Python,
سؤالك مانو محرج والجواب.. أكيد ماما لأنها كانت أب وأم بالنسبة قلي وانا من دونها ولا شي..
sleman alhasan,
اقتباس:
1-هل الشيئ الغير معروف صعب المنال ويبقى غير معروفا بنظرك؟
الشي الغير معروف.. سهل المنال لانو واقع ومكتوب قبل مايصير(اذا هيك كان اصدك مابعرف) ..والنص التاني مافهمتو؟
اقتباس:
2-هل الفتيات بنظرك سهلات المنال بنظر الرجال ام الرجال سهلين المنال بنظر الفتيات(من الناحية العاطفية) ام لا هذا ولا ذاك؟
هيك صح وهيك صح ..بتوقع الطرفين هيك بيفكرو..
اقتباس:
3-هل جربت الانتقام بغض النظر عن طريقته او سببه؟
أكيد لاء ..
سحر,
اقتباس:
ليش اسمك هيك انون
(قصة طويلة)..و لأنو هيك اكتر شي مناسب لشخصيتي..
اقتباس:
شو هي أكلتك المفضلة؟
الرز..
اقتباس:
وقت بتكون معصب او دايقة خلاقك مازا تفعل ؟
اذا معصب.. بطلع من البيت أو بحاول هدي حالي ..اذا دايق خلقي بتسلى بأي شي..
اقتباس:
من اقرب شخص الك من عيلتك؟
ماما أو جدي
اقتباس:
شو هي البلد الي قدرت نزورها؟
ولا شي كلشي بعرفو حمص حماه حلب
اقتباس:
ما رأيك بهذه الحكمة اذا لم تكن ذئبا ف أنت حيوان أخر؟
أول مرة بسمع هيك شي ..بس أكيد صح.. وللاسف الارانب صارت أكتر من الذئاب ..والذئاب ماكانت تشبع..(وياريت فيني وضح أكتر)
اقتباس:
شو رايك بقيادة الفتاة للسيارة؟
عادي ..وين المشكلة..
اقتباس:
شو بتتمنى تغير بحالك اذا قدرت؟
ولا شي ..
اقتباس:
باي مدينة انت؟
حماه
اقتباس:
شو رأيك ب آرتين وفارس؟ بلا تمسيح جوخ ها
له يا سحر أنا شو عاملك هيك سؤال ممكن يكلفني عضويتي
..
..ارتين ممتاز وحلو وتعودت عليه كتير ومافي شي غيرو في الا اذا بطل يعطل كل أترة والتانية..بالنسبة لفارس مابعرف شي عنو بتمنى السنة الجاية أتعرف عليه..وبجهلو تحية ..
LILAC,
اقتباس:
لونك المفضل؟
أزرق ..وبالنسبة للبس أسود ..
اقتباس:
اكتر سنة او فترة كانت مميزة بحياتك و اكتر سنة سيئة؟
المميزة ..السنة الماضية ..(لأنو صار معي كتير شغلات حلوة)..أكتر سنة سيئة
يلي قبلها..(..)..
اقتباس:
شو بتعمل باوقات فراغك؟
بالنادي.. بس هلئ رجلي واقع عليها ف بالبيت أنا دائماً (تقريباً)
اقتباس:
شو نوع موبايلك؟
هادا أغرب سؤال..
..بس حالياً ماني شايل شي
اقتباس:
بتحب السفر ؟اذا اي ,اي بلد بتحلم تسافر عليه وليش؟
اي..مصر..مشان الاهرامات..
اقتباس:
قديش نمرة رجلك؟
لاء لحظة هادا أغرب سؤال..
..
43..
اقتباس:
شو اكتر مادة كنت شاطر فيها بالمدرسة؟
قولي شو هية المادة الوحيدة يلي شاطر فيها..
.. وهية الانكليزي..
اقتباس:
سؤالي الاخير بتمنى تتخيل حالك عنجد بالموقف و تجاوب بصراحة
اذا كنت ماشي بغابة لحالك وطلعلك ذئب بنصف الطريق شو بتعمل
حسب..اذاكان معي سلاح بقتلو..اذا الذئب صغير بهرب..(أكيد كلنا منعرف ليش)
اذا كان نايم بكمل طريقي..اذا كان لازم ضروري أوصل على الطرف التاني وكان في سبب قاهر ..فأكيد رح حاول مو بكل الطرق حتى ولو كلفني هادا الشي حياتي
خالد الهبل,
اقتباس:
هل أنت بالطبيعة انسان بيخوف؟؟
لاء أنا كتير حباب.. وهادا عنجد أغرب سؤال بدون اي منافس..يامحلى سؤال نمرة رجلي..
..
اقتباس:
غامض؟؟
شوي..بس يمكن كل انسان عندو أسرارو..
اقتباس:
وحداني, تحب العزلة؟؟
اي كتير..
اقتباس:
يعني بطبيعتك أنت شرس فينا نقول؟؟
بصراحة ها؟ ههههههه
أحياناً بس انت ماتعصبني..
..
ملاحظة:أنا انسان
أنس الدالي,
هلا فيك انس ..أكيد ما رح أرفض اي سؤال..عشرط..مايكون متعلق السؤال بنمرة رجلي أو كم ايد قلي وكم عين عندي..