ماشي شكرا" على التوضيح وأنا بعتذر من حضرتك

انا بالأساس ماحملت الشباب  المشكلة  اذا بتشوفي الرد  وانا القضية مو سياسية ولا شي انا القضية ألي بحكي عنا هيي كل شي الإنسان يؤمن فيه ويمكن معك حق بجوز نوع من انواع التعبير  وانا وصفت انو نحنا انا ما فصلت حالي أنا واحد من ناس كتار وشباب كتيير ضايعين  وعنجد ضايعين بكل ماتعني الكلمة من معنا  
ويمكن تنكيت متل ماحكيتي انا مو عم احكي  على حادثة بس شي  مكرر كتيير

ومن شان  الحكم الخارجي هاد أحسن مكان الواحد يحكي فيه رأيو ويطلع ألي جواتو
انا مو عم احكم حكم خارجي أبدا" على أي شخص أصلن مين انا احكم على شخص
بس سؤال انو الواحد على شو بيحكم على شخص من خلال أراء وأفكار هاد يمكن حكم مو سطحي أو خارجي بس رأيك وأنا بحترمو
وأهلن وسهلن بحضرتك نورتي

سلام يا اخي العقل زينه
ومبروك الكرسي وانا حابه اسألك كام سؤال
1_ما هو السؤال الذي اذا سألك اياه حدا بتحذفوا او ما بتجاوب عليه وشو السبب لحذفك السؤال او الي منعك من الاجابه عليه؟
2_شو هوي الأمرالي بتتمنى يرجع الزمن لورا حتى تغيروا؟
3_شو هوي الامر الي بخليك تغضب؟
4_بنسمع كتير ناس بيقولو والله العقل زينه ...شو رأيك بالناس الي بيقول  
(قد تأتيك النصيحه النافعه على لسان مجنون)؟
5_من هم الاعضاء الذين تتمنى ان تقابلهم شخصيا؟ومين هنن الاعضاء الي بتحسن غامضين_ومين الاعضاءالي بتحب تابع مواضيعهن؟
6_احكيلنا عن موقف صار معك وزعجك ولهلأ كل ما بتذكروا بتنزعج؟
7_شو بتقول حول:
   *_الغربه
  *_البحر عند الغروب  
   *_فيروز عند الصباح
  *_المطر
  *_الأب الذي توفي ابنه  
  *_المرأه المطلقه
8 _بدي تحكيلي عن علاء سليمان بجمله بسطرين بصفحه المهم من خلال الكلام نشعر انو نحنا عرفنا كل شي عنك او بالأحرى نقول هاد هوي العقل زينه
9_اذا داقت الدنيا فيك وحسيت حالك مخنوق شو بتقول بينك وبين نفسك ولمين بتحب تروح بعدها؟

وشكرا الك كتير  اخي الكريم وآسفه اذا كانت اسئلتي كتيره تقبل مروري

صراحة ما في يعني انا ما بخجل من اعمالي او وضعي فا دائما" جاهز للرد وبصراحو وماعندي شي متل ما بقولو استحي فيه

صراحة أنا مابطلع لورا كتيير يمكن بكون هالشي غلط أحيانا" فا اي شغلة عملتها ما بندم عليها ولو كانت غلط يعني لم يكن بالإمكان احسن مما كان

التعصب الأعمى للفكرة

المجنون برأيي عقلو أحسن من غيرو بكتير

عبيدة أكتر شي مع أنو أصدقاء
الغموض أمر نسبي بس  انا ما بحس حدا غامض لأني بحاو أفهمو من وجهة نظري
كتييرين  

صراحة مرة حسيت حالي أناني بموضوع  واتصرفت بطريقة انو انا كون مرتاح فا من يومتا وكل مابذكروا بنزعج

الفقر بالوطن غربة والغنى بالغربة وطن

حلو بس  صراحة مو كتير بأثر فيي بحبو بس يكون هايج أكتر


رائعة كما هي عند المساء

كرم الخالق في المطر

الحياة ما بتوقف عند موت حدا

متل الغير مطلقة

هوي هون المشكلة واحد مافيه يحكي كتيير عن حالو
بس أنا بشكل عام فوضوي يعني عايش لحالي فا غراضي كلها مزتوتة وين ماكان بحب اقرا كتب كتيير  وخصوصا" كتب أدبية وتاريخية عندي ادمان فيروز وزياد بشكل كامل  بحب كون لحالي أكتر الأوقات وبرتاح بس كون لحالي يمكن متل ما بصنفوني جامد شوي وغير رومانسي  بحب اضحك  كتيير ما بحب الزحمة بحب الرواق منيح هيك؟

عادي هيي دنيا
مابروح لمحل بس كون مزهوج بحب ضل لحالي
هوي شوي أسئلتك طويلة بس استمتعت بالرد عليها
أهلن وسهلن

شكرا" ألك بتمنى كون هيك بس انا بجاوب ألي بحسو وهاد رأيي بالعادة بكون ما بحب أجرح حدا بس مابحب كمان كون عم احكي حكي فاضي

صراحة الجرأة بس تكون في اطار الحدود انو عدم الجرح انا معا بس ساعت بوصل لحد الجرح برأيي ما صار اسما جرأة بتصير وقاحة بس انا مابدخل من شان ماجامل يعني اذا وقفت عن حكي رأيي مو معناتا جامل مابعود احكي بالموضوع بالمرة

العقل. إلي هوي ما بينفصل عن الأوامر الألهية
شكرا" وأهلا وسهلا فيكي

ZiNA أهلن وسهلن واسمك أكيد حلو انا اول ما بلشت يقولي أختي زينة

لأ أكيد لأ انا اذا كنت غلطان انا بعتذر بس إذا ماكنت غلطان مستحيل
بس كمان أنا مابطالبها بإعتذار  ومابدي حدا يعتذر مني
بس برأيي انو المرأة لاتختلف عن الرجل بشي  فا مافي داعيي للمعاملة الخاصة

ما كتيير بعتقد بهل المقولة لأنو الحب هوي ارتياح فا اشخاص بس يرتاحو لبعض بصير في حب الحب مافيه خجل ولافيه جرأة برأيي

شكرا" ألك زينة

يعني اول شي شكرا على اجاباتك وحسيتك شوي تاني بتقولي انتي شو دخلك فيني او بدك تضربني كف   يعني انت جامد فعلا ولو ما ذكرت انتي عالشي كنت انا راح قولو وخاصه من خلال اجوبتك   بعدين لازك ازعل يا اخي السلام لله رد السلام قبل ما تبدأ اجابه
________
اول سؤال انا ما حددت انو اعمالك في كتير شغلات خاصه وشخصيه الواحد ما بحب يجاوب عليه وبقول هاي خصوصياتي ونا بالضروره ان يستحي منو مثلا
______
السؤال التاني يمكن يلتقى واحد بالمليون يكون عندو متل قناعتك والمثل الي قلتو بنطبق على اشياء 50 بالميه بالحياة بس الخمسين الباقي ما بينطبق عليها
_____
بس شغله شلون المرأه المطلقه متل الغير مطلقه
____
شكرا لانك استمتعت بالرد على اسئلتي رغم انها كتيره  
بعدين انتي قاعد على كرسي الاعتراف وبدك تتحملنا