مرحبا جميعا عنجد أنا كتير اسفه لأني تأخرت بالرد ع الأسئله بس والله المنتدى ما كان يفتح معي
سوري والله
و هلأ رح انتهز الفرصه و جاوب..
أنس الدالي,
هلا ..الله يبارك فيك وانشالله عقباالك ومشان الحلوان بتكفي أجوبتي مو.؟؟
اقتباس:
1- قديمآ كنت لاحظ لألك مشاركات بقسم بوح المشاعر حتى خواطر
شو السبب الي خلى عزة تبعد عن كتابة الخواطر ..؟
اي بالفعل أنا بشكل عام ما كتير كنت عم شارك بالمنتدى الفتره الماضيه .. لأنو ما عندي نت بسورياوبشكل خاص ببوح المشاعر في سببين:
بصراحه.. بستحي أبدي رأيي بكتابات الأخوه هون
بحس ما بعرف عبر متلن
و كمان ماعم لاقي التشجيع اللي بدي ياه.. يمكن لأنو بعدني مبتدأه
بس انشالله هالغيبه مارح طول وبرجع بكتب ببوح لمشاعر لأنو انا بجد بحاجه لهالشي
ولارائكم العظيمه
اقتباس:
2- اذا طلبت منك تقوليلي كلمة وحدة عنك غير كلمة ايف
شو بكون ردك ..؟
بكلمه وحده.. ( غير عاديه)..
اقتباس:
3- ايف البنت الي بتحاول تبحث عن الابتسامة وان دل هذا الشيء يدل على مدى تفائلها بالحياة ..
هل ايف بنت متفائلة دومآ ..؟
صح حكيك بحب الضحك و الفرح ..وأنا بشكل عام متفائله.. بس ما بنكر أنو بتمر عليي مواقف بيأس فيها و بفتقر للتفائل بس الحياة ما بتحلا إلا إذا تفائلنا
اقتباس:
4- متى تفرح عزة ومتى تحزن ومتى تبكي ..؟
بفرح لما كون مع اللي بحبن و لما بحصل ع اللي بدي ياه ..
بحزن .. لما دايق حدا ومو بقصدي
وببكي .. وقت السفر والوداع
اقتباس:
ولنا عودة ان شاء الله
اهلا وسهلا أنا بانتظارك
بانة,
اهلا وسهلا نورتي والله
اقتباس:
الكرسي حلو كبير وواسع , مو إلك لحالك
من آرتين .... مين بتختاري شخص يقعد معك على كرسي الإعتراف ؟
يا سلام بختار الشخص اللي بعدي بالتصويت (هبوش)مشان يكون الها نص الاسئله
اقتباس:
و بهالأجواء الحلوة والواقعية ومن حياتك الخاصة .. كمان مين بتتمني يقعد معك على هالكرسي (بس مو للإعتراف ) ؟
ما بعرف شو بدي قلك بصراحه لهلأ مافي حدا بتمناه معي عالكرسي الحلو..بس أنو الشخص اللي بحبو وبيحبني بالمستقبل لأنو الكرسي رومنسي صراحة ..
اقتباس:
( أطلقي العنان بمخيلتك )
لا ازا بدي أطلق العنان بيصير مصايب
اقتباس:
1- ليش ؟ (جاوبيني شو ما بيخطر عبالك بس ما تقوليلي : هيك )
(ومن دون هيك والله صعبه)*ممم
ليش؟؟... لأنو هيك أفضل شي
اقتباس:
2- مين ؟
نحنا كلنا
اقتباس:
3- لأي حد ؟
لحد الجنون لحد ما يخلص الكون
اقتباس:
4- مين المسؤول ؟
ضميرك
اقتباس:
5- معقول اللا معقول يصير معقول ؟ وليش ؟
طبعا معقول لأنو اللامعقول لازم يصير معقول مشان يجي لامعقول جديد مو؟؟
اقتباس:
مبدئيا هدول أسئلتي , وحسب أجوبتك بقرر إذا إلي عودة أو مالي عودة ... بس متابعة
تقبري ألبي يا بانه شو هالاسئله
انا جاوبت ع قد ما فهمت من أسئلتك
ناطرتك اي