ما بتعرفن شخصيا بتحسو محترم؟ و جوابي بيكون عبير مع احترامي للباقين بس هلأ عبير يلي خطرت ببالي
اقتباس:
القلم المميز .....
في كتير عالم بتكتب و كتاباتها حلوة كتير منن (عامر، موون لايت، Nawalq، ريمة) هدول متذكرن لأني كمان من زمان ما تابعت كتابات جديدة
اقتباس:
القلم المثقف .......
قاسم العيسى، و نعيم بالانكليزي
KMA و عصام بكرة القدم
ابراهيم و فارس بالالكترونيات
انا عم بحكي بالمجالات يلي بتابعها و كل واحد فينا بيمتاز بشغلة على التاني
اقتباس:
القلم االممتع
بتابع الكل بدون استثناء بالأخص الأحمد الدالي
بانتظار باقي الدفعات بس يا ريت يصيروا كاش
عصام,
لك دخيل ربك يا عصومة... احلى عصومة و الله
سيرين,
اقتباس:
شوف شو هالدعم من قبل عصام
بس شو ألك بالحكي ... كرسي ملوك و الله
و أكيد هي من معزة عصام لألك
اذا عاجبك تقعدي عليه؟؟ انا ديمقراطي كتير و بتنازلك عنو اذا بدك *la
عصومة حياتي و هوي كمان الو معزة و خاروف عندي
اقتباس:
خلص و لا يهمك مجرد ما تخلص الليستا بنزلها
بس قلت لأترك أسامة يرتاح شوي بالأول
بانتظار الليستا و مشكورة
عبيدة,
اهلا و سهلا.... انا بالنسبة الي الاضاءة ممتازة
بانتظارك
fofo star,
اقتباس:
ياحرام...شو هالكرسي...والله بخوّف...
الله يعينك ويمرّق هالجمعة على خير....
رح اسألك هلأ كم سؤال وبرجع انشاء الله...
1-شو اكتر شي بالبنت بيلفت انتباه اسامة؟؟
2-هلأ اسامة عايش بحالة حب؟؟
3-شو اكتر كلمة بيكره اسامة انو يسمعها من الجنس الاخر؟؟
4-بس بفيق اسامة...ويفتح عيونو...شو بيحكي بينو وبين حالو؟؟
5-وقت بدك تاكل بتقول بسم الله؟؟بصراحة...
6-اسامة مقتنع بحياتو ولا في شي مو عاجبو فيها؟؟
حاجي هلأ ....سنعود بعد قليل...
الله يسلمك يا رب
1- اذا ما بعرفها اول شي بيلفت نظري شكلها بعدين حكيها و طريقة تفكيرها و ثقافتها و اذا بعرفها فطريقة تعاملها مع الجنس الآخر لأنها بتكون اجتازت المراحل الماضية
2- لأ
3- و انا كمان، اجاني عريس
4- لو بقدر نام شي نص ساعة زيادة، استعنا عالشقا بالله
5- صراحة لأ بس من هون و رايح رح صير سمي
6- الحمد لله مقتنع لدرجة 80%
و انا بانتظارك
Hiba,
اقتباس:
1- عفوا كيف بتتعامل مع جئ ولوص بنات وشباب الجامعة؟
2- شي نهار فكرت انك تعطي ع رفقيك عامر؟
3- شو رأيك بمستوى الردود للاعضاء المشاركين باريتن بتناسب تفكيرك (مع احترامي للجميع)؟؟
4- بتعامل الناس بطريقتك ولا بالطريقة يلي بحبوها؟
5- موضوعك يلي يمكن يوصل للعشر صفحات طالع عن كتر اعداءك ولا عن شعبيتك ؟؟
6- شخص بتكره بتقصه او بتخلي لحاجة ما ؟؟
7- حياتك ورقة مشكوفة أو عندك غموض؟
8- صريح أو جارح ؟؟
9- يا ترى تفكير الشخص عندك بعمره او تجاربه او ذكاؤه او فهمه ؟؟
تقبل اسئلتي ومروي
1- ما باخد فيه منوب لأنو بيضل جئ و لوص و لو بدي آخد فيه كانت صارت مجازر
2- اوووووووووه انا يلي بعطي عليه بس يا قدامو يا بمعرفة مسبقة منو
3- صراحة لأ و احيانا بقعد بضحك على هالمساخر يلي عم تصير مع تقديري لعالم الن مكانتن
4- لأ بطريقتي و في عالم لازم تعامليها بطريقتها يعني في بعض عالم بتكون شايفة حالها عالفاضي بحب اني قصلها جناحاتها و في عالم محترمة ما بقدر الا اتعامل معها باحترام اكتر
5- اعداء!!! و الله ما بعرف شو بدي قلك بس بظن اني ما غلطت بحق حدا حتى يصيرلي اعداء مع انو في عالم بتكرهني
بالسمع..... و لا كمان شعبية لأني ما كتير بشارك و ما كتير بعرف عالم بارتين يعني يلي بعرفن بشكل شخصي بينعدوا عالاصابع.... بس المحبة من الله
6- بقصه و بقص هالحاجة يلي بدي اياها منو
7- حياتي مكشوفة بنسبة 60 % للعموم 70% لأهلي و رفقاتي 80% للمقربين جدا و الـ 20% ما حدا بيعرف شي عنن
8- الجهتين سوا... ما بخبي شي بقلبي منوب و ما بخاف من حدا
9- بنجاحوا بتجاربوا يلي مر فيها
مية اهلا و سهلا